Taimi-Tēpile ki he Fakataha Ngāué

Uike Kamata Fepueli 14

Hiva 16 (143)

10 min: Fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué) ke fakahāhā ʻaki ʻa e founga ke tuʻuaki ai ʻa e Taua Leʻo ʻo Fepueli 15 mo e Awake! ʻo Fepueli 22.

15 min: “Fai ʻa e Ngaahi Ako Tohi Tapu Fakalakalaká​—Konga 6.”a Fakakau ai ha fakahāhā miniti ʻe fā ʻa ia ʻoku ʻeke ai ʻe ha tokotaha ako Tohi Tapu pe ko e hā ʻoku tokosiʻi ai pē ʻa e kau maʻu Fakamanatu ʻoku nau maʻu ʻinasi ʻi he maá mo e uainé. Ko e faiakó ʻokú ne fakaongoongoleleiʻi ia ʻi heʻene fehuʻí, ʻokú ne hikiʻi ia pea fokotuʻu ange ke na fetalanoaʻaki ki ai hili ʻena lāulea ki he fakamatala ʻoku fai ai ʻa e ako ʻi he uiké. ʻI he fakamulituku ʻo e akó, ʻoku fakahanga ai ʻe he faiakó ʻa e tokotaha akó ki he fakamatala ʻi lalo ʻi he fehuʻi “Ko hai ʻoku maʻu ʻinasi ʻi he maá mo e uainé?” ʻi he peesi 267-8 ʻo e tohi Reasoning. ʻOkú na lau fakataha ia, pea ʻoku fakahaaʻi ʻe he tokotaha akó ʻa e houngaʻia ki he tali māʻalaʻala ki he fehuʻi naʻá ne langaʻí.

20 min: “Feingangāue Makehe ke Tufaki ʻa e Polosiua Foʻoú.”b Ke fai ʻe he ʻovasia ngāué. ʻAi ha fakahāhā ʻo e ongo tuʻuaki ʻoku fokotuʻu maí. ʻI he taha ʻo e ongo fakahāhaá, ʻoku fakahāhā ai ʻe ha tokotaha-ʻapi ha mahuʻingaʻia siʻisiʻi ʻi he tuʻuaki Fakatohitapú pea ʻoku tuʻuaki ki ai ha tuleki ʻo ʻikai ko e polosiuá.

Hiva 8 (53) mo e lotu tuku.

Uike Kamata Fepueli 21

Hiva 25 (204)

10 min: Fanongonongo fakalotofonua. Fakamanatu ʻa e ngaahi poini tefito mei he puha ʻi he peesi 6, “Tokoniʻi Kinautolu Ke Nau Maʻu ha Fakamoʻoni Lahi Ange.” Fakalototoʻaʻi ʻa e tokotaha kotoa ke fakafonu leva ʻa e foomu Please Follow Up (S-43) ʻi he malanga hake ʻa e fiemaʻú. Fakamanatu nounou ʻa e ngaahi fokotuʻutuʻu ki he feingangāue makehe ki hono tufaki ʻa e polosiua foʻoú.

35 min: “Ko e Faʻahitaʻu Fakamanatú​—Ko ha Taimi ʻo e Ngāue Lahi Ange.”c Ke fai ʻe he ʻovasia ngāué. ʻI he lāulea ki he palakalafi 6, fakakau ai ʻa e fakamatala ʻi he Awake! ʻo Sepitema 8, 2004, peesi 12-13. Fanongonongo ʻa e faʻahinga ko ia kuo nau hū ke hoko ko e kau tāimuʻa tokoní. Fakahaaʻi ʻa e toe ngaahi fakataha lahi ange ki he malaʻe ngāué kuo ʻosi fokotuʻutuʻú. Fakalototoʻaʻi ʻa e tokotaha kotoa ke fakalahi ʻenau ngāue fakalaumālié ʻi ha founga lolotonga ʻa e faʻahitaʻu Fakamanatu ko ʻení.

Hiva 4 (43) mo e lotu tuku.

Uike Kamata Fepueli 28

Hiva 21 (191)

15 min: Fanongonongo fakalotofonua. Fakamatala paʻangá. Fakamanatu ki he kau malangá ke ʻomai ʻenau līpooti malaʻe ngāue ki Fepuelí. Fakahāhaaʻi ha tuʻuaki ki hono fakaʻaliʻali ʻa e polosiua foʻoú ʻa ia kuo maʻu ai ʻa e ngaahi ola lelei ʻi he feituʻu ngāue fakalotofonuá. ʻE ngāueʻaki nai ʻa e ngaahi sīpinga tuʻuaki ʻi he konga fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2005. Fakatatau ki he taimí, lave ki ha ngaahi meʻa naʻe hokosia mei he feingangāue makehé.

10 min: Ngaahi fiemaʻu fakalotofonua. Pe malanga fakalototoʻa makatuʻunga ʻi he kupu “Fakahaaʻi ʻa e Houngaʻia ki he Ngaahi Koloa Fakateokalatí” mei he ʻEtau Ngāue Fakafaifekau ʻo e Puleʻanga ʻo Sepitema 2002, peesi 1.

20 min: “Fakamālō ki he ʻAloʻofa ʻa Sihová.”d Fanongonongo ʻa e taimi mo e feituʻu ʻo e Fakamanatú fakataha mo e hingoa ʻo e tokotaha malangá pea mo ha fakaikiiki kehe pē ʻoku felāveʻi mo ia. ʻI he lāulea ki he palakalafi 4, fakakau ai ha fakahāhā nounou ʻo ha tokotaha malanga ʻokú ne fakaafeʻi ki he fakamanatú ha tokotaha ko haʻane tukuʻanga makasini pau. ʻOku totonu ke ʻai ke ala maʻu ʻa e ngaahi tohi fakaafe Fakamanatu kuo pulusí ʻi he hili ʻa e fakatahá, kapau kuo teʻeki ke fai ʻeni.

Hiva 22 (130) mo e lotu tuku.

Uike Kamata Maʻasi 7

Hiva 7 (51)

10 min: Fanongonongo fakalotofonua. Fakamanatu ʻa e ngaahi poini tefito mei he puha ko e “Ngaahi Meʻa ke Manatuʻi ki he Fakamanatú.”

15 min: Ngaahi meʻa naʻe hokosia fakalotofonua. Fakaafeʻi ʻa e kau fanongó ke nau lave ki he ngaahi meʻa naʻa nau hokosia lolotonga ʻa e feingangāue makehe ke tufaki ʻa e polosiua foʻoú. Fokotuʻutuʻu ki muʻa ke toe fakatātaaʻi ʻa e ngaahi meʻa tuʻu-ki-muʻa naʻe hokosiá. Kapau ko e tokonaki polosiua ʻa e fakatahaʻangá ʻoku toe siʻi, fai ha kole ke toe ʻomai ha ngaahi tatau lahi ange ki he kānita tohí.

20 min: Fakahāhā ʻa e Tokanga ki he Faʻahinga ʻOku Vaivaí. (Ngāue 20:35) Fai ha fetalanoaʻaki fehuʻi mo e tali hoko atu he talateu ʻoku siʻi hifo he miniti ʻe tahá, ʻi he Taua Leʻo ʻo Siulai 1, 2004, peesi 17-18, palakalafi 12-16, ʻi he founga tatau hangē ko ia ʻoku fai ʻi he Ako Taua Leʻo. ʻAi ke lau ʻa e ngaahi palakalafí ʻe ha tokoua ʻa ia ko ha tokotaha lautohi lelei. Fai ha tokangataha ki he founga ʻe lava ke ngāueʻaki ai ʻa e fakamatalá ʻi he felāveʻi mo e Fakamanatu ʻoku tuʻunuku maí pea mo e malanga makehé.

Hiva 3 (32) mo e lotu tuku.

[Fakamatala ʻi lalo]