Hokohoko Atu Hono Ngāueʻaki ʻa e Makasiní

Talu mei he 2018, ko e makasini taki taha ʻo e Taua Leʻo maʻá e kakaí ʻoku lave ki ha kaveinga pē ʻe taha. Ko e ngaahi makasini ko ení ko e konga ia ʻo ʻetau Puha Meʻangāue Fakafaiakó. Ko ia ʻoku lava ke tau ngāueʻaki ia ʻi he ngāue fakamalangá. Te tau faʻo nai ha makasini ʻi heʻetau ʻalu ki ha feituʻu pe fai ha fakatau. ʻOku tokoni ʻa e ngaahi makasini ko ení ke ueʻi ha taha ke ako lahi ange fekauʻaki mo e ʻOtuá, ka ʻoku ʻikai ke tau ngāueʻaki ia ke fakahoko ʻaki ha ako Tohi Tapu mo e kakaí.

Hili hono kamataʻi ha fetalanoaʻakí lau ha konga Tohi Tapu pea lave ki ha kaveinga ʻi ha makasini ʻoku fakamānako ki he tokotahá. Ko e fakatātā, kapau ʻokú ne ʻohake ha fāmili pe fekuki mo ha loto-mamahi pe loto-mafasia, te ke pehē nai: “Naʻá ku toki lau ha kupu ʻo fekauʻaki mo e kaveinga ko iá. Te ke saiʻia ke sio ai?” Kapau ʻokú ke ʻiloʻi ʻoku mahuʻingaʻia ʻa e tokotahá ʻe lava ke ke ʻoange kiate ia ha tatau ʻo e makasiní pe ʻīmeili ha tatau fakaʻilekitulōnika kiate ia, naʻa mo e ʻi he ʻuluaki ʻaʻahí. Neongo ʻoku ʻikai ko ʻetau taumuʻá ke tufa makasini pē, ʻe lava ke tokoniʻi kitautolu ʻe he ngaahi makasiní ke ʻiloʻi ʻa e faʻahinga ʻoku loto-lelei ke nau ngāueʻaki ʻa e meʻa ʻoku nau akó.​—Ngā. 13:48.

2018

2019

2020