Ngaahi Polokalama Vitiō ʻi he DVD

Ko e DVD ʻoku fakakaveinga ko e Transfusion Alternatives—Documentary Series ʻoku kau ai ʻa e foʻi polokalama vitiō ʻe tolu. Ko e Transfusion-Alternative Strategies—Simple, Safe, Effective naʻe faʻu ia maʻá e kau toketā mo e kau ako faitoʻó pea ko ia ʻoku fakakau ai ʻa e ngaahi konga fakafaitoʻo lahi ange ia ʻi he ongo polokalama kehe ʻe uá. Ko e Transfusion-Alternative Health Care—Meeting Patient Needs and Rights naʻe tautefito hono faʻu iá maʻá e kau faiongoongó, kau ʻōfisa moʻuí, kau ngāue fakasōsialé mo e kau fakamāú. ʻOku lāulea ai ki he founga ke tokangaʻi ai ʻa e ngaahi fiemaʻu fakafaitoʻo ʻa e kau mahakí lolotonga ia ʻa e lāuʻilo ki heʻenau ngaahi totonu fakalaó. Ko e No Blood—Medicine Meets the Challenge naʻe tautefito hono faʻu iá maʻá e kakaí fakalūkufua. Ko e foʻi DVD ʻoku kau ai ʻa e ngaahi vitiō faka-Pilitānia ʻo fakakau ai ʻa e ngaahi foʻi fasi faka-Falanisē, Lūsia, Potukali (ʻa Pelēsilá), Siamane, Siapani, Sipeini mo e faka-ʻĪtali. Kātaki ʻo ongoʻi tauʻatāina ke vahevahe ʻa e ngaahi polokalama ko ení mo hoʻo toketaá, ngaahi ako Tohi Tapú, hoa ʻikai Fakamoʻoní, ngaahi kāingá, kau faiakó, kaungāngāué mo e kaungāakó.