Taimi-Tēpile ki he Fakataha Ngāué
Uike Kamata Siulai 14
10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 4 pe ko ha tuʻuaki kehe ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo ʻEpeleli-Sune mo e ʻĀ Hake! ʻo ʻEpeleli-Suné.
15 min: ʻE Lava Ke Ke Lea Tauʻatāina mo Loto-Toʻa? Malanga makatuʻunga ʻi he Taua Leʻo ʻo Mē 15, 2006, peesi 13-16. Fakamamafaʻi ʻa e mahuʻinga ʻo e malanga ʻi he loto-toʻá.
20 min: “Ko Hono Ako ʻa e Tohi Lotu ki he ʻOtua.” Malanga ke fai ʻe ha ʻovasia ako tohi. Fakahanga ʻa e tokangá ki he taimi-tēpile akó. ʻI he lāulea ki he palakalafi faá, fakakau ai ha fakamatala mei he tohi Ako Fakafaifekau, peesi 28, palakalafi 1, mo e peesi 70. Fakalototoʻaʻi ʻa e tokotaha kotoa ke maʻu maʻu pē ʻa e fakatahá pea kau kakato ʻi hono fai ha tali. Fakaʻekeʻeke nounou ha tokotaha malanga ʻe taha pe ua ʻa ia ʻokú na ʻiloa ʻi he teuteu lelei ki he ngaahi fakatahá, pea ʻeke ange kia kinaua pe ko e hā ʻokú ne ueʻi kinaua ke na fai peheé.
Uike Kamata Siulai 21
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ki he kau fanongó ke ʻomai ʻa e Taua Leʻo ʻo Siulai-Sepitemá mo e ʻĀ Hake! ʻo Siulai-Sepitemá ki he Fakataha Ngāue ʻo e uike hoko maí pea mateuteu ki he fetalanoaʻaki ʻi ha ngaahi tuʻuaki feʻungamālie ki he feituʻu fakalotofonuá.
15 min: Ngaahi fiemaʻu fakalotofonua.
20 min: “Ko e Teuteú—Ko ha Kī Ia ki he Ngaahi Toe ʻAʻahi Ola Leleí.”a Fakakau ai ha talanoa pē kia kita miniti ʻe fā ʻa ha tokotaha malanga ʻokú ne teuteu ki heʻene ngaahi toe ʻaʻahí. ʻOkú ne vakai ki heʻene ngaahi noutí pea fakapapauʻi ʻoku fiemaʻu ke ne ʻaʻahi ki ha toko ua ʻi he uiké ni. Pea ki he ongo ua taki taha ko ʻení, ʻokú ne fakakaukau ki he meʻa naʻá ne leaʻaki ki muʻá, fakapapauʻi ʻene taumuʻá, pea mateuteu ki he founga ke fakahoko ai ʻene taumuʻá. Ki he tokotaha, ʻokú ne mateuteu ke tuʻuaki ha ako Tohi Tapu. Ki he tokotaha ʻe tahá, ʻokú ne mateuteu ke fakatupulekina ʻa e mahuʻingaʻiá ʻaki hono ngāueʻaki ha fokotuʻu mei he palakalafi 5.
Uike Kamata Siulai 28
10 min: Ngaahi fanongonongo fakalotofonua. Fakamanatu ki he tokotaha kotoa ke ʻomai ʻenau līpooti ngāue fakamalanga ki Siulaí. Lau ʻa e fakamatala paʻangá pea fakamālōʻiaʻi ʻa e tokoni kuo faí. Lave ki he tohi ʻe tuʻuaki ʻi ʻAokosí, pea fakahāhā ha tuʻuaki ʻe taha.
15 min: Tauhi Maʻu ʻEtau Ongoʻi ʻo e Fakavavevavé. Malanga fakalotomāfana makatuʻunga ʻi he Taua Leʻo ʻo Tīsema 15, 2006, peesi 18-19, palakalafi 17-21.
20 min: Mateuteu ke Tuʻuaki ʻa e Ngaahi Makasini Lolotongá. Fetalanoaʻaki mo e kau fanongó. Hili hono fai ha fakamatala nounou ki he Taua Leʻo ʻo Siulai-Sepitemá mo e ʻĀ Hake! ʻo Siulai-Sepitemá, ʻeke ki he kau fanongó pe ko fē ʻa e ngaahi kupu ʻe fakamānako nai ki he kakai ʻi he feituʻu ngāué pea ko e hā hono ʻuhingá. Fakaafeʻi ʻa e kau fanongó ke nau lave ki ha ngaahi poini pau ʻi he ngaahi kupu ʻoku nau palani ke fakaʻaliʻalí. Ko e hā ʻa e fehuʻi ʻe lava ke ʻeke ke kamata ai ha fetalanoaʻakí? Ko e konga Tohi Tapu fē leva ʻi he kupú ʻe lava ke laú? ʻI hono ngāueʻaki ha taha ʻo e sīpinga tuʻuaki mei he ʻEtau Ngāue Fakafaifekau ʻo e Puleʻanga pe ko ha tuʻuaki naʻe fokotuʻu mai ʻe he kau fanongó, fakahāhā ʻa e founga ʻe tuʻuaki nai ai ʻa e makasini taki taha.
Uike Kamata ʻAokosi 4
10 min: Ngaahi fanongonongo fakalotofonua.
15 min: ʻOku Mateuteu Hoʻo Fānaú ki Honau Feituʻu Ngāue Makehé? Malanga mo e fetalanoaʻaki mo e kau fanongó. Fakamatalaʻi ʻa e niʻihi ʻo e ngaahi pole ʻoku fehangahangai mo e toʻutupu Kalisitiané ʻi he ʻapiakó. Fakamatalaʻi ʻa e founga ʻe ngāueʻaki nai ai ʻe he ngaahi mātuʻá mo ʻenau fānaú ʻa e Watch Tower Publications Index ke maʻu mei ai ha fakamatala ʻoku ʻaongá. ʻOatu ha ngaahi fakatātā. (Sio ki he ʻuluʻi kaveinga ko e “Schools,” ʻi he kaveinga tokoni ko e “experiences.”) Fakaafeʻi ʻa e faʻahinga ʻi he kau fanongó ʻa ia naʻe ʻohake ʻi ha fāmili Kalisitiané ke nau fakamatala ki he anga hono teuʻi kinautolu ʻe heʻenau ngaahi mātuʻá ke nau fehangahangai mo e ngaahi polé pea ngāueʻaki ʻa e ngaahi tefitoʻi moʻoni Fakatohitapú ʻi he ʻapiakó. Te nau lave nai ki ha līpooti fakaako naʻa nau faʻu mei he ngaahi kaveinga ʻi he ʻĀ Hake! ʻAi kinautolu ke nau fakamatala ki he hoko ko ha maluʻi ʻa ʻenau ngāueʻi ʻa honau feituʻu ngāue makehé.
20 min: “ʻOku Tau Holoki ʻa e Ngaahi Kolotau Mālohí.”b Fakaafeʻi ʻa e kau fanongó ke nau fakamatala ki he anga hono tokoniʻi anga-kātaki kinautolu ʻe heʻenau tokotaha faiako Tohi Tapú ke tuku ange atu ʻa e ngaahi tui fakalotu loí.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.