Taimi-Tēpile ki he Ako Fakafaifekau Fakateokalati ki he 2008

Ngaahi Fakahinohino

Lolotonga ʻa e 2008 ko e ngaahi fokotuʻutuʻu eni ki hono fai ʻo e Ako Fakafaifekau Fakateokalatí.

MAʻUʻANGA FAKAMATALÁ: Ko e Tohitapu Katoa (Pulusinga 1966) [pf], Maʻu ʻAonga mei he Ako Fakafaifekau Fakateokalatí [be], “Potu Folofola Kotoa Pe”—Moʻoni Alafalalaʻanga mo ʻAonga [bsi08-1; bsi08-2], mo e Reasoning From the Scriptures (Pulusinga 1989) [rs].

ʻOku totonu ke kamata TAIMI TONU ʻa e akó ʻaki ʻa e hiva, lotu pea mo ha lea talitali pea hoko atu leva ʻo hangē ko ia ʻoku hā ʻi laló. ʻI he hili ʻa e konga taki taha, ʻe fakafeʻiloaki ʻe he ʻovasia akó ʻa e konga hono hokó.

TUʻUNGA ʻO E LEÁ: Miniti ʻe 5. ʻE lāulea ʻa e ʻovasia ʻo e akó, ko e faiako tokoní, pe ko ha mātuʻa taau ʻe taha, ki ha tuʻunga ʻo e leá ʻo makatuʻunga ʻi he tohi ako, Ako Fakafaifekau. (ʻI he ngaahi fakatahaʻanga ʻoku fakangatangata pē ai ʻa e tokolahi ʻo e kau mātuʻá, ʻe ngāueʻaki nai ai ha sevāniti fakafaifekau taau.)

KONGA FIKA 1: Miniti ʻe 10. ʻOku totonu ke fai eni ʻe ha mātuʻa pe ko ha sevāniti fakafaifekau taau, pea ʻe makatuʻunga ia ʻi he Maʻu ʻAonga mei he Ako Fakafaifekau Fakateokalatí pe “Potu Folofola Kotoa Pe”—Moʻoni Alafalalaʻanga mo ʻAonga. ʻOku totonu ke fai ia ko ha malanga fakahinohino miniti ʻe hongofulu. Ko hono taumuʻá ʻoku ʻikai totonu ko e ʻai pē ke ʻosiki ʻa e fakamatalá ka ke fakahanga ʻa e tokangá ki he ʻaonga moʻoni ʻo e fakamatala ʻoku fai ki ai ʻa e lāuleá, ʻo fakamamafaʻi ʻa e meʻa ʻe ʻaonga lahi taha ki he fakatahaʻangá. ʻOku totonu ke ngāueʻaki ʻa e kaveinga ʻoku fakahaá. ʻOku ʻamanekina ko e fanga tokoua ʻoku vaheʻi ki ai ʻa e konga ko ení te nau tokanga ke ngata pē ʻi he taimi ʻoku fakangatangata ki aí. ʻE fai nai ha akonaki fakafoʻituitui kapau ʻe fiemaʻu.

MEʻA MAHUʻINGA MEI HE LAU TOHI TAPÚ: Miniti ʻe 10. ʻI he ʻuluaki miniti ʻe nimá, ʻoku totonu ke ngāue lelei ʻaki ai ʻe ha mātuʻa pe ko ha sevāniti fakafaifekau taau ʻa e fakamatalá ʻi ha founga ʻa ia ʻe ʻaonga ki he fakatahaʻangá. Te ne fakamatala nai ki ha konga pē ʻo e lau Tohi Tapú ʻa ia kuo vaheʻi ki he uiké. ʻOku ʻikai totonu ke hoko ko ha fakamatala fakanounou pē eni ʻo e meʻa kuo vaheʻi ke laú. Ko e taumuʻa tefitó ke tokoniʻi ʻa e kau fanongó ke nau mahinoʻi ʻa e ʻuhinga pea mo e founga ʻoku mahuʻinga ai ʻa e fakamatalá. ʻOku totonu ke tokanga ʻa e tokotaha malangá ke ʻoua ʻe fakalaka ʻi he miniti ʻe nima ʻoku fakaʻatā ki he konga kamatá. ʻOku totonu ke ne fakapapauʻi ʻoku vaheʻi ʻa e miniti ʻe nimá ke kau mai ki ai ʻa e kau fanongó. ʻOku totonu ke fakaafeʻi ʻa e kau fanongó ke nau fai ha fakamatala nounou (sekoni ʻe 30 pe siʻi ange ai) ki he poini naʻa nau mahuʻingaʻia ai ʻi he lau Tohi Tapú pea mo hono ngaahi ʻaongá. ʻE toki tukuange atu leva ʻe he ʻovasia akó ʻa e kau ako ʻoku vaheʻi ki he loki ako kehé.

KONGA FIKA 2: Miniti ʻe 4 pe siʻi ange. Ko e lautohi eni ke fai ʻe ha tokoua. ʻOku totonu ke lau ʻe he tokotaha akó ʻa e fakamatala kuo vaheʻí ʻo ʻikai fai ha talateu pe ko ha fakamulituku. ʻE tautefito ʻa e mahuʻingaʻia ʻa e ʻovasia akó ʻi hono tokoniʻi ʻa e kau akó ke nau lautohi fakataha mo e mahino, pōtoʻi, fakamamafaʻi totonu ʻa e ʻuhingá, fetūkuaki ʻo e leʻó, mālōlō feʻungamālie mo fakanatula.

KONGA FIKA 3: Miniti ʻe 5. ʻE vaheʻi eni ki ha tuofefine. Ko e ngaahi tuofāfine ʻoku nau maʻu ʻa e konga ko ení ʻe vaheʻi ange kia kinautolu ha fokotuʻutuʻu pe te nau fili ha taha mei he lisi ʻoku hā ʻi he peesi 82 ʻo e tohi ako, Ako Fakafaifekau. ʻOku totonu ke ngāueʻaki ʻe he tokotaha akó ʻa e kaveinga kuo vaheʻí pea ngāueʻaki ia ki ha tafaʻaki ʻo e ngāue fakamalangá ʻa ia ʻoku ʻi ha tuʻunga moʻoni mo ʻaonga ki he feituʻu ngāue fakalotofonuá. ʻI he ʻikai fakahaaʻi ha maʻuʻanga fakamatalá, ʻe fiemaʻu ai ki he tokotaha akó ke ne tānaki mai ha fakamatala ki he konga ko ení ʻaki hono fai ha fekumi ʻi heʻetau ngaahi tohí. Ko e kau ako foʻou angé ʻoku totonu ke vaheʻi ki ai ʻa e ngaahi konga malanga ʻa ia ʻoku ʻoatu ai ʻa e maʻuʻanga fakamatalá. Ko e ʻovasia akó ʻe mahuʻingaʻia ia tautefito ʻi he founga ʻo hono fakahoko ʻe he tokotaha akó ʻa e fakamatalá mo e founga ʻo ʻene tokoniʻi ʻa ʻene tokotaha-ʻapí ke fakaʻuhinga ʻi he Tohi Tapú pea mahinoʻi ʻa e ngaahi poini tefito ʻo e malangá. ʻE vaheʻi ʻe he ʻovasia ʻo e akó ha tokotaha tokoni ʻe taha.

KONGA FIKA 4: Miniti ʻe 5. ʻOku totonu ke fakatupulekina ʻe he tokotaha akó ʻa e kaveinga kuo vaheʻí. ʻI he ʻikai fakahaaʻi ha maʻuʻanga fakamatalá, ʻe fiemaʻu ai ki he tokotaha akó ke ne tānaki mai ha fakamatala ki he konga ko ení ʻaki hono fai ha fekumi ʻi heʻetau ngaahi tohí. ʻI hono vaheʻi ki ha tokouá, ko e konga ko ení ʻe lava ke fai ia ko ha malanga ki he kau fanongo ʻi he Fale Fakatahaʻangá. ʻI hono ʻoange ki ha tuofefine ʻa e konga ko ení, ʻe fakahoko maʻu pē ia ʻo hangē ko e fokotuʻutuʻu ki he Konga Fika 3. Ko e ʻovasia akó te ne ʻoange nai ki ha tokoua ʻa e Konga Fika 4 ʻi ha taimi pē ʻokú ne vakai ai ʻoku feʻungamālie ke fai peheé. Kātaki ʻo fakatokangaʻi ko e ngaahi kaveinga ʻoku tuʻu ai ʻa e fakaʻilonga foʻi fetuʻú ʻoku totonu ke vaheʻi maʻu pē ia ki he fanga tokouá ke nau fai ia ko e ngaahi malanga. Kapau ʻoku fuʻu tokolahi ʻa e kau mātuʻa mo e kau sevāniti fakafaifekau ʻi hoʻo fakatahaʻangá ke nau fakahoko ʻa e ngaahi konga kehekehe ʻi he Ako Fakafaifekau Fakateokalatí mo e Fakataha Ngāué, ʻe sai ange leva ke vaheʻi ʻa e ngaahi kaveinga ʻoku ʻi ai ʻa e fakaʻilonga foʻi fetuʻú ki ha mātuʻa pe ko ha sevāniti fakafaifekau ʻo ka malava.

AKONAKI: Miniti ʻe 1. ʻE ʻikai ke fanongonongo ki muʻa ʻe he ʻovasia ʻo e akó ʻa e tuʻunga ʻo e lea ʻoku ngāue ki ai ʻa e tokotaha akó. Hili ʻa e Konga Fika 2, Fika 3 mo e Fika 4, ʻe fai ʻe he ʻovasia ʻo e akó ha fakamatala pau ki ha tafaʻaki ʻo e malangá ʻa ia naʻe taau ke fakaongoongoleleiʻí. Ko ʻene taumuʻá ʻoku ʻikai koeʻuhí ke pehē pē “ʻoku lelei,” ka ke tohoakiʻi ʻa e tokangá ki he ngaahi ʻuhinga pau naʻe ola lelei ai ʻa e tafaʻaki ko ia ʻo e malangá. Fakatatau ki he meʻa ʻoku fiemaʻu ki he tokotaha ako taki taha, ʻe fai nai fakafoʻituitui ha akonaki lahi ange ki ha meʻa ke fakaleleiʻi hili ʻa e fakatahá pe ʻi ha taimi kehe.

TAIMI: ʻOku ʻikai totonu ke ʻovataimi ha malanga, pea pehē foki ki he fakamatala ʻa e faiakó. Ko e Konga Fika 2 ki he 4 ʻoku totonu ke taʻofi ia ʻi he tuʻunga fakapotopoto ʻi he ʻosi ʻa e taimí. Kapau ʻe ʻovataimi ʻa e fanga tokoua ʻoku nau fai ʻa e malanga kamata ʻi he tuʻunga ʻo e leá, Konga Fika 1, pe meʻa mahuʻinga mei he lau Tohi Tapú, ʻoku totonu ke fai ha akonaki fakafoʻituitui kia kinautolu. ʻOku totonu ke siofi tokanga ʻe he tokotaha kotoa ʻenau taimí. Ko e polokalamá fakakātoa: Miniti ʻe 45, ʻo taʻekau ai ʻa e hivá mo e lotú.

FOOMU AKONAKI: ʻI he tohi akó.

FAIAKO TOKONÍ: Ko e kulupu ʻo e kau mātuʻá te nau fili nai ha mātuʻa pōtoʻi, kapau ʻoku ala maʻu ha taha ʻo tānaki atu ki he ʻovasia akó, ke ne fakahoko ʻa e ngāue ko ha faiako tokoní. Kapau ʻoku tokolahi ʻa e kau mātuʻa ʻi he fakatahaʻangá, ʻe lava ke tokangaʻi leva ʻe ha mātuʻa taau kehe ʻa e ngāue ko ení ʻi he taʻu taki taha. Ko e fatongia ʻo e faiako tokoní ke fai ha akonaki fakafoʻituitui, kapau ʻe fiemaʻu, ki he fanga tokoua ʻoku nau fakahoko ʻa e Konga Fika 1 mo e meʻa mahuʻinga mei he lau Tohi Tapú. ʻOku ʻikai fiemaʻu ia ke ne fai ha akonaki ʻi he hili ʻa e ngaahi malanga taki taha ko ia ʻa e kaungā mātuʻá pe kau sevāniti faifekaú.

FAKAMANATU ʻO E AKO FAKAFAIFEKAU FAKATEOKALATÍ: Miniti ʻe 30. ʻI he māhina ʻe ua kotoa pē, ʻe fai ai ʻe he ʻovasia akó ha fakamanatu. ʻE muʻomuʻa ai ʻa e lāulea fekauʻaki mo e tuʻunga ʻo e leá pea mo e meʻa mahuʻinga mei he lau Tohi Tapú hangē ko ia ʻoku fakahaaʻi ʻi ʻolungá. Ko e fakamanatú ʻe makatuʻunga ia ʻi he fakamatala naʻe lāulea ki ai ʻi he akó lolotonga ʻa e māhina ʻe ua ki muʻá, ʻo kau ai ʻa e uike lolotongá. Kapau ʻoku fai ha ʻasemipilī fakasēketi ʻa hoʻo fakatahaʻangá ʻi he uike Fakamanatu ʻo e Ako Fakafaifekau Fakateokalatí, ko e fakamanatú leva (mo e toenga ʻo e taimi-tēpile ki he uiké) ʻoku totonu ke toloi ia ki he uike hono hokó pea ko e taimi-tēpile ʻo e uike hokó ʻoku totonu ke ngāueʻaki ia ʻi he uike ko iá. Kapau ʻe ʻaʻahi atu ʻa e ʻovasia sēketí ki hoʻo fakatahaʻangá ʻi he uike ʻo e fakamanatú, ko e hivá leva, malanga ʻi he tuʻunga ʻo e leá pea mo e ngaahi meʻa mahuʻinga mei he Tohi Tapú ʻoku totonu ke fakahoko ia fakatatau ki he taimi-tēpilé. Ko e malanga fakahinohinó (ʻa ia ʻe fakahoko ʻi he hili ʻa e malanga ʻi he tuʻunga ʻo e leá) ʻoku totonu ke ngāueʻaki ia mei he taimi-tēpile ʻo e uike hono hokó. Ko e Ako Fakafaifekau Fakateokalati ki he uike hokó ʻe kamataʻaki ia ʻa e malanga ʻi he tuʻunga ʻo e leá mo e ngaahi meʻa mahuʻinga mei he Tohi Tapú ʻo hangē ko ia kuo fakataimitēpileʻí, pea hoko atu ai ʻa e fakamanatú.

TAIMI-TĒPILE

San. 7 Lau Tohi Tapu: Mātiu 1-6 Hiva 62

Tuʻunga ʻo e Leá: ʻOmai ʻa e Fakamatala ʻOku Fiemaʻú (be p. 228 ¶2-3)

Fika 1: Talateu ki he Mātiu (bsi08-1 p. 3-4 ¶1-10)

Fika 2: Mātiu 5:1-20

Fika 3: Ko e Hā ʻOku Mate Ai ʻa e Faʻahinga ʻo e Tangatá? (rs-E p. 98-9 ¶6)

Fika 4: Ngaahi Founga ʻOku Tokoniʻi Ai Kitautolu ʻe he Laumālie Māʻoniʻoni ʻo e ʻOtuá

San. 14 Lau Tohi Tapu: Mātiu 7-11 Hiva 224

Tuʻunga ʻo e Leá: Founga ʻOku Kau Ai ʻa e Lotó (be p. 228 ¶4–p. 229 ¶1)

Fika 1: Fiefia ʻi he Folofola ʻa e ʻOtuá (be p. 9 ¶1-5)

Fika 2: Mātiu 10:1-23

Fika 3: ʻUhinga ʻOku ʻAonga Ai ʻa e Faitotonú

Fika 4: Ko Fē ʻa e Kau Maté, pea ko e Hā Honau Tuʻungá? (rs-E p. 99 ¶7–p. 101 ¶4)

San. 21 Lau Tohi Tapu: Mātiu 12-15 Hiva 133

Tuʻunga ʻo e Leá: Fakatupu-ʻIlo ki Hoʻo Kau Fanongó (be p. 230 ¶1-6)

Fika 1: Lau Fakaʻaho ʻa e Tohi Tapú (be p. 10 ¶1–p. 12 ¶3)

Fika 2: Mātiu 14:1-22

Fika 3: Ko e Hā ʻOku ʻIkai Kau Ai ʻa e Kau Fakamoʻoni ʻa Sihová ʻi he Ngaahi Tōʻonga Tukufakaholo ʻo e Tengihiá? (rs-E p. 102 ¶1–p. 103 ¶2)

Fika 4: Ko e Hā pe ko Hai ʻa e Fili ʻo Kalaisí?

San. 28 Lau Tohi Tapu: Mātiu 16-21 Hiva 176

Tuʻunga ʻo e Leá: ʻAi ha Malanga ke Fakatupu-ʻIlo Fakafou ʻi he Fekumi (be p. 231 ¶1-3)

Fika 1: “Mou Tokanga ki he Anga ʻo Hoʻomou Fanongo” (be p. 13 ¶1–p. 14 ¶5)

Fika 2: Mātiu 17:1-20

Fika 3: Tali ki he Ngaahi Fakakaukau Hala Fekauʻaki mo e Maté (rs-E p. 103 ¶3–p. 104 ¶1)

Fika 4: Ngaahi Meʻa ʻOku Vakai ki Ai ʻa e Kau Kalisitiané ʻOku Toputapú

Fep. 4 Lau Tohi Tapu: Mātiu 22-25 Hiva 151

Tuʻunga ʻo e Leá: Fakamatalaʻi ʻa e Ngaahi Konga Tohi Tapú (be p. 231 ¶4-5)

Fika 1: Fanongo ʻi he Ngaahi Fakatahá mo e Ngaahi ʻAsemipilií (be p. 15 ¶1–p. 16 ¶5)

Fika 2: Mātiu 23:1-24

Fika 3: Heʻikai Fakapipiko ʻa e Moʻui Taʻengatá

Fika 4: Ngaahi Misi—Fakamānavaʻi mo ʻIkai Fakamānavaʻi (rs-E p. 104-6 ¶3)

Fep. 11 Lau Tohi Tapu: Mātiu 26-28 Hiva 110

Tuʻunga ʻo e Leá: Fakamatalaʻi ʻa e ʻUhinga ʻo e Ngaahi Kupuʻi Leá (be p. 232 ¶1)

Fika 1: Mātiu—ʻUhinga ʻOku ʻAonga Aí (bsi08-1 p. 5 ¶29-33)

Fika 2: Mātiu 27:1-22

Fika 3: Tuí—ʻUhinga ʻOku ʻIkai Feʻunga Ai ʻa e Tui Pē ʻOku ʻi Ai ʻa e ʻOtuá

Fika 4: Ngaahi Faitoʻo Kona Tapú—ʻUhinga ʻOku Tapui Ai ki he Kalisitiané (rs-E p. 106-8 ¶1)

Fep. 18 Lau Tohi Tapu: Maake 1-4 Hiva 167

Tuʻunga ʻo e Leá: Fakaʻuhinga ʻi he Ngaahi Konga Tohí (be p. 232 ¶2-4)

Fika 1: Talateu ki he Maake (bsi08-1 p. 6-7 ¶1-11)

Fika 2: Maake 2:1-17

Fika 3: ʻUhinga ʻOku ʻIkai Ngāueʻaki Ai ʻe he Kau Kalisitiané ʻa e Maliuaná (rs-E p. 108 ¶2–p. 109 ¶2)

Fika 4: Founga Hono Fakaivimālohi ʻe he ʻOfá ʻa e Loto-Toʻá

Fep. 25 Lau Tohi Tapu: Maake 5-8 Hiva 72

Tuʻunga ʻo e Leá: Fili ʻa e Fakamatala ʻa Ia ʻe ʻAonga ki Hoʻo Kau Fanongó (be p. 233 ¶1-5)

Fakamanatu ʻo e Ako Fakafaifekau Fakateokalatí

Mas. 3 Lau Tohi Tapu: Maake 9-12 Hiva 195

Tuʻunga ʻo e Leá: Ngāueʻaki ʻa e Fakamatala Kuo Vaheʻí (be p. 234 ¶1–p. 235 ¶3)

Fika 1: ʻE Lava Ke Ke Fakaleleiʻi Hoʻo Manatú (be p. 17 ¶1–p. 19 ¶1)

Fika 2: Maake 11:1-18

Fika 3: ʻUhinga ʻOku ʻIkai Lava ke Loi Ai ʻa e ʻOtuá

Fika 4: ʻUhinga ʻOku ʻIkai Ngāueʻaki Ai ʻe he Kau Kalisitiané ʻa e Tapaká (rs-E p. 109 ¶3–p. 111 ¶3)

Mas. 10 Lau Tohi Tapu: Maake 13-16 Hiva 87

Tuʻunga ʻo e Leá: Ngāue Ola Lelei ʻAki ʻa e Ngaahi Fehuʻí (be p. 236 ¶1-5)

Fika 1: Maake—ʻUhinga ʻOku ʻAonga Aí (bsi08-1 p. 7-8 ¶31-3)

Fika 2: Maake 14:1-21

Fika 3: Ikuʻi ʻa e Ngaahi Tōʻonga Koví—Anga-Fēfē? (rs-E p. 111 ¶4–p. 112 ¶3)

Fika 4: ʻUhinga ko e “ʻIta ʻa e Tangata ʻOku ʻIkai Te Ne Ngaue ki he Maʻoniʻoni Fakaʻotua” (Sem. 1:20)

Mas. 17 Lau Tohi Tapu: Luke 1-3 Hiva 13

Tuʻunga ʻo e Leá: Ngaahi Fehuʻi ke Fakahoko ʻa e Ngaahi Fakakaukau Mahuʻingá (be p. 237 ¶1-2)

Fika 1: Talateu ki he Luke (bsi08-1 p. 8-10 ¶1-9)

Fika 2: Luke 1:1-23

Fika 3: ʻUhinga “koe Tui Tae i Ai ae Gaahi Gaue, Oku Mate Ia” (Sem. 2:20, PM)

Fika 4: Heʻikai Taʻofi ʻe he Ngaahi Puleʻangá ʻa e Taumuʻa ʻa e ʻOtuá Fekauʻaki mo e Māmaní (rs-E p. 112-13 ¶5)

Mas. 24 Lau Tohi Tapu: Luke 4-6 Hiva 156

Tuʻunga ʻo e Leá: Ngaahi Fehuʻi ke Fakaʻuhinga Ai ʻi ha Tuʻunga-Lea (be p. 237 ¶3–p. 238 ¶2)

Fika 1: Ko e Ngafa ʻo e Laumālie ʻo e ʻOtuá ʻi he Manatú (be p. 19 ¶2–p. 20 ¶3)

Fika 2: Luke 4:1-21

Fika 3: ʻE Fakaʻauha ʻe Sihova ʻa e Māmaní ʻAki ʻa e Afi? (rs-E p. 113 ¶6–p. 115 ¶1)

Fika 4: Ko e Manavahē ki he ʻOtuá ʻOku Lava ke Taʻofi Ai Kitautolu mei he Faiangahalá

Mas. 31 Lau Tohi Tapu: Luke 7-9 Hiva 122

Tuʻunga ʻo e Leá: Ngaahi Fehuʻi ke Tohoakiʻi Mai ʻa e Ngaahi Ongoʻi ʻi Lotó (be p. 238 ¶3-5)

Fika 1: Ko e Hā Ke Ke Ngāue Tōtōivi Ai ki he Lautohí? (be p. 21 ¶1–p. 23 ¶3)

Fika 2: Luke 7:1-17

Fika 3: Fakamoʻoni ʻOku ʻOfa ʻa e ʻOtuá ʻia Kitautolu mo Ne Loto Ke Tau Fiefia

Fika 4: Heʻikai Foki Mai ki he Māmaní ʻa e Kau Mēmipa ʻo Selusalema Foʻoú Hili Hono Fakaʻauha ʻa e Fulikivanú (rs-E p. 115 ¶2–p. 116 ¶1)

ʻEp. 7 Lau Tohi Tapu: Luke 10-12 Hiva 68

Tuʻunga ʻo e Leá: Ngaahi Fehuʻi ke Tānaki Atu Ai ʻa e Fakamamafá (be p. 239 ¶1-2)

Fika 1: Founga ke Ngāue Tōtōivi Ai ki he Lautohí (be p. 23 ¶4–p. 26 ¶5)

Fika 2: Luke 11:37-54

Fika 3: Kuo Liliu ʻa e Taumuʻa ʻa e ʻOtuá ki he Māmaní? (rs-E p. 116 ¶2–p. 117 ¶2)

Fika 4: Ko e Hā ʻa e ʻUhinga ʻo e Fakahā 17:17?

ʻEp. 14 Lau Tohi Tapu: Luke 13-17 Hiva 86

Tuʻunga ʻo e Leá: Ngaahi Fehuʻi ke Fakaeʻa ʻa e Fakakaukau Halá (be p. 239 ¶3-5)

Fika 1: Founga Hono Fai ʻo e Akó (be p. 27 ¶1–p. 31 ¶2)

Fika 2: Luke 16:1-15

Fika 3: Meʻa ʻOku Akoʻi Mai kia Kitautolu ʻe he Lao ʻa e ʻOtuá ki he Tufí (Liv. 19:9, 10)

Fika 4: ʻE Lava Fēfē Ke Tau Fakalototoʻaʻi ʻa e Faʻahinga ʻOku Puké? (rs-E p. 117-18 ¶1)

ʻEp. 21 Lau Tohi Tapu: Luke 18-21 Hiva 182

Tuʻunga ʻo e Leá: Ngaahi Similī mo e Ngaahi Metafoa ʻOku Akoʻaki (be p. 240 ¶1–p. 241 ¶1)

Fika 1: Luke—ʻUhinga ʻOku ʻAonga Aí (bsi08-1 p. 10-11 ¶30-5)

Fika 2: Luke 18:1-17

Fika 3: Founga ʻe Lava Ke Tau Fakalototoʻaʻi Ai ʻa e Faʻahinga ʻOku Mamahi ʻi he Hoko ha Maté (rs-E p. 118 ¶2-6)

Fika 4: ʻUhinga ʻo e ‘Fakaʻehiʻehi mei he Lāungá’ (Fili. 2:14)

ʻEp. 28 Lau Tohi Tapu: Luke 22-24 Hiva 218

Tuʻunga ʻo e Leá: Ngāueʻaki ʻa e Ngaahi Fakatātā (be p. 241 ¶2-4)

Fakamanatu ʻo e Ako Fakafaifekau Fakateokalatí

Mē 5 Lau Tohi Tapu: Sione 1-4 Hiva 31

Tuʻunga ʻo e Leá: Ngaahi Fakatātā ʻi he Tohi Tapú (be p. 242 ¶1-2)

Fika 1: Talateu ki he Sione (bsi08-1 p. 11-13 ¶1-9)

Fika 2: Sione 3:1-21

Fika 3: Meʻa ʻOku Tau Ako mei he Fakafisi ʻa Tēvita ke Tāmateʻi ʻa Tuʻi Saulá

Fika 4: Fakalototoʻa ki he Faʻahinga Kuo Fakatangaʻi ʻi Hono Fai ʻa e Finangalo ʻo e ʻOtuá (rs-E p. 118 ¶7–p. 119 ¶4)

Mē 12 Lau Tohi Tapu: Sione 5-7 Hiva 150

Tuʻunga ʻo e Leá: ʻE Mahinoʻi Ia? (be p. 242 ¶3–p. 243 ¶1)

Fika 1: ʻOku ʻAonga ʻa e Akó (be p. 31 ¶3–p. 32 ¶4)

Fika 2: Sione 6:1-21

Fika 3: Meʻa ʻOku Akoʻi Mai kia Kitautolu ʻe he Talanoa kia ʻAnanaia mo Sāfailá

Fika 4: ʻE Lava Fēfē Ke Ke Fakalototoʻaʻi ʻa e Faʻahinga Kuo Loto-Siʻi ʻi he Ngaahi Fakamaau Taʻetotonú? (rs-E p. 119 ¶5–p. 120 ¶2)

Mē 19 Lau Tohi Tapu: Sione 8-11 Hiva 102

Tuʻunga ʻo e Leá: Ngaahi Talanoa Fakatātā mei he Ngaahi Tuʻunga Anga-Maheni (be p. 244 ¶1-2)

Fika 1: Founga ʻo Hono Fai ʻa e Fekumí ʻAki ʻa e Tohi Tapú (be p. 33 ¶1–p. 35 ¶2)

Fika 2: Sione 11:38-57

Fika 3: Ko e Hā ʻa e Fakalototoʻa ki he Faʻahinga Kuo Lōmekina ʻe he Ngaahi Palopalema Fakaʻekonōmiká? (rs-E p. 120 ¶3-7)

Fika 4: Ko e Hā Naʻe ʻOmai Ai ʻa e Fekau Hono Hongofulú Kapau Naʻe ʻIkai Lava ʻo Fakamālohiʻi ke Fai ki Ai?

Mē 26 Lau Tohi Tapu: Sione 12-16 Hiva 3

Tuʻunga ʻo e Leá: Ngaahi Talanoa Fakatātā Feʻungamālie ki Hoʻo Kau Fanongó (be p. 244 ¶3–p. 245 ¶4)

Fika 1: Ako ke Ngāueʻaki ʻa e Ngaahi Meʻangāue Fakaefekumi Kehé (be p. 35 ¶3–p. 38 ¶4)

Fika 2: Sione 12:1-19

Fika 3: Fakalototoʻa ki he Faʻahinga ʻOku Loto-Siʻi ʻi he Ngaahi Tōnounoú (rs-E p. 120 ¶8–p. 121 ¶3)

Fika 4: Founga ʻo ʻEtau Lī ʻEtau Kavengá kia Sihová (Sāme 55:22)

Sune 2 Lau Tohi Tapu: Sione 17-21 Hiva 198

Tuʻunga ʻo e Leá: Ngāue Ola Lelei ʻAki ʻa e Ngaahi Tokoni ki he Mamatá (be p. 247 ¶1-2)

Fika 1: Sione—ʻUhinga ʻOku ʻAonga Aí (bsi08-1 p. 13 ¶30-5)

Fika 2: Sione 21:1-14

Fika 3: Ko e Hā ke Tui Ai ki he ʻOtua ʻa Ia ʻOku ʻIkai Lava Ke Tau Sio ki Ai?

Fika 4: ʻEvalūsioó—Ko ha Palopalema Fakasaienisi (rs-E p. 121-3 ¶1)

Sune 9 Lau Tohi Tapu: Ngāue 1-4 Hiva 92

Tuʻunga ʻo e Leá: Founga Hono Ngāueʻaki ʻe Sīsū ʻa e Ngaahi Tokoni ki he Mamatá (be p. 247 ¶3)

Fika 1: Talateu ki he Ngāue (bsi08-1 p. 14-15 ¶1-8)

Fika 2: Ngāue 1:1-14

Fika 3: ʻEvalūsioó, ko e Lēkooti ʻo e Fōsilí mo e Fakaʻuhinga Leleí (rs-E p. 123 ¶2–p. 126 ¶2)

Fika 4: Ko e Hā ʻOku Kau ki he “Lea Tauʻatāiná”? (Hep. 3:6, NW)

Sune 16 Lau Tohi Tapu: Ngāue 5-7 Hiva 2

Tuʻunga ʻo e Leá: Ngaahi Founga ke Ngāueʻaki Ai ʻa e Ngaahi Tokoni ki he Mamatá (be p. 248 ¶1-3)

Fika 1: Faʻu ha ʻAutilaine (be p. 39-42)

Fika 2: Ngāue 5:1-16

Fika 3: Tali ki he Ngaahi Taukaveʻi ʻa e Kau ʻEvalūsioó (rs-E p. 126 ¶3–p. 128 ¶3)

Fika 4: Ko e Hā ʻOku Hoko Ai ʻa e Manavahē kia Sihová ko e Kamataʻanga ʻo e Potó? (Sāme 111:10, PM)

Sune 23 Lau Tohi Tapu: Ngāue 8-10 Hiva 116

Tuʻunga ʻo e Leá: Ngāueʻaki ʻo e Ngaahi Mape, Ngaahi Polokalama ʻAsemipilī Kuo Pulusi mo e Ngaahi Vitiō (be p. 248 ¶4–p. 249 ¶2)

Fika 1: Teuteuʻi ʻa e Ngaahi Konga ʻa e Tokotaha Akó ki he Akó (be p. 43 ¶1–p. 44 ¶3)

Fika 2: Ngāue 8:1-17

Fika 3: Founga ʻe Hanga Ai ʻe Sīsū ʻo “Fakahaofi ʻa e Masiva” (Sāme 72:12)

Fika 4: ʻUhinga ʻOku Taʻetui Ai ʻa e Kakai Tokolahi (rs-E p. 129-30 ¶2)

Sune 30 Lau Tohi Tapu: Ngāue 11-14 Hiva 79

Tuʻunga ʻo e Leá: Ngāueʻaki ʻa e Ngaahi Tokoni ki he Mamatá ki he Ngaahi Kulupu Lalahi Angé (be p. 249 ¶3–p. 250 ¶1)

Fakamanatu ʻo e Ako Fakafaifekau Fakateokalatí

Siu. 7 Lau Tohi Tapu: Ngāue 15-17 Hiva 203

Tuʻunga ʻo e Leá: ʻUhinga ʻOku Mahuʻinga Ai ʻa e Founga Fakaʻuhingá (be p. 251 ¶1-3)

Fika 1: Ngāue Fakataha mo ha Tuʻunga-Lea pea mo ha Fokotuʻutuʻu (be p. 44 ¶4–p. 46 ¶2)

Fika 2: Ngāue 16:1-15

Fika 3: Ngaahi ʻUhinga ke Tauhi Taʻemanavahē Ai kia Sihová

Fika 4: ʻE Lava Fēfē ke Maʻu ʻe ha Taha ʻa e Tuí? (rs-E p. 130 ¶3–p. 131 ¶3)

Siu. 14 Lau Tohi Tapu: Ngāue 18-21 Hiva 32

Tuʻunga ʻo e Leá: Meʻa ke Kamata Aí (be p. 251 ¶4–p. 252 ¶3)

Fika 1: Teuteuʻi ʻa e Ngaahi Malanga ki he Fakatahaʻangá (be p. 47 ¶1–p. 49 ¶1)

Fika 2: Ngāue 20:1-16

Fika 3: Ko e Tui ʻi he ʻAmanaki ki he Fokotuʻutuʻu Foʻou Māʻoniʻoní ʻOku Fakamoʻoniʻi Ia ʻe he Ngaahi Ngāue (rs-E p. 131 ¶5–p. 132 ¶2)

Fika 4: Ko e Hā ʻOku Lava Ke Tau Ako mei he Tapui ʻOku ʻi he Ekisoto 23:19e?

Siu. 21 Lau Tohi Tapu: Ngāue 22-25 Hiva 200

Tuʻunga ʻo e Leá: Taimi ke ʻUlutukua Aí (be p. 252 ¶4–p. 253 ¶2)

Fika 1: Teuteu ʻa e Ngaahi Konga ʻi he Fakataha Ngāué mo e Ngaahi Malanga Kehe (be p. 49 ¶2–p. 51 ¶2)

Fika 2: Ngāue 22:1-16

Fika 3: ʻI he Ngaahi Founga Fē ʻOku Fakahoko Ai ʻe he Kau Fakamoʻoni ʻa Sihová ʻa e Sione 13:34, 35?

Fika 4: ʻE Lava Fēfē ke ʻIloʻi ʻa e Kau Palōfita Loí? (rs-E p. 132-4 ¶2)

Siu. 28 Lau Tohi Tapu: Ngāue 26-28 Hiva 29

Tuʻunga ʻo e Leá: ʻEke ʻa e Ngaahi Fehuʻi mo ʻOange ha Ngaahi ʻUhinga (be p. 253 ¶3–p. 254 ¶2)

Fika 1: Ngāue—ʻUhinga ʻOku ʻAonga Aí (bsi08-1 p. 15-16 ¶32-40)

Fika 2: Ngāue 26:1-18

Fika 3: Ko e Kau Palōfita Moʻoní Naʻe ʻIkai Te Nau Mahinoʻi Maʻu Pē ʻa e Founga mo e Taimi ʻe Hoko Ai ʻa e Ngaahi Meʻa Naʻe Tomuʻa Talá (rs-E p. 134 ¶3-8)

Fika 4: ʻUhinga ʻOku Fakahāhā Ai ʻe Sihova ʻa e Anga-Kātakí

ʻAo. 4 Lau Tohi Tapu: Loma 1-4 Hiva 170

Tuʻunga ʻo e Leá: Ngaahi Fakaʻuhinga Lelei ʻOku Makatuʻunga Fefeka ʻi he Folofola ʻa e ʻOtuá (be p. 255 ¶1–p. 256 ¶2)

Fika 1: Talateu ki he Loma (bsi08-1 p. 17-18 ¶1-7)

Fika 2: Loma 3:1-20

Fika 3: Founga Hono Maluʻi mo Fakaivimālohiʻi ʻe he Kau ʻĀngeló ʻa e Kau Sevāniti ʻa e ʻOtuá

Fika 4: ʻOku Pouaki ʻe he Kau Fakamoʻoni ʻa Sihová ʻa e Lotu Moʻoní (rs-E p. 135 ¶1-2)

ʻAo. 11 Lau Tohi Tapu: Loma 5-8 Hiva 207

Tuʻunga ʻo e Leá: Poupouʻi ʻa e Ngaahi Fakaʻuhingá ʻAki ʻa e Fakamoʻoni Fakalahi (be p. 256 ¶3-5)

Fika 1: Teuteuʻi ʻa e Ngaahi Malanga ki he Kakaí (be p. 52 ¶1–p. 54 ¶1)

Fika 2: Loma 6:1-20

Fika 3: ʻIloʻi ʻa e Kau Fakamoʻoni ʻa Sihová ʻi he Ngaahi Fua ʻOku Hā Meia Kinautolú (rs-E p. 135 ¶3–p. 137 ¶1)

Fika 4: Founga ʻe Lava ke Maluʻi Ai Kitautolu ʻe he Māʻoniʻoní

ʻAo. 18 Lau Tohi Tapu: Loma 9-12 Hiva 152

Tuʻunga ʻo e Leá: ʻOatu ha Fakamoʻoni Feʻunga (be p. 257 ¶1-4)

Fika 1: Loma—ʻUhinga ʻOku ʻAonga Aí (bsi08-1 p. 18-19 ¶20-5)

Fika 2: Loma 9:1-18

Fika 3: Ko e Hā ʻa e Ngaahi Fakatuʻutāmaki ʻo e Laú mo Hono Fakamafola Holo ʻo e Talanoa Sasalá?

Fika 4: Tali ki he Faʻahinga ʻOku Nau Ui Kitautolu ko e Kau Palōfita Loí (rs-E p. 137 ¶2-4)

ʻAo. 25 Lau Tohi Tapu: Loma 13-16 Hiva 16

Tuʻunga ʻo e Leá: Feinga ke Aʻu ki he Lotó (be p. 258 ¶1-5)

Fakamanatu ʻo e Ako Fakafaifekau Fakateokalatí

Sep. 1 Lau Tohi Tapu: 1 Kolinito 1-9 Hiva 199

Tuʻunga ʻo e Leá: ʻIloʻi ʻa e Meʻa ʻOku ʻi he Loto ʻo e Kakaí (be p. 259 ¶1-3)

Fika 1: Talateu ki he 1 Kolinito (bsi08-1 p. 20-1 ¶1-7)

Fika 2: 1 Kolinito 4:1-17

Fika 3: ʻOku ʻIkai Tomuʻa Fakatufakangaʻi ʻe he ʻOtuá ʻa e Taimi ʻe Mate Ai ʻa e Tokotaha Taki Taha (rs-E p. 138 ¶1-3)

Fika 4: Ko Hono Maʻu ʻo e Koloa Fakamatelié ko e Fakamoʻoni Ia ʻo e Tāpuaki ʻa e ʻOtuá?

Sep. 8 Lau Tohi Tapu: 1 Kolinito 10-16 Hiva 35

Tuʻunga ʻo e Leá: Langaʻi ʻa e Ngaahi Ongoʻi ʻAonga (be p. 259 ¶4–p. 260 ¶1)

Fika 1: 1 Kolinito—ʻUhinga ʻOku ʻAonga Aí (bsi08-1 p. 21 ¶23-6)

Fika 2: 1 Kolinito 13:1–14:6

Fika 3: ʻUhinga ʻOku Fiefia Ai ʻa e Kau Fai ki he Folofolá

Fika 4: ʻIkai ko e Finangalo ʻo e ʻOtuá ʻa e Meʻa Kotoa Pē ʻOku Hokó (rs-E p. 139 ¶1–p. 140 ¶2)

Sep. 15 Lau Tohi Tapu: 2 Kolinito 1-7 Hiva 58

Tuʻunga ʻo e Leá: Tokoniʻi ʻa e Niʻihi Kehé Ke Nau Fakatupulekina ʻa e Manavahē-ʻOtuá (be p. 260 ¶2-3)

Fika 1: Talateu ki he 2 Kolinito (bsi08-1 p. 22 ¶1-4)

Fika 2: 2 Kolinito 1:1-14

Fika 3: ʻOku ʻIkai Tomuʻa ʻAfioʻi mo Tomuʻa Fakapapauʻi ʻe he ʻOtuá ʻa e Meʻa Kotoa Pē (rs-E p. 140 ¶3-5)

Fika 4: ʻUhinga ʻOku Fiefia Ai ʻa e Kau Kalisitiane Moʻoní ʻi Honau Fakatangaʻí

Sep. 22 Lau Tohi Tapu: 2 Kolinito 8-13 Hiva 12

Tuʻunga ʻo e Leá: ʻOku Mahuʻinga Hotau ʻUlungāangá ki he ʻOtuá (be p. 260 ¶4–p. 261 ¶1)

Fika 1: 2 Kolinito—ʻUhinga ʻOku ʻAonga Aí (bsi08-1 p. 23 ¶18-20)

Fika 2: 2 Kolinito 9:1-15

Fika 3: ʻUhinga ʻOku ʻIkai Hoko Ai ʻa e Kau Kalisitiane Moʻoní ko e Konga ʻo e Māmaní

Fika 4: Malava ʻa e ʻOtuá ke Tomuʻa ʻAfioʻi mo Fakapapauʻi ʻa e Ngaahi Meʻá (rs-E p. 141 ¶1-4)

Sep. 29 Lau Tohi Tapu: Kaletia 1-6 Hiva 163

Tuʻunga ʻo e Leá: Tokoniʻi ʻa e Niʻihi Kehé ke Fai ha Sivisiviʻi (be p. 261 ¶2-4)

Fika 1: Talateu ki he Kaletia mo e ʻUhinga ʻOku ʻAonga Aí (bsi08-1 p. 24-5 ¶1-6, 14-18)

Fika 2: Kaletia 1:1-17

Fika 3: ʻUhinga Ne ʻIkai Fili Ai ʻe he ʻOtuá ke Tomuʻa ʻAfioʻi ʻa e Meʻa Fekauʻaki mo ʻĀtamá (rs-E p. 142 ¶1-3)

Fika 4: Founga ʻOku Lava ke Ikuʻi Ai ʻe he ʻOfá ʻa e Manavahē Tangatá

ʻOka. 6 Lau Tohi Tapu: Efeso 1-6 Hiva 99

Tuʻunga ʻo e Leá: Pouaki ʻa e Talangofua Loto-Moʻoni (be p. 262 ¶1-4)

Fika 1: Talateu ki he Efeso mo e ʻUhinga ʻOku ʻAonga Aí (bsi08-1 p. 26-8 ¶1-8, 16-19)

Fika 2: Efeso 3:1-19

Fika 3: ʻIkai ko ha Fakaʻilonga ʻo e Vaivai ʻa e Kole Fakamolemolé

Fika 4: Naʻe ʻIkai Tomuʻa Fakatufakangaʻi ʻe he ʻOtuá ʻa Sēkope, ʻĪsoa pe Siutasi (rs-E p. 142 ¶4–p. 143 ¶2)

ʻOka. 13 Lau Tohi Tapu: Filipai 1-4–Kolose 1-4 Hiva 123

Tuʻunga ʻo e Leá: Ngāue Fāitaha mo Sihova ʻi he Aʻu ki he Loto ʻo e Kakaí (be p. 262 ¶5)

Fika 1: Talateu ki he Filipai mo e ʻUhinga ʻOku ʻAonga Aí (bsi08-1 p. 28-9 ¶1-7, 12-14)

Fika 2: Filipai 3:1-16

Fika 3: ʻI he Founga Fē Naʻe Tomuʻa Fakatufakangaʻi Ai ʻa e Fakatahaʻanga Kalisitiané? (rs-E p. 143 ¶3–p. 144 ¶1)

Fika 4: a Kolose—ʻUhinga ʻOku ʻAonga Aí (bsi08-1 p. 31 ¶12-14)

ʻOka. 20 Lau Tohi Tapu: 1 Tesalonaika 1-5–2 Tesalonaika 1-3 Hiva 161

Tuʻunga ʻo e Leá: Lavaʻi ʻa e Taimi Lelei (be p. 263 ¶1–p. 264 ¶4)

Fika 1: Talateu ki he 1 mo e 2 Tesalonaika mo e ʻUhinga ʻOku ʻAonga Aí (bsi08-2 p. 3-4 ¶1-5, 13-15; p. 5-6 ¶1-4, 10-11)

Fika 2: 1 Tesalonaika 1:1–2:8

Fika 3: Ko e Hā ʻa e Vakai Fakatohitapu ki he Fakaʻuhingaʻi ʻo e Fetuʻú? (rs-E p. 144 ¶2–p. 145 ¶2)

Fika 4: b 1 mo e 2 Timote—ʻUhinga ʻOku ʻAonga Aí (bsi08-2 p. 7-8 ¶15-19; p. 9 ¶10-12)

ʻOka. 27 Lau Tohi Tapu: 1 Timote 1-6–2 Timote 1-4 Hiva 69

Tuʻunga ʻo e Leá: Enginaki Ola Lelei (be p. 265 ¶1–p. 266 ¶1)

Fakamanatu ʻo e Ako Fakafaifekau Fakateokalatí

Nōv. 3 Lau Tohi Tapu: Taitusi 1-3–Filimone 1-25 Hiva 149

Tuʻunga ʻo e Leá: Enginaki Tuʻunga ʻi he ʻOfa (be p. 266 ¶2-5)

Fika 1: Talateu ki he Taitusi mo e ʻUhinga ʻOku ʻAonga Aí (bsi08-2 p. 10-11 ¶1-4, 8-10)

Fika 2: Taitusi 1:1-16

Fika 3: Ko e Hā ʻa e Ngaahi ʻUhinga Lelei ke Tui Ai ki he ʻOtuá? (rs-E p. 145-6 ¶5)

Fika 4: c Filimone—ʻUhinga ʻOku ʻAonga Aí (bsi08-2 p. 12-13 ¶7-10)

Nōv. 10 Lau Tohi Tapu: Hepelu 1-8 Hiva 144

Tuʻunga ʻo e Leá: Enginaki ʻOku Faiaka ʻi he Tohi Tapú (be p. 267 ¶1-2)

Fika 1: Talateu ki he Hepelu (bsi08-2 p. 13-15 ¶1-9)

Fika 2: Hepelu 3:1-19

Fika 3: Ko e Fulikivanú mo e Faingataʻá ʻOku ʻIkai Fakaʻikaiʻi Ai ʻa e ʻi Ai ʻa e ʻOtuá (rs-E p. 146 ¶6–p. 147 ¶1)

Fika 4: Faikehekehe ʻi he Anga-Fakatōkilalo Moʻoní mo e Anga-Fakatōkilalo Loí

Nōv. 17 Lau Tohi Tapu: Hepelu 9-13 Hiva 28

Tuʻunga ʻo e Leá: Ko Hono Maʻu ʻa e Tauʻatāina ʻo e Leá (be p. 267 ¶3-4)

Fika 1: Hepelu—ʻUhinga ʻOku ʻAonga Aí (bsi08-2 p. 15-16 ¶23-7)

Fika 2: Hepelu 10:1-17

Fika 3: Ko e ʻOtuá ko ha Tokotaha Moʻoni ʻOku ʻi Ai ʻEne Ngaahi Ongoʻi (rs-E p. 147 ¶2–p. 148 ¶3)

Fika 4: Founga ʻOku Pouaki Ai ʻe he Fakamolemolé ʻa e Fāʻūtahá

Nōv. 24 Lau Tohi Tapu: Semisi 1-5 Hiva 88

Tuʻunga ʻo e Leá: ʻUhinga ʻOku Mahuʻinga Ai ke Hoko ʻo Fakalototoʻá (be p. 268 ¶1-3)

Fika 1: Talateu ki he Semisi mo e ʻUhinga ʻOku ʻAonga Aí (bsi08-2 p. 16-18 ¶1-7, 15-17)

Fika 2: Semisi 1:1-21

Fika 3: Naʻe ʻIkai ha Kamataʻanga ʻo e ʻOtuá (rs-E p. 148 ¶4-7)

Fika 4: Anga ʻo e Ikuna pe “Luki ʻa Meesi ki he Fakamāu” (Sem. 2:13)

Tīs. 1 Lau Tohi Tapu: 1 Pita 1-5–2 Pita 1-3 Hiva 18

Tuʻunga ʻo e Leá: Fakamanatuʻi ʻa e Meʻa Kuo Fai ʻe Sihová (be p. 268 ¶4–p. 269 ¶2)

Fika 1: Talateu ki he 1 Pita mo e ʻUhinga ʻOku ʻAonga Aí (bsi08-2 p. 19-20 ¶1-5, 11-13)

Fika 2: 1 Pita 2:1-17

Fika 3: Ko e Ngāueʻaki ʻo e Huafa ʻo e ʻOtuá ʻOku Fiemaʻu Ia ki he Fakamoʻuí (rs-E p. 149 ¶1-4)

Fika 4: d 2 Pita—ʻUhinga ʻOku ʻAonga Aí (bsi08-2 p. 21-2 ¶8-10)

Tīs. 8 Lau Tohi Tapu: 1 Sione 1-5; 2 Sione 1-13; 3 Sione 1-14–Siutasi 1-25 Hiva 50

Tuʻunga ʻo e Leá: Fakahaaʻi ʻa e Founga Kuo Tokoniʻi Ai ʻe Sihova ʻa Hono Kakaí (be p. 269 ¶3-5)

Fika 1: Talateu ki he 1, 2 mo e 3 Sione mo e ʻUhinga ʻOku ʻAonga Aí (bsi08-2 p. 22-4 ¶1-5, 11-13; p. 24-5 ¶1-3, 5; p. 26 ¶1-3, 5)

Fika 2: 1 Sione 4:1-16

Fika 3: ʻOku Lelei ʻa e Lotu Kotoa Pē? (rs-E p. 149 ¶5-8)

Fika 4: e Siutasi—ʻUhinga ʻOku ʻAonga Aí (bsi08-2 p. 28 ¶8-10)

Tīs. 15 Lau Tohi Tapu: Fakahā 1-6 Hiva 219

Tuʻunga ʻo e Leá: Fakahaaʻi ʻa e Fiefia ʻi he Meʻa ʻOku Fai ʻe he ʻOtuá he Taimi Ní (be p. 270 ¶1–p. 271 ¶2)

Fika 1: Talateu ki he Fakahā (bsi08-2 p. 28-9 ¶1-6)

Fika 2: Fakahā 3:1-13

Fika 3: Ko e Faʻahinga “ʻOtua” Fēfē ʻa Sīsū? (rs-E p. 150 ¶1-2)

Fika 4: ʻUhinga ʻOku ʻi Ai Ai ʻa e Ngataʻanga ʻo e Anga-Kātakí mo e Mēsí

Tīs. 22 Lau Tohi Tapu: Fakahā 7-14 Hiva 21

Tuʻunga ʻo e Leá: Maʻu ʻAonga Kakato mei he Ako Fakafaifekau Fakateokalatí (be p. 5 ¶1–p. 8 ¶1)

Fika 1: Fakahā—ʻUhinga ʻOku ʻAonga Aí (bsi08-2 p. 30-1 ¶28-34)

Fika 2: Fakahā 8:1-13

Fika 3: Tali ki he Ngaahi Fakafepaki Fekauʻaki mo e Tui ki he ʻOtuá (rs-E p. 150 ¶3–p. 151 ¶3)

Fika 4: Ko e Hā ʻa e ʻUhinga ʻo e Kupuʻi Lea “ʻOku Lahi ʻa e ʻOtua ʻi Hotau Loto”? (1 Sione 3:20)

Tīs. 29 Lau Tohi Tapu: Fakahā 15-22 Hiva 60

Tuʻunga ʻo e Leá: Lautohi Tonu Matematē (be p. 83 ¶1–p. 84 ¶1)

Fakamanatu ʻo e Ako Fakafaifekau Fakateokalatí

[Fakamatala ʻi lalo]