Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Nōv. 15
“Kuo fifili ʻa e tokolahi pe ʻoku tau fiemaʻu ha ngaahi fale lotu mo ha ngaahi temipale ke lotu ai ki he ʻOtuá. Ko e hā hoʻo fakakaukaú? [Tuku ke ne tali.] Fakatokangaʻi angé ʻa e meʻa ʻoku leaʻaki ʻe he Tohitapú ʻi he kaveinga ko ení. [Lau ʻa e Ngāue 17:24.] Ko e hā leva ʻa e taumuʻa ʻoku totonu ke fakahoko ʻe he ngaahi feituʻu faiʻanga lotú? Ko e makasini ko ení ʻokú ne ʻomai ha tali Fakatohitapu ki he fehuʻi ko iá.”
Awake! Nōv. 22
“ʻOkú ke fakakaukau ʻe ʻi ai ʻa e ʻaho ʻe fakangata ai ʻe he saienisí ʻa e puké mo e mahakí? [Tuku ke ne tali.] Ko e ʻīsiu ko eni ʻo e Awake! ʻokú ne sivisiviʻi ʻa e niʻihi ʻo e ngaahi fakalakalaka kuo fai ʻe he saienisí. ʻOkú ne toe fakahaaʻi ʻa e ʻuhinga ko e Tokotaha-Fakatupú pē ʻokú ne maʻu ʻa e mālohi ke fakangata ʻa e puké mo e maté.” Lau ʻa e Sāme 146:3-5, pea tuʻuaki ʻa e ngaahi makasiní.
Ko e Taua Leʻo Tīs. 1
“ʻI he ngaahi ʻahó ni, ko e meimei tokotaha kotoa pē ʻokú ne ʻiloʻi ʻoku faingataʻa ke aʻusia ʻa e ngaahi fiemaʻu fakapaʻangá. ʻOku hoko ʻa e meʻa tatau ʻi he ngaahi siasí, pea ko e ngaahi kole tokoni fakapaʻangá kuo hoko ia ʻo toe hokohoko lahi ange. ʻOkú ke ʻiloʻi ʻoku fakahohaʻa ʻa e meʻa ko iá? [Tuku ke ne tali. Lau leva ʻa e 1 Tesalonaika 2:9.] ʻOku lāulea ʻa e Taua Leʻo ki he meʻa ʻoku leaʻaki ʻe he Tohitapú ʻo fekauʻaki mo e meʻá ni.”
Awake! Tīs. 8
“Koeʻuhi ko e ngaahi fakamanamana fakaetautoitoí, ʻoku fifili ai ʻa e tokolahi pe ʻoku malu nai ke puna. ʻOku fakahohaʻasi koe ʻe he meʻá ni? [Tuku ke ne tali.] ʻOku fakahaaʻi ʻe he Tohitapú ʻoku ʻikai ha taha ʻe ʻatā mei he fakatamakí. [Lau ʻa e Koheleti 9:11.] Kae kehe, ko e ʻīsiu ko eni ʻo e Awake! ʻoku lāulea ai ki he founga ʻe lava ke ke fakalahi ai ʻa e malu mo e fiemālie ʻi he taimi ʻokú ke puna aí.”