Taimi-Tēpile ki he Fakataha Ngāué

Uike Kamata Maʻasi 14

Hiva 7 (51)

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke nau mamata ʻi he foʻi vitiō ko e David—He Trusted in God ʻi he teuteu atu ki he Fakataha Ngāue ʻo e uike ʻo ʻEpeleli 4. Ko e feingangāue makehe ko ia ke tufaki ʻa e Hanganaki Leʻo! ʻe fakaʻosi ia ʻi Maʻasi 20. ʻI he toenga ʻo Maʻasí, te tau tuʻuaki ai ʻa e ʻIlo ʻA Ia ʻOku Taki Atu ki he Moʻui Taʻengatá.

17 min: “Fakataha-Lahi Fakavahe 2005 ‘Talangofua Fakaʻotua’ ʻa e Kau Fakamoʻoni ʻa Sihová.”a Ke fakahoko ʻe he sekelitali ʻa e fakatahaʻangá. Hili ʻa e lāulea ki he palakalafi 2, lau ʻa e tohi ki he ngaahi konga ʻi he fakataha-lahí ki Nōvema 30, 2004. Fakalototoʻaʻi ʻa e tokotaha kotoa ke nau fai ʻa e ngaahi fokotuʻutuʻu ki he fakataha-lahí ʻi he vave taha ʻe malavá.

20 min: “Fakaʻaliʻali e Ngaahi Makasiní ʻi Hoʻo Ngāue Fakafaifekaú.”b ʻI he lāulea ki he palakalafi 3 mo e 4, ngāueʻaki fakalotofonua ʻa e fakamatalá. Fakaʻekeʻeke nounou ha toko taha pe toko ua ʻo e kau malangá ʻa ia ʻokú na ola lelei ʻi hono tufa ʻa e ngaahi makasiní ʻi he ngaahi feituʻu fakapisinisí, ʻi he ngāue he halá, ʻi he ngaahi feituʻu kakaí, pe ʻi he taimi ʻo e faifakamoʻoni ʻi he founga ʻikai anga-mahení. Kole kia kinaua ke na fakamatalaʻi ʻa e founga naʻá na tuʻuaki ai ʻa e ngaahi makasiní ʻi he ngaahi tuʻunga ko ení. ʻAi ha fakahāhā nounou ʻo ha tuʻuaki pe ko ha fakatātaaʻi ha meʻa naʻe hokosia.

Hiva 11 (85) mo e lotu tuku.

Uike Kamata Maʻasi 21

Hiva 6 (45)

10 min: Ngaahi fanongonongo fakalotofonua. Ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué) ke fakahāhaaʻi ʻa e founga ki hono tuʻuaki ʻa e Taua Leʻo ʻo Maʻasi 15 mo e Awake! ʻo Maʻasi 22. ʻE ngāueʻaki nai ʻa e ngaahi tuʻuaki ʻaonga kehé. ʻI he taha ʻo e ongo tuʻuakí, fakahāhaaʻi ai hono fai ha toe ʻaʻahi ki ha tukuʻanga makasini pau. ʻI hono fakaʻosi ʻo e tuʻuakí, ngāueʻaki ʻa e takafi mui ʻo e Taua Leʻo ʻo Maʻasi 15 ke fakamanatu ki he tokotaha-ʻapí ʻa e kātoanga Fakamanatu ʻoku ʻamanaki ke hokó.

17 min: “Fakamamafa Lahi Ange ki he Tohi Tapú!”c

18 min: Fakatupulekina ʻa e Mahuʻingaʻiá ʻi Hono Ngāueʻaki ʻa e Polosiua Foʻoú. Malanga mo e fetalanoaʻaki mo e kau fanongó ke fakahoko ʻe he ʻovasia ngāué. ʻOku totonu ke tau toe foki ke fakatupulekina ʻa e mahuʻingaʻia ʻi he tokotaha taki taha naʻa nau tali ʻa e tatau ʻo e Hanganaki Leʻo! ʻI hono ngāueʻaki ʻa e fakahokohoko ʻo e meʻa ʻi lotó ʻi he peesi 2, fai ha sio nounou fakalūkufua ki he polosiuá, ʻo tohoakiʻi ʻa e tokangá ki he ngaahi konga nounou ʻoku fakamamafaʻí (ʻoku fakahokohoko ʻi he fōtunga anga-mahení ʻi lalo ʻi he ngaahi ʻuluʻi kaveinga mata lalahí). Ko e fakamatala hoko ko ení ʻe lava ke ngāueʻaki ia ʻi ha ngaahi fetalanoaʻaki nounou mo mohu ʻuhinga. Ko e fakatātaá, kapau naʻe fakaʻaliʻali ʻa e peesi 3-4 ʻi he ʻuluaki ʻaʻahí, ʻe lava ke ngāueʻaki ʻa e konga ʻoku fakamamafaʻi ʻi he peesi 5, “ʻOku Tokanga Moʻoni Mai ʻa e ʻOtuá?” ke fai ha toe ʻaʻahi. Lāulea ki he founga ʻe lava ke fai ai iá. Fakamanatu ʻa e ngaahi konga kehe ʻoku fakamamafaʻí, hangē ko ia ʻi he peesi 6-8 mo e 17-18 pe ko e ngaahi konga kehe ʻoku feʻungamālie ki he feituʻu ngāue fakalotofonuá. Fakahāhā ha toe ʻaʻahi, ʻo ngāueʻaki ʻa e taha ʻo e ngaahi konga ʻoku fakamamafaʻí. ʻOku totonu ke lau pea fai ha lāulea ki ha taha pe lahi ange ʻo e ngaahi konga Tohi Tapu ʻoku haá. ʻOku fakaʻosiʻaki ʻe he tokotaha malangá ʻaki ʻene tohoakiʻi ʻa e tokangá ki ha toe konga kehe ʻoku fakamamafaʻi ʻa ia ʻe lava ke lāulea ki ai ʻi he ʻaʻahi hokó.

Hiva 2 (15) mo e lotu tuku.

Uike Kamata Maʻasi 28

Hiva 23 (200)

10 min: Ngaahi fanongonongo fakalotofonua. Lau ʻa e fakamatala paʻangá mo e ngaahi fakamālō ki he tokoní. Fakamanatu ki he tokotaha kotoa ke nau mamata ʻi he foʻi vitiō ko e David—He Trusted in God ʻi he teuteu atu ko ia ki he Fakataha Ngāue ʻo e uike hokó. Fakalototoʻaʻi ʻa e tokotaha kotoa ke nau fakaafeʻi ʻa e faʻahinga mahuʻingaʻiá ke nau maʻu ʻa e malanga makehe maʻá e kakaí ʻi ʻEpeleli 10. Lave ki he tohi ke tuʻuaki ʻi ʻEpeleli mo Meé.

18 min: Ko Hono Kamata ʻa e Ngaahi Ako Tohi Tapu mo e Faʻahinga Naʻa Nau Tali ʻa e Polosiua Foʻoú. Malanga mo e fetalanoaʻaki mo e kau fanongó ke fakahoko ʻe he ʻovasia ngāué. Fakamanatu nounou ʻa e toe ʻaʻahi naʻe fakahāhā ʻi he Fakataha Ngāue ki muʻá, ʻo lave tautefito ki he konga ʻoku fakamamafaʻi naʻe lave ki ai ʻi he fakaʻosinga ʻo e ʻaʻahi ko iá. ʻAi ʻa e ongo meʻa malanga tatau (kapau ʻe malava) ke na ngāueʻaki ʻa e fakamatala ko iá ke fakahāhā ʻaki ʻa e toe ʻaʻahi hokó. ʻOku ngāueʻaki leva ʻe he tokotaha malangá ʻa e takafi mui ʻo e polosiuá ke tuʻuaki ha ako Tohi Tapu, pea ʻoku fai ha ngaahi fokotuʻutuʻu ke lāulea ki he lēsoni 1 ʻo e polosiua Fiemaʻu ʻi he ʻaʻahi hokó. Fakalototoʻaʻi ʻa e tokotaha kotoa ke nau tokanga taha ki hono kamataʻi ha ngaahi ako Tohi Tapu mo e faʻahinga naʻa nau tali ha tatau ʻo e Hanganaki Leʻo!

17 min: Fakaʻaliʻali ʻa e Taua Leʻo mo e ʻĀ Hake! Fakamanatu ʻa e ngaahi fokotuʻu ki hono fakalahi hono tufa ʻo e ngaahi makasiní ʻi he “Fakaʻaliʻali e Ngaahi Makasiní ʻi Hoʻo Ngāue Fakafaifekaú.” Lāulea ki he ngaahi poini fakamānako ʻi he ngaahi ʻīsiu lolotonga ʻo e ongo makasiní. ʻI hono ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻu ngāué), fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 1 mo e Awake! ʻo ʻEpeleli 8. ʻE ngāueʻaki nai ʻa e ngaahi tuʻuaki ʻaonga kehé. ʻI he ongo tuʻuakí taki taha, fakamatalaʻi ʻa e founga ʻo hono fakapaʻanga ʻo ʻetau ngāue ʻi māmani lahí.—Sio ki he Taua Leʻo, p. 2, pe Awake! p. 5.

Hiva 15 (127) mo e lotu tuku.

Uike Kamata ʻEpeleli 4

Hiva 17 (187)

5 min: Ngaahi fanongonongo fakalotofonua.

15 min: Ngaahi hokosia fakalotofonua. Fakaafeʻi ʻa e kau fanongó ke nau fakamatala ki he ngaahi meʻa ne nau hokosia ʻi he toe foki ki he Hanganaki Leʻo! naʻe tufá. Fokotuʻutuʻu ki muʻa ki hano fakahāhā ʻa e ngaahi hokosia tuʻu-ki-muʻa naʻe hokó. Fakaongoongoleleiʻi ʻa e tokotaha kotoa ki heʻenau poupou ʻi he feingangāue makehé.

25 min: “Ko ha Foʻi Vitiō mo ha Pōpoaki ʻOku ʻAonga Tuʻuloa.” Lau ʻa e Sāme 91:2 mo e 31:​14, ʻo fakamatalaʻi nounou ʻaupito kinaua. Pea hangatonu leva ki ha fetalanoaʻaki mo e kau fanongó ki he ngaahi fehuʻi ʻi he foʻi vitiō David, ʻo ngāueʻaki ʻa e kotoa ʻo e ngaahi fehuʻi ʻoku fakahokohoko ʻi he palakalafi hono uá pea pehē ki he fehuʻi ʻoku fokotuʻu ʻi he palakalafi hono tolú. Hili iá, kole ki he ngaahi fāmilí ke nau fakamatala ki he founga kuo nau maʻu ʻaonga ai mei he kau ki he “Ngaahi Founga Ako” kuo fokotuʻu mai ʻi he DVD. Fakaʻosiʻaki hono lau ʻa e Sāme 56:11.

Hiva 13 (124) mo e lotu tuku.

[Fakamatala ʻi lalo]