Taimi-Tēpile ki he Fakataha Ngāué

Uike Kamata Sanuali 9

Hiva 10

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8 pe ngaahi tuʻuaki kehe ʻoku feʻungamālie ki ho feituʻú, fakahāhaaʻi ʻa e founga ke tuʻuaki ai ʻa e Taua Leʻo ʻo Sanuali 15 pea mo e Awake! ʻo Sanualí. ʻI he taha ʻo e ongo fakahāhaá, fakahaaʻi ha tokotaha malanga ʻokú ne ngāue ʻi ha feituʻu fakapisinisi.

15 min: “Ko e Tohi Akoʻi ʻe he Tohi Tapú—Ko ʻEtau Tokoni Ako Tohi Tapu Tefitó Ia.”a Fakatupu ha loto-māfana ki hono kamataʻi ha ngaahi ako Tohi Tapu ʻi he tohi foʻoú.

20 min: “Founga ke Kamata Ai ha Ngaahi Ako ʻi he Tohi Akoʻi ʻe he Tohi Tapú.” Fetalanoaʻaki mo e kau fanongó fakataha mo ha ngaahi fakahāhā ʻo makatuʻunga ʻi he peesi 3 ʻo e konga fakalahí. ʻE lava ke tau kamata ngāueʻaki leva ʻa e tohi Akoʻi ʻe he Tohi Tapú ke kamata mo fakahoko ha ngaahi ako Tohi Tapu mo e faʻahinga ʻoku nau fakahaaʻi ha mahuʻingaʻiá. Fokotuʻutuʻu ha ngaahi fakahāhā ʻosi teuteu lelei ʻe tolu ʻo fakahaaʻi ai ʻa e founga ke ngāueʻaki ʻa e (1) peesi 4-5, (2) peesi 6 mo e (3) ʻuluaki palakalafi ʻi he peesi 7 ke kamata ha ako Tohi Tapu ʻi hono fai ha toe ʻaʻahí. Fakahaaʻi ki muʻa ʻa e ngaahi tafaʻaki pau ʻo e tuʻuaki taki taha, pea fakamanatu kinautolu ʻi he hili iá. Ko e lāulea ki he ngaahi palakalafi ʻi he tohi Akoʻi ʻe he Tohi Tapú ʻe fakanounou nai ʻo ka fiemaʻu. Fakaʻosi ʻa e fakahāhā taki taha ʻaki hano fokotuʻutuʻu ʻe he tokotaha malangá ʻa e ʻaʻahi hokó.

Hiva 125 mo e lotu tuku.

Uike Kamata Sanuali 16

Hiva 178

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa ke nau sio ʻi he foʻi vitiō ko e Transfusion-Alternative Health Care—Meeting Patient Needs and Rights ʻi he teuteu ki he fetalanoaʻaki ʻe fakahoko ʻi he Fakataha Ngāué ʻi he hili ha uike ʻe ua.

20 min: “Fakahaaʻi ʻa e Mahuʻingaʻia Fakafoʻituitui—ʻAki Hono ʻEke ha Fehuʻi pea Fanongo.”b ʻI he lāulea ki he palakalafi 2, ʻeke ki he kau fanongó ʻa e ngaahi fehuʻi kuo nau ʻiloʻi ʻoku ola lelei ki hono kamataʻaki ha ngaahi fetalanoaʻakí. Fakahāhaaʻi ʻa e founga ke fakatalanoaʻi ai ha taha ʻaki hono ngāueʻaki ʻa e ngaahi fehuʻi pōtoʻí pea fanongo tokangá.

15 min: Fokotuʻutuʻu ke Fai ʻa e Finangalo ʻo Sihová. Malanga mo e fetalanoaʻaki mo e kau fanongó ʻo makatuʻunga ʻi he peesi 4-7 ʻo e tohi ko e Organized to Do Jehovah’s Will. Hili ha talateu ʻo siʻi hifo he miniti ʻe tolu ʻo makatuʻunga ʻi he peesi 4, fai ha fetalanoaʻaki mo e kau fanongó ʻi he peesi 5 ki he kaveinga tokoni ʻi he peesi 7. Ko e ngaahi konga lahi ange ʻo e tohi Organized ʻe lāulea ki ai ʻi he ngaahi Fakataha Ngāue he kahaʻú.

Hiva 107 mo e lotu tuku.

Uike Kamata Sanuali 23

Hiva 60

10 min: Ngaahi fanongonongo fakalotofonua. Lau ʻa e ngaahi fakamatala paʻangá pea fakamālōʻiaʻi ʻa e tokoní. ʻI hono ngāueʻaki ʻa e ngaahi fokotuʻu ʻi he peesi 8 pe ngaahi tuʻuaki kehe ʻoku feʻungamālie ki ho feituʻú, fakahāhaaʻi ʻa e founga ke tuʻuaki ai ʻa e Taua Leʻo ʻo Fepueli 1 mo e Awake! ʻo Fepuelí. ʻAi ha talavou ke ne fai ha taha ʻo e ongo tuʻuakí.

10 min: Ngaahi fiemaʻu fakalotofonua.

25 min: “ʻE Lava ke Fai ʻe Hoʻo Tamá ha Fili Fakamatuʻotuʻa?”c Ke fai ʻe ha mātuʻa. ʻAi ke lau leʻo-lahi ʻa e palakalafi taki taha ʻe ha tokoua ʻa ia ko ha tokotaha lautohi lelei. Lāulea ki he ngaahi konga Tohi Tapu kotoa ʻoku haá. Hili ʻa e lāulea ki he palakalafi 2, fakafaikehekeheʻi ʻa e tuʻunga ʻo e ongo talavou ʻoku lave ki ai ʻi he palakalafi 16-17 mo ia ʻi he puha ʻo e peesi 16-​17 ʻo e Watchtower ʻo Sune 15, 1991. ʻI he fakaʻosí, fakalototoʻaʻi ʻa e ngaahi mātuʻá ke nau sivisiviʻi ʻa e kotoa ʻo e kupu ʻi he Watchtower pea ke muimui leva ai ʻaki hano fakahoko ha ngaahi lāulea mo ha ngaahi taimi ʻahiʻahi mo ʻenau fānaú ʻo kau ki he fekau makatuʻunga Fakatohitapu felāveʻi mo e totó, ʻo teuʻi kinautolu ke nau fakahaaʻi ʻenau tuí ʻi he tuipau. ʻOku totonu ke fakapapauʻi ʻe he ngaahi ʻuluʻi fāmilí ʻoku faʻo holo ʻe he kiʻi tama papitaiso taki taha ha kaati HCD pea faʻo holo ʻe he kiʻi tama teʻeki papitaiso taki taha ha Kaati Fakaʻilonga. ʻI he taimi pē ʻe tokoto falemahaki ai ha taha pea hoko ai ʻa e huhu totó ko ha ʻīsiú, ʻoku totonu ke fetuʻutaki ʻa e kau mātuʻá ki he Kōmiti Fetuʻutaki Fakafalemahakí ki ha tokoni.

Hiva 205 mo e lotu tuku.

Uike Kamata Sanuali 30

Hiva 197

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Sanualí. Lave ki he tohi ke tuʻuaki ʻi Fepuelí, pea ʻai ke fakahāhaaʻi ha tuʻuaki ʻe taha.

15 min: Ngaahi Tokonaki Anga-ʻOfa ki he Lelei Maʻatautolu. Ke fai ʻe ha mātuʻa. Lau pea lāulea ki he tohi ʻi Sanuali 3, 2006 mei he ʻōfisi vaʻá ki he ngaahi fakatahaʻangá kotoa ʻo fekauʻaki mo e ngaahi founga ke maʻu ʻaonga ai mei he ngaahi ngāue ʻa e Kōmiti Fetuʻutaki Fakafalemahakí (HLC) mo e Kulupu ʻAʻahi Mahakí (PVG).

20 min: “Ko ha Foʻi Vitiō ʻOkú Ne Fakamamafaʻi ha Ngaʻunu Fakafaitoʻo Mahuʻinga.” Lau ʻa e Ngāue 15:28, 29, pea fakamamafaʻi nounou ko e ʻuhinga tefito ʻoku fakafisi ai ʻa e kau Kalisitiané mei he huhu totó koeʻuhi ke fakaʻapaʻapaʻi ai ʻa e lao ʻa e ʻOtuá ʻi hono fakatoputapuʻi ʻo e totó. Pea lāulea leva ki he foʻi vitiō ko e Patient Needs and Rights, ʻo ngāueʻaki ʻa e ngaahi fehuʻi ʻoku tokonaki mai ʻi he kupú. Fakaʻosiʻaki hono lau ʻa e palakalafi fakamuimuí.

Hiva 45 mo e lotu tuku.

Uike Kamata Fepueli 6

Hiva 74

10 min: Ngaahi fanongonongo fakalotofonua.

25 min: Hoko ʻo ʻIloʻi ʻa ʻEtau Meʻangāue Fakafaiako Foʻoú. Malanga mo ha fetalanoaʻaki mo e kau fanongó. Fakaafeʻi ʻa e kau fanongó ke nau fakamatala ki he ngaahi tafaʻaki ʻo e tohi Akoʻi ʻe he Tohi Tapú ʻa ia ʻoku nau saiʻia aí, hangē ko e ngaahi fehuʻi talateú mo e puha fakamanatu ʻokú ne fakamamafaʻi ʻa e ngaahi poini tefito ʻo e vahe taki taha (p. 106, 114), ngaahi tokoni ki he mamatá (p. 122-3, 147, 198), pea mo e ʻapenitikí (p. 197, pal. 1-2). Ko e founga fakafaiako ʻo e tohí ʻoku fakamāfana mo fakamānako (p. 12, pal. 12). ʻOku ʻomi ai ha ngaahi fakamatala faingofua mo māʻalaʻala (p. 58, pal. 5) pea ʻoku ngāueʻaki ai ʻa e ngaahi lea fakatātā ola lelei (p. 159, pal. 12). ʻOku faʻufaʻu ʻa e talateú ke tokoniʻiʻaki kitautolu ke kamata ha ngaahi ako Tohi Tapu (p. 3-7). Fakahāhaaʻi ʻa e founga ke ngāueʻaki ai ʻa e puha ʻi he peesi 7 mo ha tokotaha ako Tohi Tapu foʻou. Lave ki he ngaahi hokosia kuo maʻu ʻi hono ngāueʻaki ʻa e tohi foʻoú.

10 min: ʻOku ʻOmi ʻe he Tāimuʻa Tokoní ʻa e Ngaahi Tāpuaki. (Pal. 10:22) Fakaafeʻi ʻa e faʻahinga naʻa nau ngāue ko e kau tāimuʻa tokoni he faʻahitaʻu fakatōlau fakamuimuí ke nau fakamatala ki he founga naʻa nau fokotuʻutuʻu ai ke fai peheé pea mo e fiefia mo e ngaahi tāpuaki naʻa nau hokosia ko ha ola ia ʻo ʻenau fai peheé. Fakalototoʻaʻi ʻa e tokotaha kotoa ke nau fakakaukau faʻa lotu pe ʻe lava ke nau tāimuʻa tokoni lolotonga ʻa Maʻasi, ʻEpeleli mo Mē.

Hiva 16 mo e lotu tuku.

[Fakamatala ʻi lalo]