Ko e Tēvoló ʻa e Tupuʻanga ʻo e Faingataʻá Kotoa?

Tali ʻa e Tohi Tapú

ʻOku fakahaaʻi ʻe he Tohi Tapú ko Sētane ko e Tēvoló ko ha tokotaha moʻoni ʻa ia, ʻi heʻene hangē ko ha fuʻu taki faihia mālohí ʻokú ne fakapapauʻi ke fakahoko ʻa e meʻa ʻokú ne loto ki aí fakafou ʻi he ‘ngaahi fakaʻilonga loi’ mo e “kākā.” Ko hono moʻoní, ʻokú ne “hanganaki fakapuli mai ko ha ʻāngelo ia ʻo e māmá,” ko e lau ia ʻa e Tohi Tapú. (2 Tesalonaika 2:9, 10; 2 Kolinitō 11:14) Ko e ʻi ai ʻa e Tēvoló ʻoku lava ke ʻiloʻi ia ʻi he maumau ʻokú ne fakatupungá.

Kae kehe, ʻoku ʻikai ko e tupu mei he Tēvoló ʻa e faingataʻá kotoa. Ko e hā hono ʻuhingá? Naʻe fakatupu ʻe he ʻOtuá ʻa e tangatá fakataha mo e malava ke ne fili pe te ne failelei pe faikovi. (Siosiua 24:15) ʻI heʻetau fai ʻa e ngaahi fili ʻoku koví, ʻoku tau utu ai ʻa e ngaahi nunuʻa kovi.—Kalētia 6:7, 8.