ʻŪ Ongoongo Fakateokalati

ʻĀsenitina: Naʻe aʻusia ha tumutumu foʻou ʻo e tokolahi ʻo e kau malangá ko e toko 98,601 ʻi Fēpueli. Lolotonga ʻo e māhina tatau pē, naʻe papitaiso ai ʻa e kau ākonga foʻou ʻe toko 507.

Pēnini: Naʻe lipooti ʻi Fēpueli ha tumutumu foʻou ʻo e kau malanga ʻe toko 2,967. ʻI hono fakafehoanaki mo e ngāue ʻi he taʻu ʻe taha kuo ʻosí, kuo tupulaki peseti ʻe 13.8 ʻa e kau malangá, peseti ʻe 6.1 ʻa e ngaahi houá, peseti ʻe 40.6 ʻa e ngaahi makasini naʻe tukú, mo e peseti ʻe 25.1 ʻa e ngaahi ako Tohitapú.

ʻEkuatoa: Ko e kau malanga ʻe toko 23,176 naʻe lipooti lolotonga ʻo Fēpuelí naʻa nau fai ʻa e ngaahi ako Tohitapu ʻe 42,219. Ko e tupu ʻeni ʻo lahi ange ʻi Fēpueli ʻo e taʻu kuo ʻosí ko e kau malanga ʻe toko 2,180 mo e ngaahi ako Tohitapu ʻe 3,183.

ʻAilani: Naʻe aʻusia ʻi Fēpueli ʻa e tumutumu hokohoko hono 59 ʻo e kau malangá ko e toko 4,093 naʻe lipootí. Ko e tumutumu foʻou ʻo e ngaahi ako Tohitapu ʻe 2,682 ʻoku lolotonga faí ʻoku hā ngali fakapapauʻi ʻe tupulaki ʻa e tupu ko ʻení ʻi he kahaʻú.

Pelū: Ko e kau malanga ʻe toko 43,366 ʻi Pelū naʻa nau lipooti ʻa e ngaahi toe ʻaʻahi ʻe 369,437 mo e ngaahi ako Tohitapu ʻe 68,090 ʻi Fēpueli. Naʻe fakatapui ha Assembly Hall foʻou ʻi Lima pea naʻe haʻu ki ai ʻa e toko 21,240.

Tahiti: Naʻe aʻusia ʻa e tupu peseti ʻe 13 ʻi Fēpueli ko e kau malanga ʻe toko 1,604 naʻe lipootí. Ko e tumutumu hokohoko ia hono 64 ʻo e kau malangá ʻi Tahiti.

Sāie: Neongo ʻa e fakahohaʻa fakaʻikonōmika mo fakapolitikale ʻi he fonuá ni, naʻe lipooti ʻa e tumutumu foʻou ʻe he ngaahi tokouá ko e kau malanga ʻe toko 71,098 ʻi Fēpueli. Ko e tupu ʻaki ia ʻo e peseti ʻe 9 mei he ʻavalisi ʻo e taʻu kuo ʻosí. ʻOku fakaʻavalisi ʻe he kau malanga ʻo e fakatahaʻangá ʻa e ngaahi houa 16.8 ʻi he ngāue fakamalangá. ʻOku ʻi ai ʻa e kau taaimuʻa tuʻumaʻu ʻe toko 6,000 tupu he taimí ni ʻi Sāie.

Ko e ngaahi ʻotu motu ʻi Kalipiané ko ʻAlupa, Kuataloupe, Matiniki, St. Kitts, mo e U.S. Virgin Islands, naʻa nau lipooti ʻa e tumutumu foʻou ʻo e kau malangá ʻi Fēpueli.