Fanongonongo

◼ Tohi ke tuʻuaki ʻi ʻEpeleli mo Mē: Fakaʻaliʻali ʻa e ngaahi tatau tāutaha ʻo e Taua Leʻo mo e ʻĀ Hake! fakatouʻosi. ʻI hono fai ʻa e ngaahi toe ʻaʻahi ki he kakai mahuʻingaʻiá, tokangataha ki hono tufa ʻa e tohi Akoʻi ʻe he Tohi Tapú. Sune: Fakapulipuli ʻo e Fāmili Fiefiá. Siulai mo ʻAokosi: ʻE lava ke tuʻuaki ha polosiua feʻungamālie pē.

◼ Kamata ʻi Sune, ʻe fakakau mai ai pē ʻi he ngaahi uta tohí ʻa e ngaahi kaati fakaʻilonga ki he fakataha-lahi fakavahe ki he 2007. Heʻikai fiemaʻu ke tohi kole ki ai. Kapau ʻoku fiemaʻu ʻe he fakatahaʻangá ha ngaahi kaati fakaʻilonga lahi ange, ʻoku totonu ke kole eni ʻi he Literature Request Form (S-14). Kuo pau ke kole ha ngaahi faʻoʻanga kaati pelesitiki ki ha taha pē ʻi he fakatahaʻangá ʻokú ne fiemaʻu iá.

◼ Ko e kau sekelitali ʻo e fakatahaʻangá ʻoku totonu ke nau tauhi maʻu ha tokonaki feʻunga ʻo e ngaahi foomu Application for Regular Pioneer Service (S-205) mo e Tohi Kole ki he Ngāue Tāimuʻa Tokoní (S-205b). ʻE lava ke kole eni ʻi he Literature Request Form (S-14). Tauhi ʻo ʻikai siʻi hifo ʻi he tokonaki ki he taʻu ʻe tahá. Ki muʻa ke ʻoatu ʻa e ngaahi foomu tohi kole tāimuʻa tuʻumaʻu ki he vaʻá, fakapapauʻi ʻoku fakafonu kakato kinautolu.

◼ ʻOku fiemaʻu ki he ʻōfisi vaʻá ke nau tauhi ha lēkooti taimi totonu ʻo e ngaahi tuʻasila pea mo e ngaahi fika telefoni ʻo e kotoa ʻo e kau ʻovasia tauhí mo e kau sekelitalí. Kapau ʻe ʻi ai ha liliu ʻi ha faʻahinga taimi pē, ʻoku totonu ki he Kōmiti Ngāue ʻa e Fakatahaʻangá ke ne fakafonu, fakamoʻoni hingoa, pea ʻave ha foomu Presiding Overseer/Secretary Change of Address (S-29) ki he ʻōfisi vaʻá ʻi he vave tahá. ʻOku kau heni ha faʻahinga liliu pē ʻi he ngaahi fika telefoni ʻo e feituʻú.

◼ ʻI ha taimi pē ʻoku kau ai ki hoʻo ngaahi palani folau fakafoʻituituí ʻa hono maʻu ʻa e ngaahi fakataha ʻa e fakatahaʻangá, ko ha ʻasemipilī, pe ko ha fakataha-lahi fakavahe ʻi ha fonua ʻe taha, ko hoʻo kole ki ha fakamatala fekauʻaki mo e ngaahi ʻaho, ngaahi taimi mo e ngaahi feituʻú kuo pau ke ʻave ia ki he ʻōfisi vaʻa ʻokú ne tokangaʻi ʻa e ngāue ʻi he fonua ko iá. Ko e ngaahi tuʻasila ʻo e ngaahi ʻōfisi vaʻá ʻoku fakahokohoko ia ʻi he peesi fakaʻosi ʻo e Yearbook lolotongá.