NŌVEMA 3-9

KOLOA MEI HE FOLOFOLA ʻA E ʻOTUÁ

1. Ko ha Talanoa ʻo e ʻOfa ʻOku ʻIkai Kaʻangá

(10 min.)

[Huluʻi ʻa e VITIŌ Talateu ʻo Hiva ʻo e Hivá.]

Naʻe fakahīkihikiʻi lahi ʻe Solomone ʻa e taʻahine Sūlemí pea talaʻofa kiate ia ha koloa fakamatelie lahi (Hiva. 1:9-11)

Ko e ʻofa ʻikai kaʻanga ʻa e taʻahine Sūlemí ʻi he tamasiʻi tauhi-sipí naʻá ne tokoniʻi ia ke nofoʻaki mateaki (Hiva. 2:16, 17; w15 1/15 30 ¶9-10)

ʻOku fakafisi ʻa e taʻahine Sūlemí ke tali ʻa e fakaafe ʻa Tuʻi Solomone ke ne ʻalu ange ki hono tēnití pea ʻokú ne sītuʻa kiate ia mo fakafehauaki hono nimá. Ko e toko tolu ʻo e kau sevāniti ʻa Solomoné ʻoku nau tuʻu ʻi muʻa ʻi he tēnití ʻo toʻo ha tauveli, pēsoni mo ha sioki.

FOKOTUʻU: ʻI hono lau ʻa e Hiva ʻa Solomoné, ngāueʻaki ʻa e “Fakanounou ʻo e Meʻa ʻi Lotó” ʻi he Liliu Tohi Tapu Māmani Foʻoú ke ʻiloʻi ʻa e tokotaha ʻoku leá.

2. Makakoloa Fakalaumālie

(10 min.)

Hiva. 2:7—Ko e hā ʻoku hoko ai ʻa e taʻahine Sūlemí ko ha faʻifaʻitakiʻanga lelei ki he kau Kalisitiane teʻeki malí? (w15 1/15 31 ¶11)

Ko hoʻo talí
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

Ko hoʻo talí

3. Lau Tohi Tapu

(4 min.) Hiva. 2:1-17 (th ako 12)

TOKANGATAHA KI HE NGĀUE FAKAMALANGÁ

4. Kamataʻi ha Fetalanoaʻaki

(3 min.) FALE KI HE FALE. Vahevahe ha moʻoni mei he fakamatala fakalahi A ʻo e polosiua ʻOfa ki he Kakaí. (lmd lēsoni 1 poini 3)

5. Toe Foki

(4 min.) FALE KI HE FALE. Vahevahe ha moʻoni mei he fakamatala fakalahi A ʻo e polosiua ʻOfa ki he Kakaí. (lmd lēsoni 9 poini 3)

6. Ngaohi Ākonga

(5 min.) lff lēsoni 18 talateu mo e poini 1-3 (th ako 8)

MOʻUI KO HA KALISITIANE

7. “Ko e Tokotaha Nima-Homó ʻe Faitāpuekina”

(15 min.) Fetalanoaʻaki ke fai ʻe ha mātuʻa.

ʻI heʻetau foaki nima-homo hotau taimí mo e koloá, ʻe maʻu ai ʻa e ngaahi tāpuaki lahi. Ko e moʻoni, ko e tokotaha ʻokú ne tali loto-houngaʻia ʻetau meʻaʻofá ʻokú ne vakai ki ai ko ha tāpuaki. Kae kehe, ʻoku toe tāpuakiʻi foki mo e tokotaha foaki nima-homó. (Pal. 22:9) ʻOku ʻikai ngata pē ʻi heʻene fiefia ʻi he faʻifaʻitaki ki he Tokotaha-Fakatupú ka ʻokú ne toe maʻu foki ʻa e hōifua ʻa Sihová.—Pal. 19:17; Sēm. 1:17.

Ko ha kiʻi taʻahine ʻokú ne lī ha paʻanga ki ha puha tokoni.

Ko ha tangata ʻokú ne ngāueʻaki ʻene tepiletí ke fokotuʻutuʻu ʻene tokoni fakamāhina ʻi he ʻinitanetí.

Huluʻi ʻa e VITIŌ Fiefia ʻi he Nima-Homó. ʻEke leva ki he kau fanongó:

Kuo anga-fēfē hokosia ʻe he faʻahinga ʻi he vitioó ʻa e fiefia koeʻuhi ko e nima-homo ʻa e fanga tokoua mo e fanga tuofāfine ʻi māmani lahí?

Ko hoʻo talí
Kuo anga-fēfē ʻenau toe hokosia ʻa e fiefia ʻi heʻenau foaki nima-homo ki he niʻihi kehé?

Ko hoʻo talí

8. Ako Tohi Tapu ʻa e Fakatahaʻangá

(30 min.) lfb lēsoni 32-33