Taimi-Tēpile ki he Uike ʻo Sune 28
UIKE KAMATA SUNE 28
□ Ako Tohi Tapu ʻa e Fakatahaʻangá:
cl vahe 6 ¶16-21, puha ʻi he p. 65
□ Ako Fakafaifekau Fakateokalatí:
Lau Tohi Tapu: 1 Tuʻi 3-6
Fakamanatu ʻo e Ako Fakafaifekau Fakateokalatí
□ Fakataha Ngāué:
5 min: Fanongonongo.
15 min: Teuteu ke Tuʻuaki ʻa e Makasiní Lolotonga ʻa Siulai. Fetalanoaʻaki mo e kau fanongó. Vaheʻi ha miniti ʻe taha ki he ua ke fakamanatu ai ʻa e meʻa ʻi loto ʻi he ongo makasiní. Fili leva ha kupu ʻe ua pe tolu, pea fakaafeʻi ʻa e kau fanongó ke nau fokotuʻu mai ha ngaahi fehuʻi mo e konga Tohi Tapu ʻa ia ʻe lava ke ngāueʻaki ʻi ha tuʻuaki. Fakahāhā ʻa e founga ʻe tuʻuaki ʻaki nai ʻa e ʻīsiu taki taha. Fakaʻosiʻaki ha fakahāhā ʻe taha ʻo fakahaaʻi ai ʻa e founga ʻe kamata nai ʻaki ha ako Tohi Tapu ʻi he toe ʻaʻahí.—Sio ki he km 8/07 p. 3.
15 min: Akoʻi mei he Kei Valevalé. Fetalanoaʻaki mo e kau fanongó. Naʻe ʻiloa ʻa Tīmote ko ha ʻevangeliō faivelenga mo pōtoʻi. (Fili. 2:20-22) Naʻe tupu eni, ʻi ha tuʻunga, ʻi he fakavaʻe fakalaumālie naʻá ne maʻu mei heʻene faʻeé mo ʻene kui-fefiné ʻi he taimi naʻá ne kei valevale aí. (2 Tim. 1:5; 3:15) Ko e ngaahi fokotuʻu Fakatohitapu hokó ʻe tokoniʻi ai ʻa e ngaahi mātuʻá ke nau akoʻi ʻenau fānaú ke nau hoko ko e kau ʻevangeliō lelei. (1) ʻAve hoʻo tamá ʻi he ngāue fakafaifekaú ʻi he faingamālie vave taha ʻe ala lavá; akoʻi ia ke ne kau ki ai ʻo fakatatau ki hono taʻumotuʻá mo ʻene malavá. (Pal. 22:6) (2) Fokotuʻu ha faʻifaʻitakiʻanga lelei ʻi hono fakamuʻomuʻa ʻa e ngāue fakafaifekaú. (Fili. 1:9, 10) (3) Fakahūhū ʻa e ʻofa mo e houngaʻia ki he ngāue fakamalangá ʻi he lolotonga ʻa e Lotu Fakafāmilí pea ʻi he ngaahi taimi kehe. (Teu. 6:6, 7) (4) Fakahaaʻi ʻa e lelei ʻo e ngāue fakafaifekaú ʻi hoʻo fakakaukaú mo e leá. (Fili. 3:8; 4:8; 1 Tim. 1:12) (5) Kau fakafāmili maʻu pē ki ai, ʻo tōʻongaʻaki ʻa e ʻalu ʻi he ngāue fakafaifekaú. (Ng. 5:41, 42) (6) Feohi mo e faʻahinga ʻa ia ko e kau faifekau faivelengá. (Pal. 13:20) Fakaafeʻi ʻa e kau fanongó ke nau fakamatala ki he ngaahi meʻa pau naʻe fai ʻe heʻenau mātuʻá ke tokoniʻi kinautolu ke nau fakatupulekina ha ngāue fakafaifekau fakafiefia mo ola lelei.