Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 1
ʻI he hili ha lave ki ha ongoongo fakatupu hohaʻa, ʻeke ange: “Ko e hā hono ʻuhinga ʻoku fai ai ʻe he kakaí ʻa e ngaahi meʻa fulikivanu peheé? ʻOku totonu ke tau ʻilo kotoa ʻa e tonú mei he halá, ka ʻoku kei fai pē ʻe he kakaí ia ʻa e ngaahi meʻa ʻoku koví. Ko e hā hono ʻuhingá? [Hili ha tali, lau ʻa e Fakahā 12:9.] ʻOku fakamatalaʻi ʻe he makasini ko ʻení ʻa e founga ke maluʻi ai kitautolu ʻaki hono maluʻi hotau konisēnisí.”
Awake! Nōv. 8
“ʻOku hangehangē ʻokú ke loto-tatau ʻoku tau moʻui ʻi ha taimi fakamālohi. [Hili ha tali, lau ʻa e 2 Timote 3:3.] Ko e ngaahi tōʻonga ‘ angafakamanú’ ʻoku aʻu ʻo hoko ia ʻi he siakale ʻo e fāmilí. Ko e kupu ko ʻeni, ‘Tokoni ki he Kakai Fefine ʻOku Faʻa Tāʻí,’ ʻokú ne ʻomai ha pōpoaki ʻo e ʻamanaki. ʻOkú ke ʻiloʻi nai ha taha ʻa ia ʻe lava ke ke vahevahe ia mo ia.”
Ko e Taua Leʻo Nōv. 15
“Kuo tau fanongo ʻi he kupuʻi lea ‘naʻe pekia ʻa Sīsū maʻatautolu.’ [Lave ki he Sione 3:16.] Kuó ke fifili ʻi ha taimi pe ʻoku lava fēfē ke fakahaofi kotoa kitautolu ʻe he pekia ʻa ha tangata ʻe taha? [Tuku ke ne tali.] ʻOku ʻomai ʻe he Tohitapú ha tali faingofua. Ko e kupu ko ʻeni, ‘Faifakamoʻui ʻa Sīsū—Anga-Fēfē?,’ ʻokú ne fakamatalaʻi mahino ia.”
ʻĀ Hake! ʻOka.-Tīs.
ʻOku ʻohovale ʻa e kau ʻaʻahi mai ki Tonga ní ʻi he lahi ʻa e ngaahi siasi ʻoku ʻi hení. Ka naʻe kamata ʻanefē ʻa e ngaahi siasí? ʻOku fiemaʻu kinautolu ke lotu ai ki he ʻOtuá? Pea ko e hā ʻoku nau hoko ai ko ha kavenga mamafa ki honau kau mēmipá? [Tuku ha taimi ke ne tali.] Te ke ʻilo ʻoku fakamānako ʻa e lautohi ʻi he kaveinga ko ʻení, tautautefito kapau ko ha tokotaha ako koe ʻo e Tohitapú.