Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 15
“Ko kitautolu kotoa ʻoku tau loto ke maʻu ha moʻui fiefia mo mohu taumuʻa. ʻOkú ke loto-tatau mo e meʻa naʻe leaʻaki heni ʻe Sīsū fekauʻaki mo e kī ki he fiefiá? [Lau ʻa e Mātiu 5:3. Pea tuku ke ne tali.] ʻOku fakamatalaʻi ʻe he makasini ko ʻení ʻa e anga ʻo e fakafiemālieʻi ʻetau fiemaʻu mahuʻinga naʻa tau tupu mo ia ko e lotu ki he ʻOtuá ʻo ʻomai ʻa e taumuʻa ki heʻetau moʻuí.”
Awake! Nōv.
“ʻI hotau kuonga ʻo e saienisí mo e tui veiveiuá, ʻoku fakakaukau ai ʻa e kakai tokolahi kuo ʻosi e taimi ia ʻo e Tohi Tapú. Ko e hā hoʻo fakakaukau fekauʻaki mo iá? [Tuku ke ne tali.] ʻOkú ke ʻiloʻi ko e fakamatala kotoa pē ʻi he Tohi Tapú ʻo kau ki he meʻa fakasaienisí ʻoku moʻoni? [Lau ʻa e Siope 26:7.] ʻOku ʻomai ʻi he ʻīsiu makehe ko ʻeni ʻo e Awake! ʻa e ngaahi ʻuhinga mālohi ʻe lava ai ke falala ki he Tohi Tapú.”
Ko e Taua Leʻo Tīs. 1
“Ko e hā hoʻo tali ki he fehuʻi ko ʻení? [Lau ʻa e fehuʻi ʻi he takafí. Pea tuku ke ne tali.] Ko e taumuʻa ia ʻa e ʻOtuá ke fakafāʻūtahaʻi ʻa e matakali ʻo e faʻahinga ʻo e tangatá. [Lau ʻa e Sāme 46:8, 9.] ʻOku fakahā mai ʻi he makasini ko ʻení ʻa e meʻa ʻoku leaʻaki ʻe he Tohi Tapú fekauʻaki mo e founga ʻe maʻu ai ʻa e fāʻūtahá.”
Awake! Tīs.
“ʻOku ongoʻi ʻe he niʻihi ko e maté ko ha hala ia ki he moʻui hili ʻa e maté; ʻoku tui ʻa e niʻihi ko e ngataʻangá ia. ʻOkú ke fakakaukau ko e maté ko ha meʻa ke manavahē ki ai? [Tuku ke ne tali.] Fakatokangaʻi ʻa e anga ʻo e ongoʻi ʻa Siope ʻo kau ki he ʻamanaki fekauʻaki mo ʻene maté. [Lau ʻa e Siope 14:14, 15.] ʻOku ʻomai ʻi he makasini ko ʻení ʻa e fakamatala mahino ʻa e Tohi Tapú ki he meʻa ʻoku hoko kia kitautolu ʻi heʻetau maté.”