Fanongonongo

◼ Tohi ke tuʻuaki ʻi Fepueli: ʻUnuʻunu Ofi kia Sihova. Maʻasi: Ko e Hā ʻOku Akoʻi Moʻoni ʻe he Tohi Tapú? ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, tokangataha ki hono tufaki ʻa e tohi Akoʻi ʻe he Tohi Tapú.

◼ Koeʻuhi ʻe ʻi ai ʻa e fakaʻosinga uike kakato ʻe nima ʻi ʻEpeleli, ʻe hoko ia ko ha māhina lelei ʻaupito ki he tāimuʻa tokoní.

◼ Ko e malanga makehe ki he faʻahitaʻu Fakamanatu 2006 ʻe fakakaveinga “ʻOku Kei Pule Mai Koā ʻa e ʻOtuá?” Sio ki he fanongonongo fekauʻaki mo ia ʻi he ʻEtau Ngāue Fakafaifekau ʻo e Puleʻanga ʻo Sepitema 2005.

◼ Ko e kupu ʻi he peesi 6 ʻoku fakakaveinga ko e “Fiefia ʻi Heʻetau Ako ʻa e Ko e Hā ʻOku Akoʻi Moʻoni ʻe he Tohi Tapú?” ʻe lāulea ki ai ʻi he Fakataha Ngāue ʻo e uike ʻo ʻEpeleli 3. Kātaki ʻo tauhi ʻa e kupú pea mo e taimi-tēpile ako ʻoku ʻoatu fakataha mo iá.

◼ ʻOku totonu ki he ʻovasia tauhí pe ko ha tokotaha kuó ne vaheʻi, ke ne ʻaotitaʻi ʻa e paʻanga ʻa e fakatahaʻangá ʻi Maʻasi 1 pe ʻi he faingamālie vave taha ʻi he hili pē iá. Kapau ʻoku maʻu ha ʻakauni sieke mavahe, hangē ko ia ki he monomonó pe ko e langá, ʻoku totonu ke toe fai foki ha ngaahi fokotuʻutuʻu ke ʻaotitaʻi mo e ʻakauni ko iá. ʻI he ʻosi hono fakakakato ʻa e (ngaahi) ʻaotitá, ʻoku totonu ke fanongonongo ʻeni ki he fakatahaʻangá ʻi he fakamatala paʻanga hono hokó.

◼ ʻOku totonu ki he sekelitalí mo e ʻovasia ngāué ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha faʻahinga ʻoku faingataʻaʻia ʻi hono aʻusia ʻa e houa ʻoku fiemaʻú, ʻoku totonu ki he kau mātuʻá ke nau fokotuʻutuʻu ke fai ha tokoni. Ki ha ngaahi fokotuʻu, vakaiʻi ʻa e ngaahi tohi fakataʻu S-201.