TĪSEMA 8-14

KOLOA MEI HE FOLOFOLA ʻA E ʻOTUÁ

ʻOku hanga hake ʻa ʻAisea ki he langí ʻi heʻene pole ke hoko ko e tangata-lea ʻa e ʻOtuá.

1. “Ko Au Eni! Fekauʻi Au!”

(10 min.)

Naʻe pole ʻa ʻAisea ke ne hoko ko e tangata-lea ʻa e ʻOtuá ʻo ʻikai toe toumoua (ʻAi. 6:8; w17.04 29 ¶5)

Ko e vāhenga-ngāue ʻa ʻAiseá ʻe faingataʻa (ʻAi. 6:9, 10; ip-1 95 ¶15-16)

Ko e ngāue fakapalōfita ʻa ʻAiseá naʻá ne tomuʻa fakatātaaʻi ʻa e ngāue ʻe fai ʻe Sīsuú (Māt. 13:13-15; ip-1 99 ¶23)

ʻOku talaki ʻe ʻAisea ʻa e pōpoaki ʻa Sihová ki ha kau ʻIsileli ʻi ha feituʻu faiʻanga fakatau. Ko e kau ʻIsileli ʻe niʻihi ʻoku nau tukunoaʻi ia pea ko e niʻihi ʻoku nau mavahe fakaʻita.

KE FAKALAULAULOTO KI AI: ʻE lava fēfē ke u fakahāhā lahi ange ʻa e laumālie loto-lelei ke ngāué?

2. Makakoloa Fakalaumālie

(10 min.)

ʻAi. 7:3, 4—Ko e hā naʻe fakaaʻu atu ai ʻe Sihova ʻa e fakahaofí ki he tuʻi fulikivanu ko ʻĀhasí? (w06 12/1 9 ¶3)

Ko hoʻo talí
Ko e hā ʻa e makakoloa fakalaumālie naʻá ke ako mei he lau Tohi Tapu ʻo e uike ní?

Ko hoʻo talí

3. Lau Tohi Tapu

(4 min.) ʻAi. 8:1-13 (th ako 5)

TOKANGATAHA KI HE NGĀUE FAKAMALANGÁ

4. Kamataʻi ha Fetalanoaʻaki

(3 min.) FALE KI HE FALE. Vahevahe ha moʻoni mei he fakamatala fakalahi A ʻo e polosiua ʻOfa ki he Kakaí. (lmd lēsoni 4 poini 5)

5. Toe Foki

(4 min.) FALE KI HE FALE. Tuʻuaki ha ako Tohi Tapu. (lmd lēsoni 9 poini 3)

6. Toe Foki

(5 min.) FALE KI HE FALE. Fakahāhā ha ako Tohi Tapu. (lmd lēsoni 9 poini 5)

MOʻUI KO HA KALISITIANE

7. Ngāue Fakamalanga Fale-ki-he-Falé—Ko Hotau Fakaʻilonga

(15 min.) Fetalanoaʻaki.

ʻOku ʻiloa ʻa e Kau Fakamoʻoni ʻa Sihová ʻi heʻenau ngāue fakamalanga fale-ki-he-falé, ʻo faʻifaʻitaki kia Sīsū mo e kau Kalisitiane ʻi he ʻuluaki senitulí.—Luke 10:5; Ngā. 5:42.

Ko e moʻoni, ko e ngāue fakafaifekau fale-ki-he-falé naʻe pau ke taʻofi fakataimi lolotonga ʻa e mahaki fakaʻauha COVID-19. Ko ia ai, naʻa tau tokangataha ki hono fakamafola ʻa e ongoongo leleí fakafou ʻi he ngaahi fetalanoaʻaki fakaʻahó, faitohí mo e faifakamoʻoni ʻi he telefoní. He fiefia ē ko kitautolu ʻi heʻetau maʻu ʻa e faingamālie ke hoko ʻo alāanga ange mo e ngaahi founga ola lelei ko eni ʻo e ngāue fakamalangá! Neongo ia, ʻoku kei hoko pē ʻa e malanga mei he fale ki he falé ko ʻetau founga tefito ia ki hono fakamafola ʻa e ongoongo leleí. ʻOku malava ke ke kau tuʻumaʻu ʻi he ngāue fale-ki-he-falé?

ʻOku anga-fēfē hono tokoniʻi kitautolu ʻe he ngāue fakafaifekau fale-ki-he-falé ke tau fai ʻa e ngaahi meʻa ko ení?

Ngāueʻi fakaʻāuliliki hotau feituʻu ngāué

Ko hoʻo talí
Fakaleleiʻi ʻetau pōtoʻi fakafaiakó pea fakatupulekina ʻa e ngaahi ʻulungaanga hangē ko e loto-toʻá, taʻefilifilimānakó mo e feilaulauʻi-kitá

Ko hoʻo talí
Kamataʻi ha ngaahi ako Tohi Tapu

Ko hoʻo talí

Ko ha konga mei he vitiō “Malanga Neongo pe ko e Hā ʻa e Tuʻunga ʻo e ʻEá.” Ko ha ongo tuofāfine ʻokú na malanga ki ha fefine ʻi he matapaá.

Huluʻi ʻa e VITIŌ Malanga Neongo pe ko e Hā ʻa e Tuʻunga ʻo e ʻEá. ʻEke leva ki he kau fanongó:

Ko e hā naʻá ke ako mei he kau ʻevangeliō feilaulauʻi-kita ʻi he ʻOtu Motu Fāloú?

Ko hoʻo talí

8. Ako Tohi Tapu ʻa e Fakatahaʻangá

(30 min.) lfb lēsoni 42-43