Fakamanatu Ako Fakafaifekau Fakateokalatí
Ko e ngaahi fehuʻi fakamanatu ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi Sune 25, 2007. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Mē 7 ki Sune 25, 2007. [Fakatokangaʻi: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. ʻI heʻetau leá, ko e hā ʻe malava ke tau fai ke fakafiemālieʻi ʻa e hohaʻá koeʻuhi ke fakaleleiʻi ai ʻa e anga ʻo hotau leʻó? [be p. 185 pal. 1-3]
2. ʻE lava fēfē ke tau “hoko ko e meʻa kehekehe ki he kakai kehekehe” ʻi heʻetau ngāue fakafaifekaú? (1 Kol. 9:20-23) [be p. 186 pal. 2-4]
3. ʻE lava fēfē ke tau faʻifaʻitaki ki he faʻifaʻitakiʻanga ʻa Sihová ʻi he fanongo ki he niʻihi kehé? (Sen. 18:23-33; 1 Tuʻi 22:19-22) [be p. 187 pal. 1-2, 5]
4. Ko e hā ʻa e ngaahi founga ʻaonga ʻe malava ke tau tokoniʻi ai ʻa e niʻihi kehé ke nau fakalakalaka fakalaumālie? [be p. 188 pal. 1-4]
5. Ko e hā ʻoku totonu ai ke tau tokanga ke fakahāhā ʻa e tokaʻi ʻo e niʻihi kehé? [be p. 190 pal. 3, puha]
KONGA FIKA 1
6. Ko e hā kuo pau ai ke tau feinga ke aʻu ki he loto ʻo e faʻahinga ʻoku tau akoʻí? [be p. 59 pal. 1]
7. Ko e hā ʻa e ola ʻo ʻetau faʻifaʻitakiʻangá ki he faʻahinga ʻoku tau akoʻí? [be p. 61 pal. 1]
8. ʻE lava fēfē ke tau fakaleleiʻi ʻa ʻetau pōtoʻi fakafetalanoaʻaki ʻi ʻapí? [be p. 62 pal. 3]
9. Ko e hā ʻa e faʻifaʻitakiʻanga ʻo e faivelenga loto-toʻá ʻoku tau maʻu mei he palōfita ko Selemaiá? [bsi07 p. 3 pal. 36]
10. Ko e hā ʻa e falala ʻoku fakahaaʻi ʻe he Tangilaulaú, neongo ia ko e hā ʻoku ʻaonga ai ia ʻi hono fakahaaʻi ʻa e fefeka ʻo e fakamaau ʻa e ʻOtuá ki he fulikivanú? [bsi07 p. 5 pal. 13]
LAU TOHI TAPU FAKAUIKE
11. ʻI he fehoanaki mo e meʻa naʻe hokosia ʻe Selemaia ʻoku fakamatalaʻi ʻi he Selemaia 37:21, ko e hā ʻa e fakapapau ʻoku malava ke tau maʻú?
12. Ko e hā naʻe pehē nai ai ʻe Paluki ko Sihova kuó ne ‘hilifaki ha mamahi ki hono loto kuo laveá’ ʻo ʻai ai ia ke ne “ongosia,” pea ko e hā ʻa e muʻaki fakafeangai ʻa Paluki ki he palopalemá? (Sel. 45:1-5)
13. Ko fē ʻa e taimi naʻe ʻikai ke toe nofoʻi ai ʻa Pāpilone pea hoko “ko e koto lala”? (Sel. 50:13)
14. Ko e hā ʻa e tefitoʻi moʻoni fekauʻaki mo e lotú ʻoku fakahaaʻi mahino ʻi he Tangilaulau 3:8, 9, 42-45?
15. Ko e hā ʻoku fakatātaaʻi ʻe he saliote ʻoku fakamatalaʻi ʻi he ʻIsikeli vahe 1?