Taimi-Tēpile ki he Fakataha Ngāué
Uike Kamata Siulai 10
10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 4 pe ngaahi tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Siulai 15 mo e Awake! ʻo Siulaí. ʻI he taha ʻo e ongo tuʻuakí, fakahāhā ʻa e founga ke fai ai ha tali pōtoʻi ki he taʻofiʻanga ʻo e fetalanoaʻaki ʻe malava ke hokó, ‘Kuo mau ʻosi Kalisitiane pē kimautolu.’—Sio ki he kiʻi tohi ko e Founga ke Kamata mo Hoko Atu ʻa e Fetalanoaʻaki Fakatohitapú, p. 11.
15 min: Founga ʻOku Fokotuʻutuʻu mo Fakalele Ai ʻa e Fakatahaʻangá. Malanga mo e fetalanoaʻaki mo e kau fanongó ʻo makatuʻunga ʻi he vahe 4 ʻo e Organized to Do Jehovah’s Will.
20 min: “Langaʻi ʻa e Houngaʻia ki he Ngaahi ʻUlungāanga Taʻehanotatau ʻo Sihová.”a Fakakau ai ha fakahāhā ʻoku fakahaaʻi ai ʻa e founga ʻo hono ngāueʻaki ʻa e ngaahi fehuʻí ke tokoniʻi ha tokotaha ako Tohi Tapu ke ne fakakaukau fakamātoato ki he ngaahi poini ʻi he puha fakamanatu he ngataʻanga ʻo e vahe 1 ʻo e tohi Akoʻi ʻe he Tohi Tapú.
Hiva 88 mo e lotu tuku.
Uike Kamata Siulai 17
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lāulea nounou ki he Taua Leʻo ʻo ʻAokosi 15, 2000, peesi 32. Fakamatalaʻi ʻa e ngaahi ʻaonga ʻo e tauhi maʻu ha polokalama tuʻumaʻu ʻo hono lau fakaʻaho ʻa e Tohi Tapú, naʻa mo e lolotonga ʻo e ngaahi vahaʻa taimi mālōloó pe ʻi he taimi kehe ʻoku ʻikai te tau fai ai ʻa ʻetau founga-tuʻumaʻu anga-mahení.
15 min: ʻOfá mo e Anga-Fakatōkilaló—Ko e Ongo ʻUlungāanga Mātuʻaki Mahuʻinga ki he Ngāue Fakafaifekaú. Ko ha malanga makatuʻunga ʻi he Taua Leʻo ʻo ʻAokosi 15, 2002, peesi 19-20, palakalafi 13-20.
20 min: “Faʻifaʻitaki ki Hotau ʻOtua Fiefia ko Sihová.”b Fakaafeʻi ʻa e kau fanongó ke nau fakamatala ki ha meʻa ʻokú ne tokoniʻi kinautolu ke tauhi maʻu ha tōʻonga fiefia pea mo ha fakakaukau lelei ʻi he malanga he feituʻu ngāue fakalotofonuá.
Hiva 189 mo e lotu tuku.
Uike Kamata Siulai 24
15 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻiaʻi ʻa e ngaahi tokoní. ʻI hono ngāueʻaki ʻa e ngaahi fokotuʻu ʻi he peesi 4 pe ko ha ngaahi tuʻuaki kehe ʻoku feʻungamālie ki ho feituʻu ngāué, fakahāhaaʻi ʻa e founga ke tuʻuaki ai ʻa e Taua Leʻo ʻo ʻAokosi 1 mo e Awake! ʻo ʻAokosí. Hili ʻa e tuʻuʻaki taki taha, toe fakahaaʻi ʻa e muʻaki ngaahi fakamatala naʻe ngāueʻaki ke langaʻi ʻa e mahuʻingaʻia ʻa e tokotaha-ʻapí.
10 min: “Kuo Nau Fokotuʻu ha Faʻifaʻitakiʻanga ʻo e Faitōnungá.” Ko ha malanga ʻo fakakau ai ha niʻihi ʻo e ngaahi meʻa naʻe hokosia ʻe he kau tāimuʻa makehé ʻa ia naʻe hā ʻi heʻetau ngaahi tohí pe fakaʻekeʻeke ha kau tāimuʻa makehe fakalotofonua pē ʻa ia ʻoku nau ngāue fakataha nai mo e fakatahaʻangá.—Sio ki he ʻuluʻi kaveinga ko e “Special Pioneers” ʻi he Watch Tower Publications Index.
20 min: Tuʻumaʻu, Taʻengaue. (1 Kol. 15:58) Fakaʻekeʻeke ha kau malanga pe kau tāimuʻa ʻe toko ua pe toko tolu kuo nau ngāue faitōnunga ʻi he ngaahi taʻu lahi. Naʻe anga-fēfē ʻenau ako ʻa e moʻoní? Naʻe fēfē ʻa e ngāue fakamalangá ʻi heʻenau fuofua malangá? Ko e hā ʻa e ngaahi pole naʻa nau fehangahangai mo iá? Ko e hā ʻa e ngaahi tāpuaki naʻa nau hokosiá ʻa ia ko e ola ia ʻo ʻenau tuʻumaʻu maʻá e lotu moʻoni?
Hiva 12 mo e lotu tuku.
Uike Kamata Siulai 31
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Siulaí. Lave ki he tohi ke tuʻuaki ʻi ʻAokosí.
15 min: Ngaahi fiemaʻu fakalotofonua.
20 min: “Fakatupulekina ʻa e Ngaahi Tōʻonga Lelei, Utu ʻa e Ngaahi Tāpuaki Lahi.”c Fakaafeʻi ʻa e kau fanongó ke nau fakamatala ki he ngaahi feinga naʻa nau fai ke fokotuʻu pea tauhi maʻu ha founga-tuʻumaʻu fakalaumālie leleí pea mo e ola ʻo e ngaahi tāpuaki naʻa nau utú.
Hiva 130 mo e lotu tuku.
Uike Kamata ʻAokosi 7
10 min: Ngaahi fanongonongo fakalotofonua. Fakamanatu nounou ʻa e founga ke feliliuaki ai ʻa e ngaahi sīpinga tuʻuaki ʻoku hā ʻi he ʻEtau Ngāue Fakafaifekau ʻo e Puleʻanga ki he ngaahi fiemaʻu ʻa e feituʻu ngāue fakalotofonuá.—Sio ki he ʻEtau Ngāue Fakafaifekau ʻo e Puleʻanga ʻo Sanuali 2005, peesi 8.
15 min: Ngaahi Fakataha ʻOku Fefakaʻaiʻaiʻaki Ai ki he ʻOfá mo e Ngaahi Ngāue Leleí. Ko ha malanga makatuʻunga ʻi he Taua Leʻo ʻo Maʻasi 15, 2002, peesi 24-5. Fakakau ai ha fakaʻekeʻeke nounou ʻoku fakamamafaʻi ai ʻa e feinga ʻoku fai ʻe he tokotaha malangá ke maʻu tuʻumaʻu ʻa e ngaahi fakatahá pea mo e founga ʻokú ne maʻu ʻaonga ai mei he fai peheé.
20 min: Laka ki Muʻa pea Ngaofengofua ʻi Hoʻo Ngāue Fakafaifekaú. Malanga mo e fetalanoaʻaki mo e kau fanongó ʻo makatuʻunga ʻi he Taua Leʻo ʻo Tīsema 1, 2005, peesi 28-30. ʻI ha malanga makatuʻunga ʻi he palakalafi 6-11, fakamatalaʻi ʻa e anga ʻo e tokanga, ngaofengofua mo e fakapotopoto ʻa Paula ʻi heʻene malangá mo e faiakó. Pea fakaafeʻi leva ʻa e kau fanongó ke nau fai ha tali ki he ngaahi fehuʻi ʻi he palakalafi 12-14, ʻo ngāueʻaki fakalotofonua. Fakakau ai ha fakahāhā ʻoku fakahaaʻi ai ʻa e founga ke feliliuaki nai ai ʻe he kau malangá ʻenau lea kamatá ʻi he ngāue fakafaifekaú, ʻo fakakaukau ki he ngaahi fiemaʻu, ngaahi tuʻunga pea mo e puipuituʻa fakafonua ʻo e kakai ʻi he feituʻu ngāue fakalotofonuá.
Hiva 83 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.