Taimi-Tēpile ki he Fakataha Ngāué

Uike Kamata Sanuali 10

Hiva 6 (45)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué) ke fakahāhā ʻaki ʻa e founga ke tuʻuaki ai ʻa e Taua Leʻo ʻo Sanuali 15 mo e Awake! ʻo Sanuali 22. ʻE lava ke ngāueʻaki ha ngaahi tuʻuaki ʻaonga kehe. ʻI he tuʻuaki ʻe taha, fakahāhā ai ʻa hono tuʻuaki ʻo e ngaahi makasiní ki ha kāinga ʻikai ko ha Fakamoʻoni.

15 min: Toʻutupu—ʻOku Mou Fai ha Laka ki Muʻa Fakalaumālie? Ko ha malanga ke fai ʻe ha mātuʻa makatuʻunga ʻi he Taua Leʻo ʻo ʻEpeleli 1, 2003, peesi 8-10. Lave ki he niʻihi ʻo e ngaahi taumuʻa moʻoni mo ala aʻusiá pea fakalototoʻaʻi ʻa e toʻutupú ke nau fokotuʻu ʻa e ngaahi taumuʻa fakalaumālie pau maʻa kinautolu.

20 min: “ʻAhiʻahi ha Fakaofiofi Ngaofengofua.” Fetalanoaʻaki mo e kau fanongó ʻi he peesi 6 ʻo e fakalahí. Fakahāhā ha sīpinga ʻe ua ʻo e founga ke ngāueʻaki ai ʻa e fakaofiofi ko ení fakataha mo e tohi ʻoku tuʻuaki ki he māhiná. ʻI he fakahāhā taki taha, ʻai ha tokotaha malanga ke lau ha konga Tohi Tapu ʻe taha ʻa ia ʻoku fakahaaʻi ai ha meʻa naʻe lave ki ai ʻa e tokotaha-ʻapí ʻokú ne tokanga fekauʻaki mo ia.

Hiva 16 (143) mo e lotu tuku.

Uike Kamata Sanuali 17

Hiva 21 (191)

10 min: Ngaahi fanongonongo fakalotofonua. Fakamanatu nounou ʻa e puha “Ngaahi Polokalama Vitiō ʻi he DVD.”

15 min: “Founga ke Ngāueʻaki Ai ʻa e Ngaahi Sīpinga Tuʻuakí.”a Ngāueʻaki ʻa e ngaahi fehuʻi ʻoku ʻomaí. Lave ʻo pehē ko e peesi 3-5 ʻo e fakalahi ki he māhina ní ʻoku ʻi ai ʻa e ngaahi tuʻuaki ki he ʻū tohi te tau lāulea ki aí. Tauhi ʻa e fakalahí ke ngāueʻaki ʻi he toenga ʻo e taʻú. Hili ʻa e lāulea ki he kupú, fetalanoaʻaki ki he founga ke tuʻuaki ai ʻa e ʻUnuʻunu Ofi kia Sihova lolotonga ʻo Fepuelí. Fakahāhaaʻi ʻa e ongo tuʻuakí. Te na makatuʻunga nai ʻi he ngaahi sīpinga tuʻuaki ʻi he peesi 3 pe ʻi he ngaahi tuʻuaki kehe ʻa ia ʻe ola lelei ki he feituʻu ngāue fakalotofonuá.

20 min: “Fai ʻa e Ngaahi Ako Tohi Tapu Fakalakalaká​—Konga 5.”b Fakakau ai ha fakahāhā ʻo ha faiako taukei ʻokú ne lāulea mo ha tokotaha malanga foʻou ange ki he founga ke fakaʻehiʻehi ai mei he ngaahi tōʻanga anga-maheni ʻoku lave ki ai ʻi he palakalafi 4-5.

Hiva 9 (37) mo e lotu tuku.

Uike Kamata Sanuali 24

Hiva 13 (124)

5 min: Ngaahi fanongonongo fakalotofonua. Fakamatala paʻangá.

15 min: Ngaahi fiemaʻu fakalotofonua.

25 min: “Maʻu ʻAonga mei he Foʻi Vitiō ko e No Blood​—Medicine Meets the Challenge.” Ko ha fetalanoaʻaki mo e kau fanongó ʻi he foʻi vitiō ko e No Blood, ʻo ngāueʻaki ʻa e ngaahi fehuʻi ʻoku ʻomai ʻi he peesi 1. Hili iá, lau ʻa e palakalafi fakaʻosí. Fakalototoʻaʻi ʻa e tokotaha kotoa ke nau ʻi ai ʻi he uike kahaʻú ki he lāulea fekauʻaki mo ha tokonaki foʻou ke tokoniʻiʻaki kitautolu ke tau fakaʻehiʻehi mei he totó.

Hiva 23 (200) mo e lotu tuku.

Uike Kamata Sanuali 31

Hiva 27 (221)

5 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Sanualí.

15 min: ʻOkú Ke Vakaiʻi Fakaʻaho ʻa e Tohi Tapú? Malanga mo e fetalanoaʻaki mo e kau fanongó makatuʻunga ʻi he talateu ʻo e Ko Hono Vakaiʻi Fakaʻaho ʻa e Tohi Tapú—2005. Lāulea ki he fiemaʻu kia kitautolu kotoa ha ngaahi miniti siʻi he ʻaho kotoa pē ke lāulea ai ki he potutohí mo e fakamatalá. Fokotuʻutuʻu ki muʻa ki ha toko taha pe toko ua ke na fakamatala ki heʻena founga-tuʻumaʻu ʻo e lāulea ki he potutohí mo e anga ʻo ʻena maʻu ʻaonga mei aí. Fakaʻosiʻaki ha lāulea nounou ki he konga tohi fakataʻu ki he 2005.

25 min: Talangofua ki he Fekau ʻa e ʻOtuá ke Fakaʻehiʻehi mei he Totó. Malanga ke fai ʻe ha mātuʻa, ʻo ngāueʻaki ʻa e maniusikilipi kuo tokonaki ʻe he ʻōfisi vaʻá. Lave ʻi he kamatá ko e kaati HCD ʻe ʻikai fakafonu ia he poó ni. Lolotonga hono lau ʻo e maniusikilipí, ko e tokotaha malangá te ne tānaki atu nai ha fanga kiʻi fakamatala ke fakamamafaʻi ʻa e ngaahi poini tefitó ka heʻikai te ne tānaki atu ki he fakamatalá ha toe ngaahi fakatātā pe konga Tohi Tapu. ʻE lau nai pe fakalea pē ʻa e ngaahi konga Tohi Tapu ʻoku haá ʻo fakatatau pē ki he taimí. ʻI he ngaahi poini feʻungamālié, fakahanga ʻa e tokangá ki he ngaahi fakamatala ʻi he puha “Tokonaki Foʻou ke Tokoniʻiʻaki Kitautolu Ke Tau Fakaʻehiʻehi mei he Totó.” Ko e sekelitalí ʻoku totonu ke ne tokonaki ha kaati HCD ki he kau malanga papitaiso kotoa pē mo e “Ngaahi Fakahinohino ki Hono Fakafonu ʻa e Kaati HCD” ke ʻai kinautolu ke nau malava ʻo muimui he lolotonga ʻa e kongá. Ko e sekelitalí ʻoku totonu ke ne toe fakapapauʻi foki ʻoku ʻi ai ha tokonaki feʻunga ʻo e Identity Cards ʻoku ala maʻú.

Hiva 15 (127) mo e lotu tuku.

Uike Kamata Fepueli 7

Hiva 11 (85)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué), fakahāhaaʻi ʻa e founga ke tuʻuaki ai ha taha pē ʻo e Taua Leʻo ʻo Fepueli 1 pe ko e Awake! ʻo Fepueli 8. ʻE ngāueʻaki nai ʻa e ngaahi tuʻuaki ʻaonga kehe.

15 min: Tokoniʻi ʻa e Faʻahinga Foʻoú ke Ako ke ʻOfa ki he ʻOtuá mo e Kaungāʻapí. Ko ha malanga makatuʻunga ʻi he Taua Leʻo ʻo Siulai 1, 2004, peesi 16, palakalafi 7-9. Fakamamafaʻi ʻa e anga ʻo e kaunga ʻa e tokotaha kotoa pē ʻi he fakatahaʻangá ki hono tokoniʻi ʻa e faʻahinga foʻoú ke nau hoko ko e kau ākonga ʻa Kalaisi.

20 min: ʻOku ʻIkai ke Taʻofi ʻe Sihova ha Meʻa Lelei. (Sāme 84:11) Fakaʻekeʻeke ha niʻihi ʻo e fanga tokoua mo e fanga tuofāfine kuo nau tauhi maʻu ʻenau faitōnunga ʻi he lolotonga ʻo e ngaahi ʻahiʻahí. Ko e hā ʻa e ngaahi faingataʻa kuo nau fetaulaki mo iá? Ko e hā kuó ne tokoniʻi kinautolu ke nau fekuki mo iá? Ko e hā ʻa e ngaahi fiefia mo e tāpuaki kuo nau hokosiá?

Hiva 26 (212) mo e lotu tuku.

[Fakamatala ʻi lalo]