Fanongonongo

◼ Tohi ke tuʻuaki ʻi ʻAokosí: ʻE tuʻuaki nai ha faʻahinga polosiua pē ʻoku feʻungamālié. Sepitema: Ko e Hā ʻOku Akoʻi Moʻoni ʻe he Tohi Tapú? ʻOkatopa: Fakaʻaliʻali fakatouʻosi ʻa e ngaahi tatau taautaha ʻo e Taua Leʻo mo e ʻĀ Hake! Ki ha toe tuʻuaki, ʻe lava ke ke fakaʻaliʻali nai ʻa e polosiua Hanganaki Leʻo! Nōvema: Ako mei he Faiako Lahí. Ki ha toe tuʻuaki, ʻe lava ke ke fakaʻaliʻali nai ʻa e tuleki Te Ke Saiʻia ke ʻIlo Lahi Ange ki he Tohitapú?

◼ ʻOku totonu ki he ʻovasia tauhí pe ko ha tokotaha kuó ne vaheʻi, ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe ʻi he faingamālie vave taha ʻi he hili pē iá. Kapau ʻoku ngāueʻaki ha ʻakauni sieke mavahe ki he ngaahi meʻa hangē ko e ngāue monomonó pe langá, ʻoku totonu foki ke toe fai ʻa e fokotuʻutuʻu ke ʻaotitaʻi ʻa e ʻakauni ko ení. ʻI he kakato hono ʻaotitaʻí, ʻoku totonu ke fanongonongo eni ki he fakatahaʻangá ʻi he fakamatala paʻanga hoko maí.

◼ ʻOku totonu ke kamata ʻa hono kole ʻe he ngaahi fakatahaʻangá ʻa e 2007 Calendar of Jehovah’s Witnesses, Ko Hono Vakaiʻi Fakaʻaho ʻa e Tohi Tapú—2007, mo e 2007 Yearbook of Jehovah’s Witnesses ʻi heʻenau kole tohi hono hokó. Ko ha lisi ʻo e ngaahi lea ʻoku ala maʻu ai ʻa e ʻū tohi ko ʻení ʻe ʻasi atu ia ʻi he “Fanongonongo ki he Ngaahi Fakatahaʻanga Kotoa Pē,” ʻa ia ʻoku meiliʻi fakamāhina ʻe ua.