Taimi-Tēpile ki he Uike ʻo Tīsema 9

UIKE KAMATA TĪSEMA 9

Hiva 25 mo e Lotu

□ Ako Tohi Tapu ʻa e Fakatahaʻangá:

bt vahe 7 ¶9-13, puha ʻi he p. 62 (30 min.)

□ Ako Fakafaifekau Fakateokalatí:

Lau Tohi Tapu: 1 Sio. 1-5; 2 Sio. 1-13; 3 Sio. 1-14–Sute 1-25 (10 min.)

Fika 1: 1 Sio. 5:1-21 (4 min. pe siʻi ai)

Fika 2: ʻOku Totonu ke Fēfē Hono Manatua ʻo Sīsū Kalaisí?—Luke 1:32, 33; Sione 17:3 (5 min.)

Fika 3: Lotu Tuku ʻa Sīsū ʻi he Loki ʻi ʻOlungá—gt vahe 116 ¶38-51 (5 min.)

□ Fakataha Ngāué:

Hiva 5

15 min: Ako Fakafaifekau Fakateokalati ki he 2014. Malanga ke fai ʻe he ʻovasia akó. Ngāueʻaki ʻa e ngaahi fakahinohino ki he Ako Fakafaifekau Fakateokalati ki he 2014, fetalanoaʻaki ʻi he ngaahi poini ʻe ʻaonga lahi ki he fakatahaʻanga fakalotofonuá. Fakamatalaʻi kapau ko e lau Tohi Tapú ʻoku kau ai ha vahe kamata ʻo ha tohi, ko e tokoua ʻokú ne fakahoko ʻa e meʻa mahuʻinga mei he Tohi Tapú ʻe ʻikai ke ne ngāueʻaki ʻa e fakamatala mei he polosiua “Potu Folofola Kotoa Pe.” Tānaki atu ki ai, ʻi he taimi ʻoku fakahoko ai ʻa e konga Fika 2 mei he ngaahi palakalafi ʻi he polosiua Ongoongo Lelei!, ko e ngaahi palakalafi pē ʻoku vaheʻi atú ko ia pē ʻe ngāue ki aí. Ko e Konga fika 3, ko e Ngaahi Kaveinga ki he Fetalanoaʻakí ʻoku hā ʻi he Liliu Tohi Tapu Māmani Foʻoú ʻoku totonu ke ngāueʻaki pē ia. ʻI he taimi ʻoku vaheʻi ai ʻa e ngaahi malanga ko ení ki ha tuofefine ko e kaveinga kuo vaheʻi ki aí ʻoku totonu ke ngāueʻaki mo fakahoko ia ʻi he ngāue fakamalangá ʻa ia ʻoku fehoanakimālie mo ʻaonga ki he feituʻu ngāue fakalotofonuá. Fakalototoʻaʻi kotoa ke nau tōtōivi ʻi hono fakahoko ʻenau ngaahi kongá, ʻi he poupou ki he ngaahi meʻa mahuʻinga mei he Tohi Tapú pea ngāueʻaki ʻa e ngaahi fokotuʻu ʻoku ʻomai fakauike ʻi he tohi Ako Fakafaifekau.

15 min: “Founga ke Teuteu Ai ha Lea Kamata Ola Lelei.” Fehuʻi mo e tali. Fokotuʻutuʻu ke fai hano fakahāhaaʻi ʻo ha lea kamata ʻe ua ki hono tuʻuaki ʻo e tohi Akoʻi ʻe he Tohi Tapú, ko e taha ʻoku ʻikai ola lelei mo e taha ʻoku ola lelei.

Hiva 23 mo e Lotu