Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Fep. 15
“ʻOku fifili ʻa e kakai ʻe niʻihi pe ʻoku ʻi ai ha ʻOtua ko ha tokotaha moʻoni. ʻOku pehē ʻe he niʻihi ʻokú ne ʻi ai ka ʻoku nau ongoʻi ʻokú ne mamaʻo ʻaupito meia kinautolu. Kuó ke ʻiloʻi eni? [Tuku ke ne tali.] Fakatokangaʻi ange ʻa e ʻuhinga ʻoku mātuʻaki mahuʻinga ai ke ke ʻiloʻi tonu ʻa e ʻOtuá. [Lau ʻa e Sione 17:3.] ʻI he fekauʻaki mo e meʻá ni, te ke ʻiloʻi ai ʻoku mahuʻinga ʻa e ʻuluaki ngaahi kupu ʻo e ʻīsiu ko ení.”
Awake! Fep. 22
“ʻOkú ke fakakaukau naʻe fakataumuʻa ʻa e ʻOtuá ki he tangatá, ʻo kau ai ʻa e fānaú, ke nau faingataʻaʻia ʻi he ʻikai ha meʻakai feʻungá? [Tuku ke ne tali.] Fakatokangaʻi ange ʻa e palōmesi fakafiemālie ko eni ʻoku maʻu ʻi he Tohitapú. [Lau ʻa e Sāme 72:16.] Ko e ʻīsiu ko eni ʻo e Awake! ʻoku lāulea ai ki he ngaahi tupuʻanga ʻo e ʻikai ha meʻakai feʻungá, pea ko e meʻa ʻoku mahuʻinga angé, ko e talaʻofa ʻa e ʻOtuá ke fakangata vave iá.”
Ko e Taua Leʻo Mas. 1
“ʻOkú ma saiʻia ke ʻiloʻi ʻa hoʻo fakakaukau ki he konga Tohitapu mahuʻinga ko ení. [Lau ʻa e Mātiu 5:10.] ʻE lava fēfē ke fiefia ha tokotaha ʻi hono fakatangaʻi iá? [Tuku ke ne tali.] Ko e ʻuluaki ongo kupu ʻi he makasini ko ení ʻoku fakamatala ai ki he faʻahinga kuo nau tauhi maʻu ʻa e fiefiá neongo ʻenau faingataʻaʻiá. Te ke mahuʻingaʻia ʻi hono lau ʻa e founga naʻa nau fai ai iá.”
Awake! Mas. 8
“ʻIkai ʻokú ke loto-tatau neongo ʻa e ngaahi palopalema ʻi he moʻuí ʻoku tau kei maʻu pē ʻa e ʻuhinga ke fakamālō ai? [Tuku ke ne tali.] Ko e ʻuhinga ʻe taha ke fakamālō aí ko e founga naʻe ngaohi ai kitautolú. [Lau ʻa e Sāme 139:14.] He houngaʻia ē ko kitautolu ʻi hono maʻu ʻa e ngaahi ongoʻanga ʻoku fiemaʻu ke fakamahuʻingaʻi ai ʻa e moʻuí, ʻo hangē ko ia ʻoku fakamahinoʻi ʻe he ʻīsiu ko eni ʻo e Awake!”