Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi Fepueli 27, 2006. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Sanuali 2 ki Fepueli 27, 2006. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻI he ngaahi founga fē ʻoku tokoniʻi ai kitautolu ʻe he Ako Fakafaifekau Fakateokalatí ke tau ‘ʻatu ha feilaulau fakafetaʻi ki he ʻOtuá, ʻa é ko e fua ʻo e loungutú ʻoku takua hono huafá’? (Hep. 13:15) [be p. 5 pal. 3–p. 6 pal. 1]
2. Ko e hā ʻoku totonu ke tau fai ai ha feinga tōtōivi ke lautohi tonu matemateé? [be p. 83 pal. 1-p. 84 pal. 1]
3. ʻI he taimi ʻoku tau lea mo faiako aí, ko e hā ʻoku mātuʻaki mahuʻinga ai ʻa e lea mahinó? [be p. 86 pal. 1-6]
4. Ko e hā ʻoku mahuʻinga ai ʻa e puʻaki totonú, pea ko e ngaahi meʻa tefito fē ʻoku fiemaʻu ke fakakaukauʻí? [be p. 89 pal. 1–p. 90 pal. 3, puha]
5. Ko e hā ʻa e ngaahi fokotuʻu ʻe niʻihi te ne tokoniʻi kitautolu ke tau hoko ʻo pōtoʻi ange ai ʻi he fetalanoaʻakí?
KONGA FIKA 1
6. ʻOku anga-fēfē hono fakapapauʻi ʻe he 2 Kalonikali 36:17-23 ʻa e falalaʻanga ʻa e kikite Fakatohitapú? [bsi06 p. 4 pal. 35]
7. Ko e hā ʻa e ngaahi holongā meʻa naʻe hoko naʻá ne ʻai ʻo malava ai ʻa e kau Siú ke nau toe foki ki honau fonua tupuʻangá ʻi he 537 K.M. koeʻuhí ke toe langa ʻa e fale ʻo Sihová? [bsi06 p. 5 pal. 1-3]
8. ʻOku anga-fēfē hono fakatonuhiaʻi ʻa Sihova ko e ʻOtua moʻoní ʻe he tohi Eselá pea fakalahi ai ʻa e falala pau kiate iá? [bsi06 p. 6 pal. 14; p. 7 pal. 18]
9. Ko e hā ʻoku mahuʻinga ai ʻa e “uofulu taʻu ʻo Kingi Atasease” ki he fakahokohoko taimi Fakatohitapú? (Nehe. 2:1, 5, 6, 11, 17, 18) [bsi06 p. 7 pal. 2; p. 8 pal. 5]
10. ʻOku anga-fēfē ʻa e hoko ʻa Nehemaia ko ha faʻifaʻitakiʻanga lelei ki he kau sevāniti ʻa e ʻOtuá ʻi he ʻaho ní? [bsi06 p. 8 pal. 16-17]
LAU TOHI TAPU FAKAUIKE
11. Naʻe ala maʻu nai ʻa e ʻUlimí mo e Tumemí, ʻa ia naʻe ngāueʻaki ʻi he taimi naʻe fiemaʻu ai ha tali meia Sihová, ki he kau foki mei he fakahēʻí? (Esela 2:61-63)
12. Ko e hā naʻe toumoua ai ʻa e kau Siu tokolahi ʻi Pāpiloné ke ō hake ki Selusalema fakataha mo ʻĒselá? (Esela 7:28–8:20)
13. Naʻe lava fēfē ʻa hono fakahoko ʻo e ngāue ʻo hono toe langa ʻa e ʻaá ʻaki ʻa e nima pē ʻe tahá? (Nehe. 4:17, 18, PM)
14. Koeʻuhi naʻe angamaheniʻaki hono faʻo ʻa e ngaahi tohi fakapulipulí ʻi ha kato malú, ko e hā naʻe ʻoange ai ʻe Sanipalate kia Nehemaia “ha tohi kuo fakaava”? (Nehe. 6:5)
15. Tānaki atu ki hono ‘fakahopo’ ʻa e kau Siu fakaholomuí ʻo hangē ko ia naʻá ne fai ki muʻa atu ki he kau pilinisí mo e houʻeikí, ko e hā ʻa e ngaahi founga fakatonutonu kehe naʻe ngāueʻaki ʻe Nehemaiá? (Nehe. 13:25, 28)