MĒ 6-12
SAAME 36-37
Hiva 87 mo e Lotu | Lea Kamata (1 min.)
1. “ʻOua Naʻá Ke Loto-Mamahi Koeʻuhí ko e Kau Faikoví”
(10 min.)
Ko e kakai fulikivanú ʻoku nau fakatupunga ʻa e mamahi mo e faingataʻa kiate kitautolu (Saame 36:1-4; w17.04 10 ¶4)
Ko hono tukulotoʻi ʻa e ʻita ki he “kau faikoví” ʻoku fakatupu maumau foki ia kiate kitautolu (Saame 37:1, 7, 8; w22.06 10 ¶10)
Ko e falala ki he ngaahi talaʻofa ʻa Sihová ʻokú ne ʻomai ʻa e nonga kiate kitautolu (Saame 37:10, 11; w03 12/1 13-14 ¶20)
ʻEKE HIFO, ‘ʻOku ou fuʻu nōfoʻi ʻi he sio ʻi he ngaahi ongoongo ʻoku fakahaaʻi ai ʻa e ngaahi tōʻonga fulikivanú?’
2. Makakoloa Fakalaumālie
(10 min.)
Saame 36:6—Ko e hā nai naʻe ʻuhinga ki ai ʻa e tokotaha-tohi-sāmé ʻi heʻene pehē ko e māʻoniʻoni ʻa Sihová ʻoku hangē ia ha “ngaahi moʻunga fakangeingeiá [pe, “hangē ko e ngaahi moʻunga ʻo e ʻOtuá,” fkm. ʻi lalo]”? (it-2-E 445)
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?
3. Lau Tohi Tapu
(4 min.) Saame 37:1-26 (th ako 10)
4. Kamataʻi ha Fetalanoaʻaki
(3 min.) FALE KI HE FALE. (lmd lēsoni 1 poini 5)
5. Toe Foki
(4 min.) FOUNGA ʻIKAI ANGA-MAHENI. Tuʻuaki ha ako Tohi Tapu ki ha tokotaha naʻe ʻikai ke ne tali ia ki muʻa. (lmd lēsoni 9 poini 4)
6. Malanga
(5 min.) ijwbv 45—Kaveingá: Ko e Hā ʻa e ʻUhinga ʻo e Saame 37:4? (th ako 13)
Hiva 33
7. ʻOkú Ke Mateuteu ki he “Ngaahi Taimi Faingataʻá”?
(15 min.) Fetalanoaʻaki.
Ko e fanga tokoua mo e fanga tuofāfine takatakai ʻi he māmaní ʻoku nau fekuki mo e faingataʻa pea mo e mole koeʻuhí ko e ngaahi fakatamaki fakanatula mo fakatupu ʻe he tangatá. (Saame 9:9, 10) Ko e meʻa fakamamahí, ko hono moʻoní ko e “ngaahi taimi faingataʻá” ʻe lava ke hoko fakafokifā ia, ko ia ʻoku fiemaʻu ke tau hoko ʻo mateuteu kotoa ke fehangahangai mo e ngaahi ʻahiʻahi ko iá.
Tānaki atu ki he hoko ʻo mateuteu fakaesinó,a ko e hā ʻe lava ke ne tokoniʻi kitautolu ke fekuki mo e ngaahi fakatamakí ʻi heʻene hokó?
Mateuteu fakaeʻatamai: Mahinoʻi ko e ngaahi fakatamakí ʻe hoko, pea fakakaukau ki he meʻa ke fai ʻo kapau ʻe hoko ha fakatamaki. Fakaʻehiʻehi mei he hoko ʻo pipiki tōtuʻa ki he ngaahi koloa fakamatelié. ʻE tokoniʻi heni koe ke ke ngāue fakapotopoto mo fakavavevave, ʻo fakamuʻomuʻa ho tuʻunga malú mo hoʻo moʻuí ʻi hoʻo ngaahi koloá. (Sēn. 19:16; Saame 36:9) ʻE toe tokoniʻi ai koe ʻi he hili ʻa e hoko ha fakatamaki ke ke maʻu ʻa e ʻamanekina totonú pea ʻe fakasiʻisiʻi nai ai ʻa e mamahi fakaeongo ʻi he mole ʻa e ngaahi meʻa fakamatelié.—Saame 37:19
Mateuteu fakalaumālie: Fakatupulekina ʻa e falala ki he malava mo e holi ʻa Sihova ke tokangaʻi koé. (Saame 37:18) Ki muʻa ke hoko ha fakatamaki, fakamanatu maʻu pē kiate koe ʻe tataki mo poupouʻi ʻe Sihova ʻene kau sevānití neongo kapau ʻe aʻu ʻo tau hao pē nai mo ‘ʻetau moʻuí ko ha koloa vete.’—Sel. 45:5; Saame 37:23, 24
ʻI hono tauhi ʻa e ngaahi talaʻofa ʻa Sihová ke māʻalaʻala ʻi hotau ʻatamaí, ʻoku tau ʻai ai ia ko hotau “kolotaú ʻi he taimi ʻo e faingataʻá.”—Saame 37:39.
Huluʻi ʻa e VITIŌ ʻOkú Ke Mateuteu ki ha Fakatamaki? ʻEke leva ki he kau fanongó:
ʻE lava fēfē ke tokoniʻi kitautolu ʻe Sihova ʻi he lolotonga ʻa e ngaahi taimi faingataʻá?
Ko e hā ʻa e ngaahi sitepu ʻaonga ʻe lava ke tau fai ke mateuteu aí?
ʻE lava fēfē ke tau tokoni ki he niʻihi kuo uesia ʻe he fakatamakí?
8. Ako Tohi Tapu ʻa e Fakatahaʻangá
(30 min.) lff lēsoni 47
Lea Fakaʻosi (3 min.) |
a Sio ki he ʻĀ Hake! Fika 5 2017, peesi 4-6.