Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea tala ngutu ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻAokosi 28, 2006. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Siulai 3 ki ʻAokosi 28, 2006. [Fakatokangaʻi: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻOku anga-fēfē hono tokoniʻi kitautolu ʻe he fetuʻutaki ʻi he sió ke tau hoko ai ko e kau faiako lelei angé? (Mt. 19:25, 26; Ng. 14:9, 10) [be p. 124 pal. 3–p. 125 pal. 3]
2. Ko e hā ʻoku mahuʻinga ai ʻa e fakanatulá, pea ko e hā ʻe lava ke ne tokoniʻi kitautolu ke tau fakahāhā ia ʻi heʻetau kau atu ki he malaʻe malangá? [be p. 128 pal. 1-5, puha]
3. Ko e hā ʻoku totonu ke tau tokanga ai ki hotau tuʻunga maʻa fakafoʻituituí? [be p. 131 pal. 1-3]
4. ʻOku totonu ke fēfē hono tākiekina ʻe he “anga-fakanānā mo e fakakaukau lelei” ʻa ʻetau ʻai valá mo e teuteú? (1 Tim. 2:9, NW) [be p. 131 pal. 4–p. 132 pal. 1]
5. Ko e hā ʻa e ngaahi tefitoʻi moʻoni Fakatohitapu ʻoku totonu ke tau ngāueʻaki ke fakapapauʻi ai ʻoku ʻikai tapua atu ʻi hotau fōtunga fakafoʻituituí ha ʻofa ki he māmaní? [be p. 133 pal. 2-3]
KONGA FIKA 1
6. Ko e hā ʻa e ʻaonga lahi taha ʻoku maʻu mei he lautohí? [be p. 21 pal. 3]
7. Ko e hā ʻokú ne fakapapauʻi pe ʻoku poto pe vale ha tokotaha? (Pal. 14:2) [w04 11/15 p. 26 pal. 5]
8. Ko e hā ‘ʻoku maʻungofua ai ʻa e ʻiló’ ʻe he tokotaha mahinó? (Pal. 14:6) [w04 11/15 p. 28 pal. 4-5]
9. Ko e hā ʻa e ako? [be p. 27 pal. 3]
10. ʻOku totonu ke fēfē ʻa e kaunga kia kitautolu ʻa e fakalaulauloto ki he ngaahi ngāue fakaefakatupu ʻa Sihová? [w04 11/15 p. 8 pal. 4]
LAU TOHI TAPU FAKAUIKE
11. ʻI he kuonga muʻá, naʻe anga-fēfē hono ʻomai ʻe Sihova ʻa e “tala” ʻa ia naʻe iku atu ai ki he hōsitē lahi ʻo e “kau fefine tala ongoongo lelei,” pea ʻe lava fēfē ke tau ngāueʻaki ʻeni ʻi he ʻaho ní? (Sāme 68:11)
12. Ko e hā naʻá ne mei fakatupunga ʻa ʻĒsafe ke tuku ʻene fai ʻa e meʻa naʻe totonú, pea naʻe anga-fēfē ʻa hono fakatonutonu ʻo ʻene fakakaukaú? (Sāme 73:2, 3, 17)
13. Ko e hā naʻe ui ai ʻa e mana naʻe tokonaki maʻá e kau ʻIsilelí ko e “koane ʻo langi,” pea toe ui ko e “ma ʻa haʻa maʻolunga”? (Sāme 78:24, 25)
14. Ko e hā ʻa e “toitoiʻanga” ʻo e Fungani Māʻolungá, pea ʻe lava fēfē ke tau “nofo” aí? (Sāme 91:1, 2)
15. ʻI he founga fē ʻoku mahuʻinga ai ʻi he ʻao ʻo Sihová ʻa e mate ʻa ʻene faʻahinga mateakí? (Sāme 116:5)