Ko e Hā ʻOku Leaʻaki ʻe he Tohi Tapú?

ʻE ʻi ai koā ha melino ʻi he māmaní?

Ko e hā te ke leaʻakí?

• ʻIo

• ʻIkai

• Mahalo Pē

Meʻa ʻoku leaʻaki ʻe he Tohi Tapú

ʻI he malumalu ʻo e pule ʻa Sīsū Kalaisí, “ko e melinó ʻe hulu fau kae ʻoua kuo ʻikai ke toe ʻi ai ʻa e māhiná”​—ʻuhingá ʻe taʻengata.​—Saame 72:7.

Ko e hā te tau toe ako mei he Tohi Tapú?

• ʻE toʻo atu ʻa e kakai fulikivanú mei he māmaní, ʻo fakaʻatā ai ʻa e kakai leleí ke nau “maʻu ʻa e fiefia lahi ʻi he melino hulu fau.”​—Saame 37:10, 11.

• ʻE fakangata ʻe he ʻOtuá ʻa e ngaahi taú kotoa.​—Saame 46:8, 9.

ʻE malava ke ʻi ai ha nonga moʻoni ʻa e fakakaukaú ʻi he taimí ni?

ʻOku pehē ʻe he kakai ʻe niʻihi . . . ko e nonga moʻoni ʻa e fakakaukaú heʻikai lava ke maʻu ia lolotonga ʻoku fonu ʻa e māmaní ʻi he faingataʻá mo e fakamaau taʻetotonú. Ko e hā hoʻo fakakaukaú?

Meʻa ʻoku leaʻaki ʻe he Tohi Tapú

Naʻa mo e taimí ni, ko e faʻahinga ʻoku ofi ki he ʻOtuá ʻoku lava ke nau maʻu ʻa e “nonga ʻa e ʻOtuá ʻa ia ʻoku fakalaka atu ʻi he mahino kotoa pē.”​—Filipai 4:6, 7.

Ko e hā te tau toe ako mei he Tohi Tapú?

• ʻOku talaʻofa mai ʻe he ʻOtuá ʻe toʻo ʻosi atu ʻa e faingataʻá mo e fakamaau taʻetotonú, kae “ngaohi ke foʻou ʻa e ngaahi meʻa kotoa pē.”​—Fakahā 21:4, 5.

• ʻOku lava ke tau maʻu ʻa e nonga ʻi lotó ʻi heʻetau tokanga ki heʻetau “fiemaʻu fakalaumālié.”​—Mātiu 5:3.