KAMATAʻI HA FETALANOAʻAKI
LĒSONI 6
Loto-Lahi
Tefitoʻi Moʻoní: “Naʻe tafunaki ʻemau loto-lahí ko e meʻa ʻi hotau ʻOtuá ke mau tala atu kiate kimoutolu ʻa e ongoongo lelei.”—1 Tes. 2:2.
Meʻa Naʻe Fai ʻe Sīsuú
1. Sio ʻi he VITIOÓ, pe lau ʻa e Luke 19:1-7. Fakakaukau leva ki he ongo fehuʻi ko ení:
a. Ko e hā nai ʻa e ʻuhinga naʻe fakaʻehiʻehi ai ʻa e kakai ʻe niʻihi meia Sākeasí?
e. Ko e hā naʻá ne ueʻi ʻa Sīsū ke ne kei vahevahe pē kiate ia ʻa e ongoongo leleí?
Ko e Hā ʻOku Tau Ako meia Sīsuú?
2. ʻOku tau fiemaʻu ʻa e loto-lahi ke malangaʻi taʻefilifilimānako ʻa e pōpoaki ʻo e Puleʻangá.
Faʻifaʻitaki kia Sīsū
3. Falala kia Sihova. Naʻe fakaivia ʻe he laumālie ʻo e ʻOtuá ʻa Sīsū ke malanga pea ʻoku lava ke ne fakaivia mo koe foki. (Māt. 10:19, 20; Luke 4:18) Kole kia Sihova ki ha loto-lahi ke ke malanga ki he faʻahinga ʻokú ke ilifia nai he malanga ki aí. —Ngā. 4:29.
4. ʻOua ʻe tomuʻa fakamāuʻi ʻa e kakaí. Te tau toumoua nai ke talanoa ki he kakai ʻe niʻihi koeʻuhi ko honau fōtunga hā maí, tuʻunga ʻi he koló pe tuʻunga fakaʻekonōmiká, founga moʻuí pe ngaahi tui fakalotú. Kae manatuʻi:
a. Ko Sihova mo Sīsū ʻoku lava ke na sio ki he lotó; ʻoku ʻikai ke tau lava ʻo fai pehē.
e. Ko e meesi ʻa Sihová ʻoku fakaaʻu ia ki he tokotaha kotoa.
5. Hoko ʻo loto-lahi kae fakapotopoto mo tokanga. (Māt. 10:16) Fakaʻehiʻehi mei he fakafekikí. Fakangata ʻa e fetalanoaʻakí ʻi ha founga anga-fakaʻapaʻapa kapau ʻoku ʻikai ke fie fanongo ʻa e tokotahá ki he ongoongo leleí pe kapau ʻoku ʻikai ke ke ongoʻi malu.—Pal. 17:14.