Taimi-Tēpile ki he Ako Fakafaifekau Fakateokalati Ki He 2009

NGAAHI FAKAHINOHINO

Lolotonga ʻa e 2009 ko e ngaahi fokotuʻutuʻu eni ki hono fai ʻo e Ako Fakafaifekau Fakateokalatí.

MAʻUʻANGA FAKAMATALÁ: Ko e Tohitapu Katoa (Pulusinga 1966) [pf], Ko e Taua Leʻo [w], Ako mei he Faiako Lahí [lr], mo e Reasoning From the Scriptures (Pulusinga 1989) [rs].

ʻOku totonu ke kamata TAIMI TONU ʻa e akó ʻaki ʻa e lea talitali pea hoko atu leva ʻo hangē ko ia ʻoku hā ʻi laló. ʻI he hili ʻa e konga taki taha, ʻe fakafeʻiloaki ʻe he ʻovasia akó ʻa e konga hono hokó.

MEʻA MAHUʻINGA MEI HE LAU TOHI TAPÚ: Miniti ʻe 10. ʻI he ʻuluaki miniti ʻe faá, ʻoku totonu ke lāulea ai ha mātuʻa pe ko ha sevāniti fakafaifekau taau ki he ngaahi poini Fakatohitapu mei he lau Tohi Tapu fakauiké. Ko e meʻa pē ʻe kehe ai ení ko e taimi ko ia ʻoku kamata ai ʻa e lau Tohi Tapu fakauiké ʻaki ʻa e ʻuluaki vahe ʻo ha tohi. ʻI he taimi peheé, ko e fakamatala ki he ʻuluaki miniti ʻe faá ʻoku totonu ke toʻo ia mei he kupu ʻi he Taua Leʻo ko e “ʻOku Moʻui ʻa e Folofola ʻa Sihová” ʻa ia naʻe kamata ʻi he ʻīsiu ʻo Sanuali 1, 2004. Ko e fakatātaá, ko e ʻuluaki vahe ʻe nima ʻo e tohi Senesí ʻe lāulea ki ai ʻi he uike ʻo Sanuali 5, ko ia ʻoku totonu ke fili ʻe he tokotaha malangá ha ngaahi poini tefito mei he tohi Senesí hangē ko ia ʻoku hā ʻi he kupú. ʻOku totonu ke ne ngāueʻaki ʻa e fakamatalá ʻi ha founga ʻa ia ʻe ʻaonga ki he fakatahaʻangá. ʻI he fetalanoaʻaki ʻi he lau Tohi Tapu fakauiké pe ngaahi poini mei he kupu “ʻOku Moʻui ʻa e Folofola ʻa Sihová,” ko e taumuʻa tefitó ke tokoniʻi ʻa e kau fanongó ke nau mahinoʻi ʻa e ʻuhinga pea mo e founga ʻoku mahuʻinga ai ʻa e fakamatalá. ʻOku totonu ke tokanga ʻa e tokotaha malangá ke ʻoua ʻe fakalaka ʻi he miniti ʻe fā ʻoku fakaʻatā ki he konga kamatá. ʻOku totonu ke ne fakapapauʻi ʻoku tuku ʻa e miniti ʻe onó ke fai ai ʻe he kau fanongó ha fakamatala nounou sekoni ʻe 30 pe siʻi ange ai ki he meʻa naʻa nau mahuʻingaʻia ai ʻi he lau Tohi Tapu fakauiké. ʻE toki tukuange atu leva ʻe he ʻovasia akó ʻa e kau ako ʻoku vaheʻi ki he loki ako kehé.

KONGA FIKA 1: Miniti ʻe 4 pe siʻi ange ai. Ko e lautohi eni ke fai ʻe ha tokoua. ʻOku totonu ke lau ʻe he tokotaha akó ʻa e fakamatala kuo vaheʻí ʻo ʻikai fai ha talateu pe ko ha fakamulituku. ʻE tautefito ʻa e tokanga ʻa e ʻovasia akó ki hono tokoniʻi ʻa e kau akó ke nau lautohi fakataha mo e mahino, pōtoʻi, fakamamafaʻi totonu ʻa e ʻuhingá, fetūkuaki ʻo e leʻó, mālōlō feʻungamālie mo fakanatula.

KONGA FIKA 2: Miniti ʻe 5. ʻE vaheʻi eni ki ha tuofefine. ʻE ʻoange ki he tokotaha akó ha fokotuʻutuʻu pe te ne fili nai ha taha mei he lisi ʻoku hā ʻi he peesi 82 ʻo e tohi Maʻu ʻAonga mei he Ako Fakafaifekau Fakateokalatí. ʻOku totonu ke ngāueʻaki ʻa e kaveinga kuo vaheʻí pea ngāueʻaki ia ki ha tafaʻaki ʻo e ngāue fakamalangá ʻa ia ʻoku ʻi ha tuʻunga moʻoni mo ʻaonga ki he feituʻu ngāue fakalotofonuá. ʻI he ʻikai fakahaaʻi ha maʻuʻanga fakamatalá, ʻe fiemaʻu ai ki he tokotaha akó ke ne tānaki mai ha fakamatala ki he konga ko ení ʻaki hono fai ha fekumi ʻi heʻetau ngaahi tohí. Ko e ʻovasia akó ʻe tokanga ia tautefito ki he founga ʻo hono fakahoko ʻe he tokotaha akó ʻa e fakamatalá mo e founga ʻo ʻene tokoniʻi ʻa ʻene tokotaha-ʻapí ke fakaʻuhinga ʻi he Tohi Tapú pea mahinoʻi ʻa e ngaahi poini tefito ʻo e malangá. ʻE vaheʻi ʻe he ʻovasia akó ha tokotaha tokoni.

KONGA FIKA 3: Miniti ʻe 5. ʻE vaheʻi nai eni ki ha tokoua pe ko ha tuofefine. ʻOku totonu ke fakatupulekina ʻe he tokotaha akó ʻa e kaveinga kuo vaheʻí. ʻI he ʻikai fakahaaʻi ha maʻuʻanga fakamatalá, ʻe fiemaʻu ai ki he tokotaha akó ke ne tānaki mai ha fakamatala ki he konga ko ení ʻaki hono fai ha fekumi ʻi heʻetau ngaahi tohí. ʻI hono vaheʻi ki ha tokouá, ko e konga ko ení ʻoku totonu ke fai ia ko ha malanga fakataha mo e fakakaukau ki he kau fanongo ʻi he Fale Fakatahaʻangá. ʻI hono ʻoange ki ha tuofefine ʻa e konga ko ení, ʻoku totonu ke fakahoko maʻu pē ia ʻo hangē ko e fokotuʻutuʻu ki he Konga Fika 2. Kātaki ʻo fakatokangaʻi ko e ngaahi kaveinga ʻoku tuʻu ai ʻa e fakaʻilonga foʻi fetuʻú ʻoku totonu ke vaheʻi maʻu pē ia ki he fanga tokouá ke nau fai ia ko e ngaahi malanga, pea kapau ʻoku tokolahi feʻunga ʻa e kau mātuʻá mo e sevāniti fakafaifekaú, ʻoku totonu ke ngāueʻaki kinautolu.

AKONAKI: Miniti ʻe 1-2. ʻE ʻikai ke fanongonongo ki muʻa ʻe he ʻovasia akó ʻa e tuʻunga ʻo e lea ʻoku ngāue ki ai ʻa e tokotaha akó. Hili ʻa e Konga Fika 1, 2 mo e Fika 3, ʻe fai ʻe he ʻovasia akó ha fakamatala lelei ki ha tafaʻaki ʻo e malangá ʻa ia naʻe taau ke fakaongoongoleleiʻí, ʻo tohoakiʻi ʻa e tokangá ki he ngaahi ʻuhinga naʻe ola lelei aí pea toutou lave ki he tohi Ako Fakafaifekaú. Fakatatau ki he meʻa ʻoku fiemaʻu ki he tokotaha ako taki taha, ʻe fai nai fakafoʻituitui ha akonaki lahi ange hili ʻa e fakatahá pe ʻi ha taimi kehe, ki ha meʻa ke fakaleleiʻi.

TAIMI: ʻOku ʻikai totonu ke ʻovataimi ha konga, pea pehē foki ki he fakamatala ʻa e faiakó. Ko e Konga Fika 1, 2 mo e Fika 3 ʻoku totonu ke taʻofi fakapotopoto ia ʻi he ʻosi ʻa e taimí. Kapau ʻe ʻovataimi ʻa e fanga tokoua ʻoku nau fai ʻa e malanga ʻi he meʻa mahuʻinga mei he lau Tohi Tapú, ʻoku totonu ke fai ha akonaki fakafoʻituitui kia kinautolu. ʻOku totonu ke siofi tokanga ʻe he tokotaha kotoa ʻenau taimí. Polokalamá fakakātoa: Miniti ʻe 30.

FOOMU AKONAKI: ʻI he tohi Ako Fakafaifekaú.

FAIAKONAKI TOKONÍ: Ko e kulupu ʻo e kau mātuʻá te nau fili nai ha mātuʻa pōtoʻi, kapau ʻoku ala maʻu ha taha ʻo tānaki atu ki he ʻovasia akó, ke ne fakahoko ʻa e ngāue ko ha faiakonaki tokoni. Kapau ʻoku tokolahi ʻa e kau mātuʻa ʻi he fakatahaʻangá, ʻe lava ke tokangaʻi leva ʻe ha mātuʻa taau kehe ʻa e ngāue ko ení ʻi he taʻu taki taha. Ko e fatongia ʻo e faiakonaki tokoní ke fai ha akonaki fakafoʻituitui, kapau ʻe fiemaʻu, ki he fanga tokoua ʻoku nau fakahoko ʻa e meʻa mahuʻinga mei he lau Tohi Tapú. ʻOku ʻikai fiemaʻu ia ke ne fai ha akonaki ʻi he hili ʻa e ngaahi malanga taki taha ko ia ʻa e kaungā mātuʻá pe kau sevāniti fakafaifekaú.

FAKAMANATU ʻO E AKO FAKAFAIFEKAU FAKATEOKALATÍ: Miniti ʻe 20. ʻI he māhina ʻe ua kotoa pē, ʻe fai ai ʻe he ʻovasia akó ha fakamanatu. ʻE muʻomuʻa ai ʻa e lāulea ki he meʻa mahuʻinga mei he lau Tohi Tapú hangē ko ia ʻoku fakahaaʻi ʻi ʻolungá. Ko e fakamanatú ʻe makatuʻunga ia ʻi he fakamatala naʻe lāulea ki ai ʻi he akó lolotonga ʻa e māhina ʻe ua ki muʻá, ʻo kau ai ʻa e uike lolotongá. Kapau ʻoku fai ha ʻasemipilī fakasēketi pe ʻaʻahi atu ʻa e ʻovasia sēketí ki hoʻo fakatahaʻangá ʻi he uike Fakamanatu ʻo e Ako Fakafaifekau Fakateokalatí, ko e fakamanatú leva ʻoku totonu ke toloi ia ʻi he uike ʻe taha pea ko e Konga Fika 1, 2 mo e Fika 3 ʻo e taimi-tēpile ʻo e uike hokó ʻoku totonu ke ngāueʻaki ia. ʻOku ʻikai totonu ke fai ha ngaahi liliu ki he taimi-tēpile ʻo e lau Tohi Tapu fakauiké pe ko hono fakahoko ʻo e meʻa mahuʻinga mei he lau Tohi Tapú.

TAIMI-TĒPILE

San. 5 Lau Tohi Tapu: Senesi 1-5

Fika 1: Senesi 3:1-15

Fika 2: ʻUhinga Naʻe Hoko Ai ʻa Sīsū ko ha Faiako Lahí (lr vahe 1)

Fika 3: Ko e Hā e Meʻa ʻOku ʻIkai ko e Laufānoó? (1 Kol. 15:58)

San. 12 Lau Tohi Tapu: Senesi 6-10

Fika 1: Senesi 9:1-17

Fika 2: Tali ki he Ngaahi Fakafepaki Fekauʻaki mo e Tui ki he ʻOtuá (rs-E p. 150 ¶3–p. 151 ¶3)

Fika 3: Ko ha Tohi mei ha ʻOtua ʻOfa (lr vahe 2)

San. 19 Lau Tohi Tapu: Senesi 11-16

Fika 1: Senesi 14:1-16

Fika 2: Ko e Tokotaha Naʻá Ne Ngaohi ʻa e Meʻa Kotoa Pē (lr vahe 3)

Fika 3: ʻOku Anga-Fēfē Hono Fakafuo Kitautolu ʻe Sihová? (Ai. 64:8)

San. 26 Lau Tohi Tapu: Senesi 17-20

Fika 1: Senesi 17:1-17

Fika 2: ʻUhinga Kuo ʻIkai Malava Ai ʻe he Tangatá ke Fokotuʻu ha Puleʻanga Faitotonú (rs-E p. 152-153 ¶1)

Fika 3: ʻOku ʻI Ai ha Hingoa ʻo e ʻOtuá (lr vahe 4)

Fep. 2 Lau Tohi Tapu: Senesi 21-24

Fika 1: Senesi 22:1-18

Fika 2: ‘Ko Hoku ʻAló Eni’ (lr vahe 5)

Fika 3: a Ngaahi Founga ʻe Lava Ke Tau Fano Atu Ai ʻi Heʻetau ʻOfa ki he Niʻihi Kehé (2 Kol. 6:11-13)

Fep. 9 Lau Tohi Tapu: Senesi 25-28

Fika 1: Senesi 25:1-18

Fika 2: Naʻe Ngāue ʻa e Faiako Lahí Maʻá e Kakai Kehé (lr vahe 6)

Fika 3: ʻUhinga Heʻikai Lavameʻa Ai ʻa e Ngaahi Feinga ʻa e Tangatá ke ʻOmai ʻa e Fakafiemālié (rs-E p. 153 ¶2–p. 154 ¶2)

Fep. 16 Lau Tohi Tapu: Senesi 29-31

Fika 1: Senesi 29:1-20

Fika 2: ʻUhinga ʻOku Totonu Ai ke ‘ʻOua Te Tau Lotomoʻuá’ (Mt. 6:25)

Fika 3: ʻOku Maluʻi Koe ʻe he Talangofuá (lr vahe 7)

Fep. 23 Lau Tohi Tapu: Senesi 32-35

Fakamanatu ʻo e Ako Fakafaifekau Fakateokalatí

Mas. 2 Lau Tohi Tapu: Senesi 36-39

Fika 1: Senesi 39:1-16

Fika 2: ʻOku Māʻolunga Ange ʻa e Niʻihi Kehé ʻia Kitaua (lr vahe 8)

Fika 3: Puleʻanga ʻo e ʻOtuá—Ko e Fakaleleiʻanga Pē Taha ki he Ngaahi Fiemaʻu Moʻoni ʻa e Tangatá (rs-E p. 154 ¶3–p. 155 ¶1)

Mas. 9 Lau Tohi Tapu: Senesi 40-42

Fika 1: Senesi 40:1-15

Fika 2: ʻOku Fiemaʻu Ke Ta Talitekeʻi ʻa e Ngaahi ʻAhiʻahí (lr vahe 9)

Fika 3: b Tokanga Fekauʻaki mo ha Laumālie Faʻifaʻiteliha!

Mas. 16 Lau Tohi Tapu: Senesi 43-46

Fika 1: Senesi 44:1-17

Fika 2: Mālohi Ange ʻa Sīsū ʻi he Kau Tēmenioó (lr vahe 10)

Fika 3: Kuo Fakamoʻoniʻi ʻOku Alafalalaʻanga Fakaʻaufuli ʻa e Ngaahi Kikite ʻi he Tohi Tapú (rs-E p. 155 ¶2-5)

Mas. 23 Lau Tohi Tapu: Senesi 47-50

Fika 1: Senesi 48:1-16

Fika 2: ʻOku Totonu Ke Tau Manavahē ki he Tēvoló?

Fika 3: Tokoni mei he Kau ʻĀngelo ʻa e ʻOtuá (lr vahe 11)

Mas. 30 Lau Tohi Tapu: Ekisoto 1-6

Fika 1: Ekisoto 1:1-19

Fika 2: ʻOku Akoʻi Kitaua ʻe Sīsū Ke Ta Lotu (lr vahe 12)

Fika 3: Ko e Fakamoʻui Mahaki he ʻAho Ní ʻOku Faiʻaki ʻa e Laumālie ʻo e ʻOtuá? (rs-E p. 156-157 ¶3)

ʻEp. 6 Lau Tohi Tapu: Ekisoto 7-10

Fika 1: Ekisoto 9:1-19

Fika 2: Faʻahinga Naʻa Nau Hoko ko e Kau Ākonga ʻa Sīsuú (lr vahe 13)

Fika 3: c ʻE Lava Fēfē Ke Tau Fakafehoanaki ʻa e Kaletia 6:2 mo e Kaletia 6:5?

ʻEp. 13 Lau Tohi Tapu: Ekisoto 11-14

Fika 1: Ekisoto 12:21-36

Fika 2: ʻUhinga ʻOku Totonu Ke Ta Fakamolemole Aí (lr vahe 14)

Fika 3: Faikehekehe ʻo e Fakamoʻui Mahaki ʻa Sīsū mo ʻEne Kau ʻApositoló pea mo Ia ʻi he ʻAho Ní (rs-E p. 157 ¶4–p. 158 ¶2)

ʻEp. 20 Lau Tohi Tapu: Ekisoto 15-18

Fika 1: Ekisoto 15:1-19

Fika 2: Ko e Hā ʻOku Kau ʻi he Fakaʻehiʻehi mei he Lotu Loí?

Fika 3: Ko ha Lēsoni ʻi he Hoko ʻo Anga-Leleí (lr vahe 15)

ʻEp. 27 Lau Tohi Tapu: Ekisoto 19-22

Fakamanatu ʻo e Ako Fakafaifekau Fakateokalatí

Mē 4 Lau Tohi Tapu: Ekisoto 23-26

Fika 1: Ekisoto 24:1-18

Fika 2: Ko e Hā ʻOku Mahuʻinga Moʻoní? (lr vahe 16)

Fika 3: Founga Hono ʻIloʻi he ʻAhó Ni ʻa e Kau Kalisitiane Moʻoní (rs-E p. 158 ¶3–p. 159 ¶1)

Mē 11 Lau Tohi Tapu: Ekisoto 27-29

Fika 1: Ekisoto 29:1-18

Fika 2: Ko e Founga ke Fiefia Aí (lr vahe 17)

Fika 3: d Mateaki Fokotuʻu ʻi he Meʻa Halá mo Hono Ngaahi Fakatuʻutāmakí

Mē 18 Lau Tohi Tapu: Ekisoto 30-33

Fika 1: Ekisoto 31:1-18

Fika 2: ʻUhinga Naʻe Foaki Ai ʻi he ʻUluaki Senitulí ʻa e Ngaahi Meʻaʻofa ʻo e Fakamoʻui Mahakí (rs-E p. 159 ¶2–p. 160 ¶2)

Fika 3: ʻOkú Ke Manatuʻi ke Lea Fakamālō? (lr vahe 18)

Mē 25 Lau Tohi Tapu: Ekisoto 34-37

Fika 1: Ekisoto 37:1-24

Fika 2: ʻOku Tonu ke Fuhu? (lr vahe 19)

Fika 3: e Ko e Hā ʻa e Fakangofua Tavale, pea ko e Hā ʻOku Totonu Ai Ke Tau Fakaʻehiʻehi mei Aí?

Sune 1 Lau Tohi Tapu: Ekisoto 38-40

Fika 1: Ekisoto 40:1-19

Fika 2: ʻOkú Ke Loto Maʻu Pē Ke Ke Muʻomuʻa? (lr vahe 20)

Fika 3: Ko e Hā ʻa e ʻAmanaki ki he Fakamoʻui Moʻoni ki he Faʻahinga Kotoa ʻo e Tangatá? (rs-E p. 160 ¶3-5)

Sune 8 Lau Tohi Tapu: Livitiko 1-5

Fika 1: Livitiko 4:1-15

Fika 2: ʻOku Totonu Ke Ta Pōlepole ʻi ha Meʻa? (lr vahe 21)

Fika 3: f ʻOku Totonu ke Fēfē Hono Ngāueʻaki ʻe he Kau Kalisitiané ʻa e Mafaí?

Sune 15 Lau Tohi Tapu: Livitiko 6-9

Fika 1: Livitiko 8:1-17

Fika 2: ‘ʻOkú Ke Tui ki he Fakamoʻui Mahakí?’ (rs-E p. 160 ¶6–p. 161 ¶1)

Fika 3: ʻUhinga ʻOku ʻIkai Totonu Ai Ke Ta Loí (lr vahe 22)

Sune 22 Lau Tohi Tapu: Livitiko 10-13

Fika 1: Livitiko 11:29-45

Fika 2: Ko e ʻUhinga ʻOku Hoko Ai ʻo Puke ʻa e Kakaí (lr vahe 23)

Fika 3: Ngaahi Tāpuaki ʻOku Maʻu ʻe he Kau Ākonga Papitaisó

Sune 29 Lau Tohi Tapu: Livitiko 14-16

Fakamanatu ʻo e Ako Fakafaifekau Fakateokalatí

Siu. 6 Lau Tohi Tapu: Livitiko 17-20

Fika 1: Livitiko 19:1-18

Fika 2: Naʻa Tau Moʻui Kotoa ʻi he Nofoʻanga Laumālié ki Muʻa ʻi Hotau Fanauʻi Mai ko e Tangatá? (rs-E p. 161 ¶2–p. 162 ¶3)

Fika 3: ʻOua ʻAupito Te Ke Hoko ko ha Kaihaʻa! (lr vahe 24)

Siu. 13 Lau Tohi Tapu: Livitiko 21-24

Fika 1: Livitiko 22:17-33

Fika 2: ʻE Lava ke Liliu ʻa e Faʻahinga ʻOku Faikoví? (lr vahe 25)

Fika 3: Founga Hono Fakahāhā ʻe he Kau Kalisitiane Moʻoní ʻa e Tokanga ki he Masivá

Siu. 20 Lau Tohi Tapu: Livitiko 25-27

Fika 1: Livitiko 25:39-54

Fika 2: ʻUhinga ʻOku Faingataʻa Ai ke Faileleí (lr vahe 26)

Fika 3: Kapau Ne ʻIkai Faiangahala ʻa ʻĀtama, Ne Mei ʻAlu ki Hēvani? (rs-E p. 162 ¶4-5)

Siu. 27 Lau Tohi Tapu: Nomipa 1-3

Fika 1: Nomipa 3:1-20

Fika 2: ʻUhinga ʻOku Fiemaʻu Ai ki he Anga-Maluú ʻa e Mapuleʻi-Kitá

Fika 3: Ko Hai Ho ʻOtuá? (lr vahe 27)

ʻAo. 3 Lau Tohi Tapu: Nomipa 4-6

Fika 1: Nomipa 4:1-16

Fika 2: Founga ke ʻIlo Ai ʻa e Tokotaha ke Talangofua ki Aí (lr vahe 28)

Fika 3: ʻE Pau ke ʻAlu ha Tokotaha ki Hēvani ke Maʻu Ai ha Kahaʻu Fiefia Moʻoni? (rs-E p. 163 ¶1-3)

ʻAo. 10 Lau Tohi Tapu: Nomipa 7-9

Fika 1: Nomipa 9:1-14

Fika 2: ʻOku Leleiʻia ʻa e ʻOtuá ʻi he Ngaahi Paati Kotoa Pē? (lr vahe 29)

Fika 3: Ngaahi Founga ʻOku Tau Fakahāhā Ai ʻa e Mateaki kia Sihová

ʻAo. 17 Lau Tohi Tapu: Nomipa 10-13

Fika 1: Nomipa 13:17-33

Fika 2: Tokoni ke Ikuʻi Ai ʻEta Ilifiá (lr vahe 30)

Fika 3: Ko e Hā e ʻUhinga ʻo e 1 Pita 3:19, 20? (rs-E p. 163 ¶4)

ʻAo. 24 Lau Tohi Tapu: Nomipa 14-16

Fika 1: Nomipa 14:26-43

Fika 2: ʻOku ʻUhinga ki he Hā ʻa e ʻOfa ki he Lao ʻa e ʻOtuá? (Sāme 119:97)

Fika 3: Feituʻu ke Maʻu Ai ʻa e Fakafiemālié (lr vahe 31)

ʻAo. 31 Lau Tohi Tapu: Nomipa 17-21

Fakamanatu ʻo e Ako Fakafaifekau Fakateokalatí

Sep. 7 Lau Tohi Tapu: Nomipa 22-25

Fika 1: Nomipa 22:20-35

Fika 2: Founga Naʻe Maluʻi Ai ʻa Sīsuú (lr vahe 32)

Fika 3: Ko e Hā e ʻUhinga ʻo e 1 Pita 4:6? (rs-E p. 163 ¶5)

Sep. 14 Lau Tohi Tapu: Nomipa 26-29

Fika 1: Nomipa 27:1-14

Fika 2: Ko e Hā ʻa e Fakatonutonu-Fakaʻatamai, pea ko e Hā ʻOku Mahuʻinga Aí? (Ef. 6:4, NW)

Fika 3: ʻOku Malava ke Maluʻi Kitaua ʻe Sīsū (lr vahe 33)

Sep. 21 Lau Tohi Tapu: Nomipa 30-32

Fika 1: Nomipa 32:1-15

Fika 2: Ko e Hā ʻe Hokó Kapau Te Ta Mate? (lr vahe 34)

Fika 3: Ko e Moʻui Fakahēvaní ʻa e ʻAmanaki ki he Kau Kalisitiane Kotoa Pē? (rs-E p. 164 ¶1-3)

Sep. 28 Lau Tohi Tapu: Nomipa 33-36

Fika 1: Nomipa 33:1-23

Fika 2: ʻOku Malava Ke Ta ʻĀ Hake mei he Maté! (lr vahe 35)

Fika 3: Ngaahi Founga ʻOku Māʻolunga Ange Ai ʻa e Puleʻanga ʻo e ʻOtuá ʻi he Kotoa ʻo e Founga-Pule Fakaetangatá

ʻOka. 5 Lau Tohi Tapu: Teutalonome 1-3

Fika 1: Teutalonome 2:1-15

Fika 2: Ko e Hā e Lau ʻa e “Fuakava Foʻoú” Fekauʻaki mo e Moʻui Taʻengata ʻi he Māmaní? (rs-E p. 165 ¶1–p. 166 ¶2)

Fika 3: Ko Hai ʻe Fokotuʻu Haké? Ko Fē Te Nau Moʻui Aí? (lr vahe 36)

ʻOka. 12 Lau Tohi Tapu: Teutalonome 4-6

Fika 1: Teutalonome 4:15-28

Fika 2: Manatuʻi ʻa Sihova mo Hono ʻAló (lr vahe 37)

Fika 3: Ko Fē Taimi ʻOku Lava Ai ke Pehē ʻOku Lelei Ange ʻa e Meʻa ʻOku Siʻí? (Pal. 15:16)

ʻOka. 19 Lau Tohi Tapu: Teutalonome 7-10

Fika 1: Teutalonome 9:1-14

Fika 2: ʻUhinga ʻOku Totonu Ai Ke Ta ʻOfa ʻia Sīsuú (lr vahe 38)

Fika 3: Ko e Toko Fiha ʻOku Tuku ki Ai ʻe he Tohi Tapú ʻa e ʻAmanaki ki he Moʻui Fakahēvaní? (rs-E p. 166 ¶3-4)

ʻOka. 26 Lau Tohi Tapu: Teutalonome 11-13

Fakamanatu ʻo e Ako Fakafaifekau Fakateokalatí

Nōv. 2 Lau Tohi Tapu: Teutalonome 14-18

Fika 1: Teutalonome 15:1-15

Fika 2: Ko e Hā ʻOku Kau ʻi he Manavahē ki he ʻOtuá?

Fika 3: ʻOku Manatuʻi ʻe he ʻOtuá ʻa Hono ʻAló (lr vahe 39)

Nōv. 9 Lau Tohi Tapu: Teutalonome 19-22

Fika 1: Teutalonome 22:1-19

Fika 2: Founga ke ʻAi Ai ke Fiefia ʻa e ʻOtuá (lr vahe 40)

Fika 3: Ko e Toko 144,000 ko e Kau Tupuʻi Siu Pē Kinautolu? (rs-E p. 166 ¶5–p. 167 ¶3)

Nōv. 16 Lau Tohi Tapu: Teutalonome 23-27

Fika 1: Teutalonome 25:1-16

Fika 2: Fānau ʻOku Nau ʻAi ke Fiefia ʻa e ʻOtuá (lr vahe 41)

Fika 3: g Ko e Hā ʻa e Ngaahi Meʻa ʻOku Totonu Ke Tau Vakai ki Ai ʻOku Toputapú?

Nōv. 23 Lau Tohi Tapu: Teutalonome 28-31

Fika 1: Teutalonome 30:1-14

Fika 2: ʻUhinga ʻOku Fiemaʻu Ai Ke Ta Ngāué (lr vahe 42)

Fika 3: Ko e Hā ʻa e ʻAmanaki Fakatohitapu ʻa e “Fuʻu Kakai Lahi”? (rs-E p. 167 ¶4–p. 168 ¶1)

Nōv. 30 Lau Tohi Tapu: Teutalonome 32-34

Fika 1: Teutalonome 32:1-21

Fika 2: Ko e Hā ʻa e “Aho Lahi o Jihova”? (Sef. 1:14, PM)

Fika 3: Ko Hai Hota Fanga Tokouá, Tuofāfiné pe Fanga Tuongaʻané? (lr vahe 43)

Tīs. 7 Lau Tohi Tapu: Siosiua 1-5

Fika 1: Siosiua 5:1-15

Fika 2: ʻOku Totonu ke ʻOfa Hota Ngaahi Kaumeʻá ki he ʻOtuá (lr vahe 44)

Fika 3: Ko e Hā ʻa e Puleʻanga ʻo e ʻOtuá? Founga ke Fakahā Ai ʻOkú Ta Fiemaʻu Iá (lr vahe 45)

Tīs. 14 Lau Tohi Tapu: Siosiua 6-8

Fika 1: Siosiua 8:1-17

Fika 2: Fakaʻauha ʻe he Vaí ha Māmani—ʻE Toe Hoko Ia? (lr vahe 46)

Fika 3: Ko e Hā ko ha Akonaki ʻAonga Ai ʻa e Koheleti 7:21, 22?

Tīs. 21 Lau Tohi Tapu: Siosiua 9-11

Fika 1: Siosiua 9:1-15

Fika 2: Founga ʻe Lava Ke Ta ʻIlo Ai ʻOku Ofi ʻa ʻĀmaketoné (lr vahe 47)

Fika 3: Māmani Foʻou Melino ʻa e ʻOtuá—ʻE Lava Ke Ke Moʻui Ai (lr vahe 48)

Tīs. 28 Lau Tohi Tapu: Siosiua 12-15

Fakamanatu ʻo e Ako Fakafaifekau Fakateokalatí

[Fakamatala ʻi lalo]