Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi Sune 27, 2005. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he ngaahi uike ʻo Mē 2 ki Sune 27, 2005. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko e hā ko ha ongo meʻangāue fakaeako mālohi ai ʻa e similií mo e metafoá? (Sen. 22:17; Sāme 1:3; Sem. 3:6) [be p. 240 pal. 2-4, puha]
2. ʻE lava ke tau maʻu mei fē ʻa e ngaahi fakatātā ʻokú ne akoʻi ʻa e ngaahi lēsoni mahuʻingá, ka ko e hā ʻa e fakatokanga ʻoku totonu ke tau vakai ki ai ʻi he fekauʻaki mo e meʻá ni? [be p. 242 pal. 1-2]
3. Ko e hā ʻoku fiemaʻu ke tau manatuʻi ʻi hono fili ʻa e ngaahi talanoa fakatātā ʻa ia ʻe ola lelei tahá? [be p. 244 pal. 1-2]
4. Ko e hā ʻoku totonu ai ke tau ngāueʻaki ʻa e ngaahi tokoni ki he mamatá ʻi heʻetau faiakó, pea kuo anga-fēfē hono fai ia ʻe Sihová? [be p. 247 pal. 1-2, puha]
5. ʻE lava fēfē ke tau ngāueʻaki ʻa e ngaahi tokoni ki he mamatá ʻi he malaʻe fakafaifekaú? [be p. 248 pal. 1–p. 249 pal. 2]
KONGA FIKA 1
6. Ko e hā ʻa e tataki ʻoku ʻi he Folofola ʻa e ʻOtuá fekauʻaki mo hono akoʻi ʻo e fānaú? [w03 3/15 p. 12 pal. 2; p. 14 pal. 4]
7. Naʻe anga-fēfē hono fakahāhā ʻe Sihova ʻa e mahuʻingaʻia ʻia Tēvita ʻi hono tuʻunga ko ha talavoú, pea naʻe anga-fēfē hono fakahaaʻi ʻe Tēvita ʻa e mahuʻingaʻia ʻia Sihová? [w03 4/15 p. 29 pal. 4; p. 30 pal. 3]
8. Ko e hā naʻe hōifua ai ʻa Sihova ki he feilaulau ʻa ʻĒpelí, pea ko e hā ʻoku fakapapauʻi mai kia kitautolu ʻe he meʻá ni? (Sen. 4:4) [w03 5/1 p. 28 pal. 4–p. 29 pal. 1]
9. Ko e hā ʻa e “akonaki ʻa Sihova” ʻoku ekinaki mai ʻi he Palovepi 3:11 (NW) ke ʻoua te tau siʻakí? [w03 10/1 p. 20 pal. 2-4]
10. Ko e hā ʻa e ʻuhinga ʻo e “loto topono” hangē ko ia ʻoku ngāueʻaki ʻi he 1 Timote 6:6-8? [w03 6/1 p. 9 pal. 1-2; p. 10 pal. 1]
LAU TOHI TAPU FAKAUIKE
11. Ko e hā naʻe tomuʻa fakatātaaʻi ʻe he haʻi fāʻūtaha ʻo e ʻofa ʻi he vahaʻa ʻo Sionatane mo Tēvitá? (2 Sam. 1:26) [w89-E 1/1 p. 26 pal. 13]
12. Ko e hā ʻe lava ke ako mei he ʻuluaki feinga ʻa Tēvita ke ʻomai ʻa e ʻaʻake ʻo e kovinānité ki Selusalemá? (2 Sam. 6:2-9)
13. Hili ʻa e faiangahala ʻa Tēvita mo Patisepá, ko e hā naʻe pau ai ke mate ʻa hona fohá, koeʻuhi ʻoku pehē ʻi he Teutalonome 24:16 mo e Isikeli 18:20 ʻe ʻikai mate ha foha ʻi he faihala ʻa ʻene tamaí? (2 Sam. 12:14; 22:31
14. ʻOku anga-fēfē ʻetau ʻiloʻi ko e taukaveʻi ʻa Sipa fekauʻaki mo Mefipōsetí ko ha loi? (2 Sam. 16:1-4
15. Ko e hā naʻe hoko ai ʻa e tali ʻa Mefipōseti ki hono tuʻunga mo Sipá ko ha faʻifaʻitakiʻanga lelei kia kitautolú? (2 Sam. 19:24-30)