Fakahāhā ʻa Hoʻo ʻOfa ki he ʻOtuá

Ke tauhi ha kaumeʻa, ʻoku fiemaʻu ke ke talanoa kiate ia. ʻOkú ke fanongo kiate ia, pea ʻokú ne fanongo mai kiate koe. ʻOkú ke toe leaʻaki ʻa e ngaahi meʻa lelei fekauʻaki mo ho kaumeʻá ki he niʻihi kehé. ʻOku tatau pē ia mo e hoko ko ha kaumeʻa ʻo e ʻOtuá. Fakakaukau angé ki he meʻa ʻoku leaʻaki ʻe he Tohitapú ʻo fekauʻaki mo e meʻá ni:

Talanoa maʻu pē kia Sihova ʻi he lotu. “Fakakukafi i he lotu.”​—Loma 12:12, PM.

Lau ʻa e Folofola ʻa e ʻOtuá, ko e Tohitapú. “Ko e potu Folofola kotoa pe ne fakamanava mei he ʻOtua, ʻoku ʻaonga foki ki he akonaki, ki he fakaʻilo hala, ki he fakatonutonu.”​—2 Timote 3:16.

Akoʻi ʻa e niʻihi kehé ʻo fekauʻaki mo e ʻOtuá. “Ko ia ke mou ō, ʻo ngaohi ʻa e ngāhi kakai kotoa pe ko ʻeku kau ako, . . . mo e akoʻi kinautolu ke tauhi ʻa e ngāhi meʻa kotoa pe kuo u tuʻutuʻuni atu.”​—Mātiu 28:19, 20.

ʻUnuʻunu ofi ki he ngaahi kaumeʻa ʻo e ʻOtuá. “Koia oku aeva fakataha moe kakai boto e boto ai ia.”​—Palovepi 13:20.

Maʻu ʻa e ngaahi fakataha ʻi he Fale Fakatahaʻangá. “Ke tau fetokangaʻaki, ke fefakaʻaiʻaiʻaki ʻa kitautolu ki he feʻofaʻaki mo e ngaue lelei: . . . [mo] feenginakiʻaki.”​—Hepelu 10:24, 25.

Tokoni ʻi hono poupouʻi ʻa e ngāue ʻo e Puleʻangá. “Ke taki taha [foaki] ki he meʻa kuo ne tuʻutuʻuni ʻi hono loto; pea ʻoua ʻe fai ʻi he mamahi, pe ko e puʻia; he ʻoku ʻofa ʻa e ʻOtua ki ha taha ʻoku vekeveke foaki.”​—2 Kolinito 9:7.