Fakamanatu Ako Fakafaifekau Fakateokalatí
Ko e ngaahi fehuʻi fakamanatu ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻEpeleli 30, 2007. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Maʻasi 5 ki ʻEpeleli 30, 2007. [Fakatokangaʻi: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻE lava fēfē ke tau tauhi ke faingofua ʻetau ʻautilaine malangá? [be p. 168 pal. 4]
2. Fakahokohoko ʻa e founga ʻe fā ʻa ia ʻe lava ke tau fakahoko ai ʻa e fakamatalá ʻi ha founga totonu. [be p. 170 pal. 3–p. 172 pal. 5]
3. Ko e hā ʻa e ngaahi meʻa tefito ʻoku totonu ke tau manatuʻi ʻi hono fakapapauʻi ʻa e meʻa ke fakakau ʻi ha malanga? [be p. 173 pal. 1-2]
4. Ko e hā ʻa e ngaahi ʻaonga ʻe niʻihi ʻo e fakahoko fakatuʻupakeé? [be p. 175 pal. 3-5]
5. Ko e hā ʻoku mahuʻinga ai ʻa e lea ʻi he anga fakafetalanoaʻakí, pea ʻe lava fēfē ke tau fakatupulekina ʻa e ʻulungāangá ni? [be p. 179 pal. 4, puha; p. 180, puha]
KONGA FIKA 1
6. ʻOku totonu ke fēfē ʻa e teuteu ʻa ha tokoua ʻi hono vaheʻi ke ne fakahoko ʻa e ngaahi meʻa mahuʻinga mei he lau Tohi Tapu fakauiké? [be p. 47 pal. 3-4]
7. Ko e hā ʻoku mahuʻinga mamaʻo ange fekauʻaki mo e huhuʻi ʻa Kalaisí ʻi he ngaahi ʻaonga ʻoku tau maʻu mei aí? [w05 11/1 p. 14 pal. 1]
8. ʻOku totonu ke fēfē hono ngāueʻaki ʻa e ngaahi konga Tohi Tapu ʻoku hā ʻi he ʻautilainé ʻi ha malanga ki he kakaí? [be p. 53 pal. 1-2]
9. Ko e hā ʻa e taumuʻa ʻa Sīsū ʻi heʻene hoko ko ha faiakó, pea ʻe lava fēfē ke tau faʻifaʻitaki kiate ia? [be p. 57 pal. 1]
10. Ko e hā ʻoku ola lelei ai ʻa hono ngāueʻaki ʻo e ngaahi faikehekehé ʻi he faiakó? [be p. 57 pal. 3-4]
LAU TOHI TAPU FAKAUIKE
11. ʻOku lava fēfē ke tau feinga ke ngāueʻaki ʻa e akonaki ʻi he Selemaia 6:16 (PM) ke ʻaʻeva ʻi he “gaahi motua hala, koefe ae hala lelei”?
12. Ko e hā naʻe fili ai ʻe Sihova ʻa e sitoaké ko ha faʻifaʻitakiʻanga ʻaonga ia ki he kau Siu taʻeangatonú, pea ko e hā ʻe lava ke tau ako mei hení? (Sel. 8:7)
13. Ko e hā ʻa e kaunga ʻo e Selemaia 15:17 ki heʻetau vakai ki he fakafiefiá he ʻaho ní?
14. ʻOku anga-fēfē ʻa e hangē ʻa e faʻahinga ʻo e tangatá ko e ʻumea ʻi he nima ʻo e Tufunga ʻUmea Lahi, ko Sihová? (Sel. 18:5-11)
15. ʻOku anga-fēfē ʻa e mahuʻinga ki hotau ʻahó ni ʻa e fakahokohoko ʻo e ngaahi puleʻanga ʻoku lisi ʻi he Selemaia 25:17-26?