Fanongonongo

◼ Tohi ke tuʻuaki ʻi ʻEpeleli mo Mē: Fakaʻaliʻali fakatouʻosi ʻa e ngaahi tatau tāutaha ʻo e Taua Leʻo mo e ʻĀ Hake! ʻI hono fai ʻa e ngaahi toe ʻaʻahi ki he kakai mahuʻingaʻiá, fakakau ai ʻa e faʻahinga naʻa nau maʻu ʻa e Fakamanatú pe ngaahi meʻa fakateokalati kehé ka ʻoku ʻikai te nau feohi longomoʻui mo e kautahá. Tokangataha ki hono tufa ʻo e tohi Lotu ki he ʻOtua. ʻOku totonu ke fai ʻa e feinga fakamātoato ke kamata ha ako Tohi Tapu ʻi ʻapi, tautefito kapau kuo ʻosi ako ʻe he faʻahinga tāutaha ʻe niʻihi ʻa e tohi ʻIlo mo e polosiua Fiemaʻu. Sune: Ako mei he Faiako Lahí. Te ke lava ke fetongiʻaki ia hono tuʻuaki ʻa e polosiua Fiemaʻu. Siulai mo ʻAokosi: ʻE tuʻuaki nai ha polosiua pē ʻoku feʻungamālié.

◼ ʻOku fiemaʻu ki he ʻōfisi vaʻá ke nau tauhi ha lēkooti taimi totonu ʻo e ngaahi tuʻasila pea mo e ngaahi fika telefoni ʻo e kotoa ʻo e kau ʻovasia tauhí mo e kau sekelitalí. Kapau ʻe ʻi ai ha liliu ʻi ha faʻahinga taimi pē, ʻoku totonu ki he Kōmiti Ngāue ʻa e Fakatahaʻangá ke ne fakafonu, fakamoʻoni hingoa pea ʻave ha foomu Presiding Overseer/Secretary Change of Address (S-29) ki he ʻōfisi vaʻá ʻi he vave tahá. ʻOku kau heni ha faʻahinga liliu pē ʻi he ngaahi fika telefoni ʻo e feituʻú.

◼ ʻOku totonu ki he kau sekelitali ʻi he fakatahaʻangá ke nau tauhi maʻu ha tatau feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke ʻota eni ʻi he Literature Request Form (S-14). Tauhi maʻu ha sitoka feʻunga ʻo ia ki ha taʻu ʻe taha pe lahi ange. Fakamanatu ʻa e ngaahi foomu kole tāimuʻa tuʻumaʻu kotoa pē ke fakapapauʻi ʻoku nau kakato.

◼ Kamata ʻi Sanuali 2005, naʻe fokotuʻu ai ha ako tohi lea muli foʻou ʻi he fakatonga ʻo ʻOkalaní! Ko e kulupu Hinitī ko ení ʻoku tokangaʻi ia ʻe he Fakatahaʻanga Papatoetoe.

◼ ʻI he Tokonaki ʻo ʻEpeleli 16, 2005, ko e ʻū fale ʻo e vaʻá ʻi Manurewa ʻe tāpuni ia ki hano fakamaʻa fakaʻāuliliki. ʻE ʻikai ʻi ai ha ngaahi fokotuʻutuʻu ki ha ʻaʻahi ʻi he ʻaho ko iá.