Fanongonongo

◼ Tohi ke tuʻuaki ki Sune: Ako mei he Faiako Lahí. Ki ha toe tohi ʻe taha, ʻe lava ke ke fakaʻaliʻali ʻa e polosiua Fiemaʻu. Siulai mo ʻAokosi: ʻE lava ke tuʻuaki nai ha polosiua peesi ʻe 32 pē ʻoku feʻungamālié. Sepitema: Ko e Fakapulipuli ʻo e Fāmili Fiefiá. Ki ha toe tuʻuaki ʻe taha, ʻe lava ke ke fakaʻaliʻali nai ʻa e polosiua Hanganaki Leʻo!

◼ ʻOku totonu ke fakakau ha tatau ʻo e tohi Organized to Do Jehovah’s Will ʻi he laipeli ʻa e Fale Fakatahaʻangá. Ki ha toe fakamatala lahi ange fekauʻaki mo e ngaahi laipeli ʻa e Fale Fakatahaʻangá ʻe lava ke maʻu ia ʻi he ʻEtau Ngāue Fakafaifekau ʻo e Puleʻanga ʻo Fepueli 2003, peesi 5, mo e Puha Fehuʻi ʻo ʻEtau Ngāue Fakafaifekau ʻo e Puleʻanga ʻo ʻEpeleli 1997.

◼ ʻOku totonu ke fakapapauʻi ʻe he sekelitalí ʻoku ʻilo ʻa e Kōmiti Langa Fakafeituʻú ki he tuʻunga fakamuimui taha ʻo e kau malanga ʻosi papitaiso kotoa kuo nau ʻoatu ʻenau ngaahi foomu Kingdom Hall Volunteer Worker Questionnaire (S-82). ʻI he ʻi ai ha ngaahi feʻunuʻaki ʻi he tuʻunga ʻo ha tokotaha pole, hangē ko e taimi ko ia ʻoku hiki ai ha tokotaha pe ʻoku fakanofo ai ko ha sevāniti fakafaifekau pe ko ha mātuʻa, ʻoku totonu leva ke fakafonu pea ʻoatu ʻa e foomu foʻoú. Kapau ʻoku liliu ʻa e tuʻasila meili pe fika telefoni ʻa ha tokotaha polé pe kapau ʻoku ʻikai te ne kei ʻi ha tuʻunga lelei ʻi he fakatahaʻangá, ʻoku totonu ke fakahaaʻi leva ia ʻe he kau mātuʻá ʻi ha tohi ki he Kōmiti Langa Fakafeituʻú. Ko e ngaahi foomu S-82 kuo fakafonu ʻi he faile ʻa e fakatahaʻangá ʻoku totonu ke ʻai ke ala maʻu ia ke sio ki ai ʻa e ʻovasia sēketí ʻi heʻene ʻaʻahi ki he fakatahaʻangá.