Taimi-Tēpile ki he Fakataha Ngāué
Uike Kamata Nōvema 10
10 min: Ngaahi fanongonongo fakalotofonua. Fakakau ai mo e fakamatala ʻa e ʻovasia ngāué ki he laka ki muʻa ʻa e fakatahaʻangá ʻi hono kāpui ʻa e feituʻu ngāué ʻi hono tufaki ʻa e tuleki Te Ke Saiʻia ke ʻIlo Lahi Ange ki he Tohi Tapú? Koeʻuhi kuo ʻosi tuʻuaki ʻe he kau malanga tokolahi ʻa e Taua Leʻo ʻo ʻOkatopa-Tīsema mo e ʻĀ Hake! ʻo ʻOkatopa-Tīsema, fakaafeʻi ha faʻahinga ʻi he kau fanongó ke nau fakamatala ki he anga ʻo ʻenau tuʻuaki ʻa e ongo makasiní ʻo maʻu ai ʻa e ngaahi ola lelei.
15 min: Fakatupulekina ha Laumālie Anga-ʻOfa mo Nima-Homo. Malanga ke fai ʻe ha mātuʻa ʻo makatuʻunga ʻi he Taua Leʻo ʻo Nōvema 15, 2008, peesi 6-7.
20 min: “ʻOku Tau Maʻu ʻa e Koloa Mahuʻinga ke Vahevahe Atu.”a ʻI he lāulea ki he palakalafi 2, fakaafeʻi ʻa e kau fanongó ke nau fakamatala ki ha moʻoni Fakatohitapu pau naʻe tohoakiʻi ai kinautolu ki he kautaha ʻa Sihová pe naʻa nau houngaʻia lahi ai talu mei heʻenau papitaisó.
Uike Kamata Nōvema 17
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Lau ʻa e “Ngāue Pēteli.”
15 min: Puha Fehuʻi.b
20 min: “ʻE Lava Ke Ke Hoko ko ha Faiako!”c Fakaʻekeʻeke ha tokotaha malanga pe ko ha tāimuʻa ʻa ia naʻá ne ikuʻi ʻa e ongoʻi taʻetaau ke fai ha ako Tohi Tapu. Naʻe anga-fēfē ʻene falala ki he tokoni ʻa Sihová? Ko e hā ʻa e ngaahi founga pau naʻe tokoniʻi ai ia ʻe he kautahá ke ne hoko ʻo tāú? Ko e hā ʻa e pale kuó ne hokosia mei heʻene kau ʻi he ngāue ako Tohi Tapú?
Uike Kamata Nōvema 24
10 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻia ʻa e tokoni kuo faí. Lave ki he tohi ʻe tuʻuaki ʻi Tīsemá, pea fakahāhā ha tuʻuaki ʻe taha pe ua.
20 min: Ngaahi fiemaʻu fakalotofonua.
15 min: Mateuteu ke Tuʻuaki ʻa e Taua Leʻo ʻo ʻOkatopa-Tīsema mo e ʻĀ Hake! ʻo ʻOkatopa-Tīsemá. Fai ha vakai nounou fakalūkufua ki he ongo makasiní, pea ʻeke ki he kau fanongó pe ko fē ʻa e ngaahi kupu ʻe fakamānako ange ʻi he feituʻu ngāue fakalotofonuá. Ko e hā ʻa e ngaahi fehuʻi mo e ngaahi konga Tohi Tapu ʻe lava ke ngāueʻaki ke fakafeʻiloaki ʻaki ʻa e ngaahi kupú? Fakahāhaaʻi ʻa e founga ʻe ngāueʻaki nai ai ʻa e sīpinga tuʻuaki mei he ʻEtau Ngāue Fakafaifekau ʻo e Puleʻanga. ʻAi ha taha ʻo e kau mātuʻá ke ne fakahāhā ha tuʻuaki nounou naʻá ne teuteu ʻo makatuʻunga ʻi ha kupu ʻe feʻunga ki he feituʻu ngāue fakalotofonuá.
Uike Kamata Tīsema 1
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Nōvemá.
15 min: Ngaahi hokosia fakalotofonua. Fakahā ki he fakatahaʻangá ʻa e lahi ʻo e feituʻu ngāue kuo kāpui ʻi hono tufaki ʻa e tuleki Te Ke Saiʻia ke ʻIlo Lahi Ange ki he Tohi Tapú? Fakaafeʻi ʻa e kau fanongó ke nau lave ki ha hokosia fakafiefia ʻi hono tufaki ʻa e tulekí pe ko hono ngāueʻaki ia ke kamata ha ngaahi ako Tohi Tapú. Lave foki ki he ngaahi hokosia fakalototoʻa fekauʻaki mo hono tuʻuaki ʻa e tohi Akoʻi ʻe he Tohi Tapú ʻi Nōvemá. ʻE fakatātaaʻi nai ha meʻa ʻe taha pe ua naʻe hokosia.
20 min: “Teuʻi ʻa e Faʻahinga Foʻoú Ke Nau Fehangahangai mo e Fakafepakí.”d ʻI he lāulea ki he palakalafi 2, lāulea nounou ki he founga ʻe tokoniʻi nai ai ʻa e kau ako Tohi Tapú ʻe he fakamatala mei he tohi Reasoning ʻi he kaveinga ko e “Jehovah’s Witnesses” ke tali ʻa e ngaahi fehuʻi mei he ngaahi kāinga mo e kaungāmeʻa ʻoku nau hohaʻa fekauʻaki mo e lotu ko iá.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
d Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.