Fanongonongo
◼ Tohi ke tuʻuaki ʻi Sanuali: Ko ʻEku Tohi ʻo e Ngaahi Talanoa Faka-Tohitapú. Fepueli: ʻUnuʻunu Ofi kia Sihova. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, fakakau ai ʻa e faʻahinga naʻa nau maʻu ʻa e Fakamanatú pe ko e ngaahi meʻa fakateokalati kehé ka ʻoku ʻikai te nau feohi longomoʻui mo e kautahá. Tokangataha ki hono tufa ʻo e tohi Lotu ki he ʻOtua. ʻOku totonu ke fai ʻa e feinga fakamātoato ke kamata ha ako Tohi Tapu ʻi ʻapi, tautefito kapau kuo ʻosi ako ʻe he faʻahinga tāutaha ʻe niʻihi ʻa e tohi ʻIlo mo e polosiua Fiemaʻu.
◼ Kamata ʻi Fepueli, pea ʻikai tōmui ʻi Maʻasi 6, ko e malanga foʻou maʻá e kakaí ki he kau ʻovasia sēketí ʻa eni “Ngāue Fakapotopoto ʻi ha Māmani Ongongataʻa.”
◼ ʻOku totonu ke fai ʻe he ngaahi fakatahaʻangá ʻa e ngaahi fokotuʻutuʻu feʻungamālie ke kātoangaʻi ai ʻa e Fakamanatu ʻi he taʻu ní ʻi he Sāpate, Maʻasi 24, hili e tō ʻa e laʻaá. Neongo ʻe kamata ki muʻa ʻa e malangá, ko hono paasi ʻo e maá mo e uainé ʻoku ʻikai totonu ke kamata ia kae ʻoua kuo tō ʻa e laʻaá. Vakaiʻi mei he ngaahi maʻuʻanga fakamatala fakalotofonuá ke fakapapauʻi ʻa e taimi ʻe tō ai ʻa e laʻaá ʻi ho feituʻú. ʻOku lelei ki he fakatahaʻanga taki taha ke ne fai ʻene kātoanga Fakamanatú tonu. Kae kehe, ʻe ʻikai nai malava maʻu pē eni. ʻI he feituʻu ʻoku ngāueʻaki anga-maheni ai ʻe ha ngaahi fakatahaʻanga ʻa e Fale Fakatahaʻanga tataú, ʻe lava ke ngāueʻaki ʻe ha fakatahaʻanga ʻe taha pe lahi ange ha toe fale ʻe taha ʻi he efiafi ko iá. ʻOka malava, ʻoku mau fokotuʻu atu ha miniti ʻe 40 ko e siʻisiʻi tahá ia ʻi he vahaʻa ʻo e ngaahi polokalamá koeʻuhi ke maʻu ʻaonga kakato ʻa e toko taha kotoa mei he kātoangá. ʻOku totonu foki ke fai ha fakakaukau ki he ngaahi tuʻunga fefonongaʻakí pea mo e tauʻanga ʻo e meʻalelé, ʻo kau ai ʻa hono fakahifo mo hono fakaheka ʻo e kau pāsesé. ʻOku totonu ke fakapapauʻi ʻe he kulupu ʻo e kau mātuʻá ʻa e ngaahi fokotuʻutuʻu ʻe lelei taha fakalotofonuá.