Fakamanatu ʻo e Ako Fakafaifekau Fakateokalatí

Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻOkatopa 26, 2009.

1. Koeʻuhi naʻe tala ʻe Sihova kia Pēlami ke ne ʻalu mo e kau tangata ʻa Pēlakí, ko e hā naʻá ne houhau ai ʻia Pēlami ʻi heʻene ʻalu mo kinautolú? (Nom. 22:20-22) [w04 8/1 p. 27 pal. 2]

2. ʻOku anga-fēfē ʻa e hoko ʻa e ‘ʻikai makātakiʻi ʻe Fineasi ha fakafeʻauhi’ kia Sihová ke tau fakakaukauloto ai ki heʻetau fakatapui ki he ʻOtuá? (Nom. 25:11) [w95-E 3/1 p. 16 pal. 13]

3. Ko e hā naʻe fili ai ʻa Siosiua ke hoko ko e fetongi ʻo Mōsesé? (Nom. 27:15-19) [w02 12/1 p. 12 pal. 1]

4. ʻE lava fēfē nai ke hoko ʻo fakalototoʻa ʻa e Nomipa 31:27 ki he kau Kalisitiane he ʻaho ní? [w05 3/15 p. 24]

5. ʻI he ngaahi founga fē naʻe maʻu ʻaonga ai ʻa e kakai ʻIsilelí mei he fokotuʻutuʻu ʻo e ngaahi kolo hūfangá? (Nom. 35:11, 12) [br3 p. 7 pal. 17]

6. Ko e hā ko ha ʻulungaanga faka-Kalisitiane mahuʻinga ai ʻa e fakapotopotó, pea ko e hā ʻe tupu mei aí? (Teu. 1:13) [w03 1/15 30; w00 10/1 p. 32 pal. 1-3]

7. ʻI he ngaahi founga fē naʻe fakahaaʻi ai ʻi he Lao ʻa Mōsesé ʻa e māʻoniʻoni ʻo e ʻOtuá? (Teu. 4:8) [w02 6/1 p. 14 pal. 8–p. 15 pal. 9-10]

8. Fakamatalaʻi ʻa e founga totonu mo e founga hala ke ʻahiʻahiʻi ai ʻa Sihova, ʻi he fehoanaki mo e Teutalonome 6:16-18. [w04 9/15 p. 27 pal. 1]

9. Naʻe anga-fēfē hono fakalato ʻe he folofola ʻa Sihová ʻa e ngaahi fiemaʻu ʻa e kau ʻIsilelí, pea ʻe lava fēfē ke fafangaʻi kitautolu ʻe he ngaahi folofola ko iá ʻi he ʻahó ni? (Teu. 8:3) [w99 8/15 p. 25-26]

10. ʻOku anga-fēfē kaunga ʻa e Teutalonome 12:16, 24 ki heʻetau ngaahi founga fakafaitoʻo ʻoku kau ki ai ʻa hono ngāueʻaki ʻo hoto totó tonu? [w00 10/15 p. 30 pal. 7]