Meʻa ke Leaʻaki Fekauʻaki mo e Ngaahi Makasiní
Ko e Taua Leʻo San.-Mas.
“ʻOkú ke loto-tatau mo e meʻa ʻoku leaʻaki hení? [Lau ʻa e Semisi 3:2.] ʻOku ʻomai ʻe he kupu ko ʻení ʻa e ngaahi fokotuʻu ʻaonga mei he Tohi Tapú ke tokoniʻi kitautolu ke tau fakaʻehiʻehi mei hono fakalotomamahiʻi ʻa e ngaahi mēmipa ʻo e fāmilí ʻaki ʻetau leá.” Fakaeʻa ʻa e kupu ʻoku kamata ʻi he peesi 10.
ʻĀ Hake! San.-Mas.
“ʻI hotau kuonga ʻo e saienisí mo e fakataʻetaʻetuí, ʻoku fakakaukau ai ʻa e kakai tokolahi kuo ʻosi e taimi ia ʻo e Tohi Tapú. Ko e hā hoʻo fakakaukau fekauʻaki mo e meʻa ko iá? [Tuku ke ne tali.] Naʻá ke ʻilo ko e fakamatala kotoa pē ʻi he Tohi Tapú ki he meʻa fakasaienisí ʻoku moʻoni? [Lau ʻa e Siope 26:7.] ʻOku ʻomai ʻe he ʻīsiu makehe ko ʻeni ʻo e ʻĀ Hake! ʻa e ngaahi ʻuhinga mālohi ʻe lava ai ke tau falala ki he Tohi Tapú.”
Ko e Taua Leʻo San.-Mas.
“ʻOku fakafuofua ki he kakai ʻe ua piliona ʻoku nau ʻilo pe lotu ʻaki ʻa e Lotu ʻa e ʻEikí. ʻOku pehē ʻa e konga ʻo e lotu ko iá: ‘Ke hoko mai ho Puleʻangá.’ Ko e ʻaonga ʻe taha ʻo e Puleʻanga ko iá te ne fakangata kotoa ʻa e ngaahi taú. Fakatokangaʻi ange ʻa e meʻa ʻoku talaʻofaʻaki mai ʻe he ʻOtuá. [Lau ʻa e Sāme 46:9.] ʻOku lāulea ʻa e kupu ʻoku kamata ʻi he peesi 5 ki he foʻi moʻoni ʻe fitu fekauʻaki mo e Puleʻanga ʻo e ʻOtuá.”
ʻĀ Hake! San.-Mas.
“Mahalo pē kuó ke ʻosi ʻiloʻi ko e kau tangata kehekehe ʻe toko 40 nai naʻa nau hiki ʻa e ngaahi tohi ʻoku faʻuʻaki ʻa e Tohi Tapú. Ka, ko hai ʻe lava ke tau pehē ko e faʻu-tohí? [Lau ʻa e 1 Tesalonaika 2:13.] ʻOku ʻomai ʻi he kupu he peesi 10 ʻa e ngaahi ʻuhinga lelei ʻoku pehē ai ko e ʻOtuá ʻa e faʻu-tohí.”