Taimi-Tēpile ki he Uike ʻo Siulai 27

Hiva 12 mo e Lotu

Ako Tohi Tapu ʻa e Fakatahaʻangá:

fg Lēsoni 6 (30 min.)

Ako Fakafaifekau Fakateokalatí:

Lau Tohi Tapu: 1 Tuʻi 15-17 (8 min.)

Fika 1: 1 Tuʻi 15:16-24 (3 min. pe siʻi ai)

Fika 2: Ko Sihova ʻa e Tokotaha-Fakatupu Mālohi Fakaʻaufulí—igw p. 2 ¶4–p. 3 ¶1 (5 min.)

Fika 3: ʻOku Kamata Pule ʻa e Puleʻangá Lolotonga Ia ʻa e Kei Ngāue ʻa e Ngaahi Fili ʻo Kalaisí—td 30E (5 min.)

Fakataha Ngāué:

Kaveinga ʻo e Māhiná: ‘Mou ō ʻo ngaohi ākonga.’—Māt. 28:19, 20.

Hiva 32

10 min: ʻOkú Ke Fakaleleiʻi Hoʻo Pōtoʻi ʻi he Ngāue Fakafaifekaú? Fetalanoaʻaki. Fakamanatu ʻa e ʻuluaki palakalafi ʻo e ʻīsiu ʻo e Ko ʻEtau Ngāue Fakafaifekau ʻo Fepueli 2014 ʻa ia ʻoku fakahaaʻi ai ʻa e taumuʻa ʻo e ngaahi kupu hokohoko ʻo e “Fakaleleiʻi ʻEtau Pōtoʻi ʻi he Ngāue Fakafaifekaú.” Fakamanatu nounou ʻa e niʻihi ʻo e ngaahi kupu ki muʻá. Fakaafeʻi ʻa e kau fanongó ke nau lave ki ha ngaahi ʻaonga pau naʻa nau maʻu mei he ngaahi kupu hokohoko ko ení. Fakalototoʻaʻi ʻa e kau malangá ke nau tokanga makehe ki he pōtoʻi ʻoku fakahaaʻi ʻi he māhina taki taha ʻaki hono ngāueʻaki ʻa e ngaahi fokotuʻu ʻi he kaveinga tokoni “ʻAhiʻahiʻi Eni ʻi he Lolotonga ʻa e Māhiná.”

10 min: Ngāueʻaki ʻa e “Ko ha Talateu ki he Folofola ʻa e ʻOtuá”—ke Tokoniʻi Hoʻo Ako Tohi Tapú. Fetalanoaʻaki. Lāulea ki he founga ʻe lava ke tau ngāueʻaki ʻa e ngaahi konga ko ení ke tokoniʻi ʻetau kau ako Tohi Tapú ke nau ngāueleleiʻaki ʻa e Tohi Tapú: (1) “Founga ke Kumi Ai ʻa e Ngaahi Veesi ʻi he Tohi Tapú.” (2) Fehuʻi 19: “Ko e hā ʻoku ʻi loto ʻi he ngaahi tohi kehekehe ʻo e Tohi Tapú?” (3) Fehuʻi 20: “ʻE lava fēfē ke ke maʻu ha ʻaonga lahi mei hoʻo lau Tohi Tapú?” Fakakau ai ha fokotuʻutuʻu ke fai hano fakahāhaaʻi ʻe ha tokotaha malanga ʻokú ne lāulea ki he taha ʻo e ngaahi konga ko ení mo ʻene ako Tohi Tapú ʻi he hili ʻa e akó.

10 min: “Ko ʻEtau Puha Meʻangāue Fakafaiakó.” Fehuʻi mo e tali.

Hiva 43 mo e Lotu