Polokalama ʻAsemipilī Fakasēketi Foʻou
Lolotonga ʻa e ngaahi ʻaho fakaʻosi ʻo e māmani motuʻa fakameleʻi ko ʻení, ʻoku mātuʻaki mahuʻinga ke tau tauhi maʻu ʻa hotau teunga fakalaumālié mo maluʻi ʻa hotau fakaʻilonga faka-Kalisitiané. (Fkh. 16:15) Ko ia ai, ʻoku feʻungamālie ʻa e kaveinga ko ia ʻo e polokalama ʻasemipilī fakasēketi ki he taʻu fakangāue ʻo e 2006 ʻa ia ko e “Mou ʻAi ʻa e Tangata Foʻou.”—Kol. 3:10.
ʻAho ʻUluaki: Ko e ʻuluaki malanga fakakongokongá, “Ko Hono Fakahāhā ʻa e Ngaahi Tafaʻaki ʻo e Tangata Foʻoú,” ʻe fakamamafaʻi ai ʻa e founga ʻe ʻaonga ai kiate kitautolu ʻi he tafaʻaki kotoa ʻo e moʻuí ʻa hono fakatupulekina ʻa e tangata foʻoú. ʻOku anga-fēfē ʻetau fakatupulekina ʻa e tangata foʻoú? ʻE lāulea ki ai ʻa e ongo malanga fakamuimui ʻo e ʻaho ʻuluakí, “Akonekina Koe ke Fakalaulauloto Totonu” mo e “Ako ʻOkú Ne Fakafuo ʻa e Tangata Foʻoú.”
ʻAho Ua: Ko e anga hono tākiekina ʻe he tangata foʻoú ʻa ʻetau ngāueʻaki ʻo e ʻeleló ʻe lāulea ki ai ʻi he malanga fakakongokonga hono uá, “Ko Hono Fakatupulekina ʻa e ʻElelo ʻo e Potó.” “ʻOkú Ke Ikunaʻi ʻa e Filí?” ko e kaveinga ia ʻo e malanga maʻá e kakaí, ʻa ia ʻe fakamamafaʻi ai ʻa e fiemaʻu ke nofoʻaki ʻāʻā telia e ngaahi founga ʻa Sētané. Ko e ongo malanga fakamuimui ʻo e ʻasemipilií, “Hanganaki Tauhi Koe ʻo ʻIkai ha ʻIla mei he Māmaní” mo e “Ko Hono Fakafoʻou Fakaʻaho ʻa Hotau Tangata ʻi Lotó,” ʻe tokoniʻi ai kitautolu ke fakaʻehiʻehi mei he ngaahi fakakaukau mo e ngaahi ʻulungāanga ʻoku fepaki mo e ngaahi founga māʻoniʻoni ʻa e ʻOtuá pea ke tuʻu maʻu ai pē ʻi heʻetau lotu kia Sihová.
He fakatuʻamelie ē ko kitautolu ki hono maʻu ʻa e fakalototoʻa ko ʻeni ke ʻai pea tauhi maʻu ʻa e tangata foʻoú!