Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻEpeleli 25, 2005. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Maʻasi 7 ki ʻEpeleli 25, 2005. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻI hono teuteu ha malangá, ʻoku anga-fēfē ʻetau ngāueleleiʻaki ʻa e fakamatala kuo vaheʻi maí, pea ko e hā ʻoku mahuʻinga ai ení? [be p. 234 pal. 1-3, ongo puha]
2. Ko e hā hono lahi ʻo e fakamatala kuo vaheʻí ʻoku totonu ke tau feinga ke kāpui ʻi ha malanga? [be p. 234 pal. 4–p. 235 pal. 1]
3. ʻE lava fēfē nai ke tau ngāueʻaki ʻa e ngaahi fehuʻí ke fakalotolahiʻi ʻaki ʻa e fetalanoaʻaki ʻi he malaʻe fakafaifekaú? (Ng. 8:30) [be p. 236 pal. 2-5]
4. ʻE lava fēfē ke tau ngāueʻaki ʻa e ngaahi fehuʻí ke tokoniʻi ʻa e kau ako Tohi Tapú ke nau ngāueʻaki ʻenau “mafai fakaefakaʻuhingá”? (Loma 12:1, NW) [be p. 238 pal. 1]
5. Ko e hā ʻa e ola ʻo e ngaahi fehuʻi ʻoku ʻomai ʻi he Loma 8:31, 32 mo e Aisea 14:27? [be p. 239 pal. 1-2]
KONGA FIKA 1
6. ʻOku anga-fēfē ʻetau ‘ʻai ʻa Kalaisi ko e makatuʻunga’ ʻi heʻetau ngāue ngaohi-ākongá? (1 Kol. 3:11) [be p. 278 pal. 1-2]
7. Koeʻuhi naʻe tuku ʻe Sihova ʻa e mafai fakaepule kakato ki hono ʻAló ʻi he 1914, ko e hā ʻetau taumuʻá ʻi he taimi ʻoku tau lotu ai, “Ke hoko mai ho puleʻangá”? (Mt. 6:9, 10, NW) [be p. 279 pal. 4]
8. Ko e hā ʻoku totonu ai ke mahuʻingaʻia ʻa e kau Kalisitiane kotoa pē ʻi he malava ke lautohí pea naʻe anga-fēfē hono fokotuʻu ʻe Sīsū ʻa e faʻifaʻitakiʻanga ʻi he meʻá ni? [w03 3/15 p. 10 pal. 5; p. 12 pal. 2]
9. ʻOku lava fēfē ke tokoniʻi ʻe he faʻifaʻitakiʻanga ʻa Siosiua mo Sīsuú ʻa e kau talavoú ke nau fai ha laka ki muʻa fakalaumālie? [w03 4/1 p. 8 pal. 3-4; p. 10 pal. 3]
10. Ko e hā ʻoku lava ai ke tau tuku ʻetau falalá ki he ʻOtuá? (Pal. 3:5, 6) [w03 11/1 p. 4 pal. 6-p. 5 pal. 1]
LAU TOHI TAPU FAKAUIKE
11. Ko e hā naʻe lotu ai ʻa ʻAna kia Sihova ke “tuku malohi ki heʻene tuʻi” ʻi he taimi naʻe ʻikai ai ha tuʻi fakaetangata ki ʻIsilelí? (1 Sam. 2:10)
12. Ko e hā ʻe lava ke tau ako mei he moʻoniʻi meʻa ko ia naʻe ikunaʻi ʻa ʻIsileli neongo ʻenau maʻu ʻa e puha ʻo e ʻaʻake ʻo e kovinānité ʻi honau lotolotongá? (1 Sam. 4:3, 4, 10)
13. Ko e hā ʻoku lave ai ʻi he 1 Kalonikali 2:13-15 kia Tēvita ko e foha hono fitu ia ʻo Sese, lolotonga iá ʻoku fakahaaʻi ʻi he 1 Samiuela 16:10, 11 ko e foha hono valú ia?
14. Ko e hā ʻa e “laumalie kovi” naʻá ne fakamanavaheeʻi ʻa Saulá? (1 Sam. 16:14)
15. Naʻe tonu matematē ʻa e meʻa naʻe tomuʻa tala ʻe “Sāmiuela” fakafou he fefine fakahaʻele faʻahikehe ʻi ʻEnitoá? (1 Sam. 28:16-19)