Ko e Hā ʻOku Leaʻaki ʻe he Tohi Tapú?

Ko e hā ʻa e ʻĀmaketone?

ʻOku tui ʻa e kakai ʻe niʻihi . . .

ko ha fakaʻauha fakamāmani lahi ʻe he ngaahi meʻatau niukilia pe fakaʻauha fakaeʻātakai. Ko e hā hoʻo fakakaukaú?

Meʻa ʻoku leaʻaki ʻe he Tohi Tapú

Ko ʻĀmaketoné ko e feituʻu fakaefakatātā ia ʻo e “tau ʻo e ʻaho lahi ʻo e ʻOtua Māfimafi-Aoniú,” ko ʻene faitau ke toʻo ʻa e fulikivanú.​—Fakahā 16:14, 16.

Ko e hā te tau toe ako mei he Tohi Tapú?

• ʻOku faitau ʻa e ʻOtuá ʻi he tau ʻo ʻĀmaketoné, ʻo ʻikai ko hono fakaʻauha ʻa e foʻi māmaní, ka ke fakahaofi ia mei hono fakaʻauha ʻe he faʻahinga ʻo e tangatá.​—Fakahā 11:18.

• Ko e tau ʻo ʻĀmaketoné te ne fakangata ʻa e ngaahi tau kotoa pē.​—Saame 46:8, 9. 

ʻOku malava ke hao mei he tau ʻo ʻĀmaketoné?

Ko e hā te ke leaʻakí?

• ʻIo

• ʻIkai

• Mahalo pē

Meʻa ʻoku leaʻaki ʻe he Tohi Tapú

“Ko ha fuʻu kakai lahi” mei he ngaahi puleʻanga kotoa pē te nau hao atu mei he “fuʻu mamahi lahí,” ʻa ia ʻe fakaʻosiʻaki ʻa e tau ʻo ʻĀmaketoné.​—Fakahā 7:9, 14.

Ko e hā te tau toe ako mei he Tohi Tapú?

• ʻOku fiemaʻu ʻe he ʻOtuá ʻa e tokolahi taha ʻe ala lavá ke nau hao ʻi ʻĀmaketone. Ko ʻene fakaʻauha pē ʻa e kau fulikivanú ko e ʻikai ke toe felave ha meá.​—ʻIsikeli 18:32.

• ʻOku fakamatalaʻi ʻe he Tohi Tapú ʻa e founga ke hao ai ʻi ʻĀmaketoné.​—Sēfanaia 2:3.