Taimi-Tēpile ki he Fakataha Ngāué

Fakatokangaʻi: ʻE fakataimitēpileʻi ʻe he ʻEtau Ngāue Fakafaifekau ʻo e Puleʻanga ha Fakataha Ngāue ki he uike taki taha lolotonga ʻa e ngaahi māhina ʻo Siulai, ʻAokosi mo Sepitemá. ʻE fai nai ʻe he ngaahi fakatahaʻangá ha ngaahi feʻunuʻaki ʻo ka fiemaʻu ke fakaʻatā ai hono maʻu ʻa e Fakataha-Lahi Fakavahe “Talangofua Fakaʻotua.” ʻO ka feʻungamālie, ngāueʻaki ʻa e miniti ʻe 15 ʻi he Fakataha Ngāue fakamuimui ki muʻa ke maʻu ʻa e fakataha-lahí ke toe lave ai ki he akonaki mo e ngaahi fakamanatu mei he konga fakalahi ʻo e māhina ní ʻa ia ʻoku ngāueʻaki fakalotofonuá. Hili ha māhina ʻe taha pe ua mei hoʻomou fakataha-lahí, fakamavaheʻi ha miniti ʻe 15 ki he 20 ʻi ha Fakataha Ngāue (mahalo ko hono ngāueʻaki ha konga fiemaʻu fakalotofonua) ki hano fakamanatu ai ʻa e ngaahi meʻa lalahi mei he fakataha-lahí ʻa ia naʻe ʻiloʻi ʻe he kau malangá ʻoku ʻaonga ki he malaʻe fakafaifekaú. Ko e konga makehe ʻi he Fakataha Ngāué te ne ʻomai ai kia kitautolu ʻa e faingamālie ke tau fakamatalaʻi ai ʻa e founga ʻoku tau ngāueʻaki ai ʻa e meʻa naʻa tau ako ʻi he fakataha-lahí pea mo e founga kuo tokoni ai ia ke ne ʻai ʻetau ngāue fakafaifekaú ke ola lelei angé.

Uike Kamata Sune 13

Hiva 9 (37)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 6 (kapau ʻoku feʻungamālie ki ho feituʻu ngāué) ke fakahāhaaʻi ʻa e founga ki hono tuʻuaki ʻa e Taua Leʻo ʻo Sune 15 mo e Awake! ʻo Sune 22. ʻE ngāueʻaki nai ʻa e ngaahi tuʻuaki ʻaonga kehé. ʻI he taha ʻo e ongo tuʻuakí, fakahāhaaʻi ai hono tuʻuaki ʻa e ngaahi makasiní ʻi ha faʻahinga feituʻu ʻikai anga-maheni.

15 min: Tokoniʻi ʻa e Niʻihi Kehé Ke Nau Hoko ko e Kau Malanga Teʻeki Papitaiso. Malanga mo e fetalanoaʻaki mo e kau fanongó ke fai ʻe ha mātuʻa ʻo makatuʻunga ʻi he Organized to Do Jehovah’s Will, peesi 79-81. Lāulea ki he fokotuʻutuʻu ki hono fakapapauʻi pe ʻoku aʻusia ʻe ha tokotaha ako Tohi Tapu ʻa e ngaahi fiemaʻu Fakatohitapu ke kau ʻi he malaʻe ngāué fakataha mo e fakatahaʻangá. Te tau lāulea ʻi he uike kahaʻú ki he founga ʻe lava ai ke tau akoʻi ʻa e kau ako Tohi Tapu ʻoku nau taau ko e kau malanga teʻeki papitaisó ke nau kamata kau ʻi he ngāue fakafaifekau fale-ki-he-falé.

20 min: “ʻOku Tokoniʻi Kitautolu ʻe he Ngāue Fakamalangá Ke Tau Kātaki.”a Fakaafeʻi ʻa e kau fanongó ke nau poupou ʻi he ngaahi konga Tohi Tapu ʻoku haá ʻo fakatatau ki he taimí.

Hiva 20 (93) mo e lotu tuku.

Uike Kamata Sune 20

Hiva 23 (200)

10 min: Ngaahi fanongonongo fakalotofonua. Fakamanatu ʻa e ngaahi poini tefito mei he ʻEtau Ngāue Fakafaifekau ʻo e Puleʻanga ʻo Siulai 2003, peesi 8. Fakamatalaʻi ʻa e founga ʻe lava ai ʻe he kau malangá ʻo maʻu ha tohi ʻi ha lea muli. Lāulea ki he founga ʻoku ngāueʻaki ai ʻa e fakamatala ko ení ki he feituʻu fakalotofonuá. ʻOku totonu ke fakahoko ha kole pē ki ha ngaahi tohi lea muli fakafou ʻi he sevāniti tohí, neongo kapau ko ha tohi pē ia ʻe taha, koeʻuhí ke lava ʻo maʻu ʻa e ngaahi tohi ʻoku fiemaʻú ʻo ʻikai ha tautoloi ʻikai fiemaʻu.

15 min: Ko e Folofola ʻa e ʻOtuá ko e Koto Mālohi. (Hep. 4:12) Ko ha malanga makatuʻunga ʻi he Taua Leʻo ʻo Nōvema 15, 2003, peesi 11, palakalafi 13-17. Lave ki he ngaahi meʻa naʻe hokosia ʻoku fakahaaʻi ai ʻa e founga ʻe lava ai ʻe he fakahinohino Fakatohitapú ʻo ueʻi ʻa e kakaí ke nau fai ʻa e ngaahi liliu ʻi heʻenau founga moʻuí. (w00 1/1 p. 3-5) Fakalototoʻaʻi ʻa e tokotaha kotoa ke nau ngāueʻaongaʻaki ʻa e Tohi Tapú ʻi he ngaahi tafaʻaki kotoa pē ʻo e ngāue fakafaifekaú.

20 min: “Fai ʻa e Ngaahi Ako Tohi Tapu Fakalakalaká—Konga 10.”b Fakakau ai ha fakahāhā ʻoku fakahaaʻi ai ʻa e taimi ʻahiʻahi ʻoku kei lelé. ʻI hono ʻahiʻahiʻi ʻe he tokotaha akó ha tuʻuaki, ko e tokotaha faiakó, ʻa ia ʻokú ne fakatātaaʻi ʻa e tokotaha-ʻapí, ʻokú ne fai ange ha fakafepaki ʻoku anga-maheni he feituʻú, pea ʻi he ʻikai ke fakapapauʻi ʻe he tokotaha akó ʻa e meʻa ke leaʻakí, ʻokú ne fakamatalaʻi ange ʻa e founga ke fekuki ai mo iá. Tānaki atu ki ai, fokotuʻutuʻu ki muʻa ki ha toko taha pe toko ua ke na fakamatala ki he akoʻi naʻá na maʻu ʻi heʻena kamata ke kau atu ki he ngāue fakafaifekau fale-ki-he-falé.

Hiva 17 (187) mo e lotu tuku.

Uike Kamata Sune 27

Hiva 12 (113)

5 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Suné.

15 min: Ngaahi fiemaʻu fakalotofonua.

25 min: “Fakafetaʻi kia Sihova ʻi he Fakatahaʻanga Lahí.”c Ke fai ʻe he sekelitali ʻa e fakatahaʻangá. Lave ki he fakataha-lahi ʻa ia ʻoku vaheʻi ki ai ʻa e fakatahaʻangá. Lāulea ki he ngaahi palakalafi fakafikefiká ʻi he founga ʻo e Ako Taua Leʻo. ʻAi ke lau ʻa e ngaahi palakalafí ʻe ha tokotaha lautohi kuo vaheʻi. Fakamanatu ʻa e puha “Ngaahi Fakamanatu ki he Fakataha-Lahi Fakavahé.”

Hiva 1 (13) mo e lotu tuku.

Uike Kamata Siulai 4

Hiva 25 (204)

10 min: Ngaahi fanongonongo fakalotofonua. Lau ʻa e fakamatala paʻangá mo hono fakamālōʻiaʻi ʻo e ngaahi tokoní. ʻI hono ngāueʻaki ʻa e ngaahi tuʻuaki ʻoku fokotuʻu mai ʻi he peesi 6 (kapau ʻoku feʻungamālie ki ho feituʻu ngāué), fakahāhaaʻi ʻa e founga ke tuʻuaki ai ha taha ʻi he Taua Leʻo ʻo Siulai 1 pe ko e Awake! ʻo Siulai 8. ʻE ngāueʻaki nai ha tuʻuaki ʻaonga kehe. Hili ʻa e fakahāhaá, toe leaʻaki ʻa e ngaahi fakamatala kamata naʻe ngāueʻaki ke langaʻi ai ʻa e mahuʻingaʻia ʻa e tokotaha-ʻapí.

15 min: ʻOkú Ke Maʻu ʻAonga mei ha Taimi-Tēpile Fakafāmili? Fakamanatu ʻa e ngaahi fokotuʻu ʻi he konga fakalahi ʻo ʻEtau Ngāue Fakafaifekau ʻo e Puleʻanga ʻo Mē 2005, pea fakaafeʻi ʻa e kau fanongó ke nau fakamatala ki he ngaahi feinga kuo nau fai ke ngāueʻaki ai ʻa e ngaahi fokotuʻú pea mo e ngaahi ʻaonga kuo nau maʻu mei hono fai iá.

20 min: “Faifakamoʻoni Ola Lelei ʻi he Ngaahi Feituʻu Kakaí.”d Ngāueʻaki ki he feituʻu fakalotofonuá. Fakamanatu ki he kau malangá ke nau ngāueʻaki ʻa e foomu Please Follow Up (S-43) he taimi ʻoku feʻungamālie aí.—Sio ki he ʻEtau Ngāue Fakafaifekau ʻo e Puleʻanga ʻo Fepueli 2005, p. 6.

Hiva 13 (124) mo e lotu tuku.

[Fakamatala ʻi lalo]