Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“ʻOkú ke fakakaukau ʻoku ʻaonga ʻa e ngaahi akonaki ʻa Sīsuú ki hotau taimí? [Tuku ke ne tali.] ʻOku ʻikai ha veiveiua te ke loto-tatau mo e fekau ko eni naʻe ʻomai ʻe Sīsū ʻi he ʻaho fakaʻosi ʻo ʻene moʻuí. [Lau ʻa e Sione 15:12.] Naʻe toe akoʻi ʻe Sīsū ʻa e ngaahi lēsoni mahuʻinga ʻi he ʻaho ko iá. Ko e ʻīsiu ko eni ʻo e Taua Leʻo ʻoku fakahaaʻi ai ʻa e founga ʻe lava ke tau maʻu ʻaonga ai mei aí.”
Awake! Mas. 22
“Kuó ke fakatokangaʻi ʻi he ngaahi ʻahó ni ko e kakai tokolahi ʻoku nau ʻiloʻi ʻoku faingataʻa ke maʻu ha mohe feʻunga? [Tuku ke ne tali.] Ko e loto-moʻuá pe loto-hohaʻá ʻe lava ke toe fakatupunga ai ʻa e meʻá ni. [Lau ʻa e Koheleti 5:12.] ʻOku sivisiviʻi ʻe he makasini ko ení ʻa e niʻihi ʻo e ngaahi tupuʻanga ʻo e ʻikai ha mohe feʻungá, pea ʻoku ʻomai ai ʻa e ngaahi tokoni ʻaonga ki he founga ʻe lava ke tau fakaleleiʻi ai ʻetau ngaahi tōʻonga mohé.”
Ko e Taua Leʻo ʻEp. 1
“ʻOku fakahaaʻi heni ʻa e kai naʻe ui tukufakaholo ko e ʻOhomohe Fakaʻosí. [Fakahaaʻi ʻa muʻa pea mo e tuʻa ʻo e makasiní.] Naʻá ke ʻiloʻi ko e meʻa pē ia ʻe taha naʻe tuʻutuʻuni ki he kau Kalisitiané ke nau fakamanatú? [Tuku ke ne tali. Pea lau leva ʻa e Luke 22:19.] ʻOku fakamatalaʻi ʻe he makasini ko ení ʻa e ʻuhinga ʻoku fuʻu mahuʻinga ai ʻa e kātoanga ko ení mo e anga ʻo ʻene kaunga kia koé.
ʻĀ Hake! ʻEp.-Sun.
“Koeʻuhi ko e ngaahi fakamanamana fakaetautoitoí, ʻoku fifili ʻa e tokolahi pe ʻoku malu ke puna. ʻOkú ke hohaʻa fekauʻaki mo e meʻá ni? [Tuku ke ne tali.] ʻOku fakahaaʻi mai ʻe he Tohitapú ʻoku ʻikai ha taha ʻe hao mei he faingatāmakí. [Lau ʻa e Koheleti 9:11.] Kae kehe, ko e ʻīsiu ko eni ʻo e ʻĀ Hake! ʻoku lāulea ai ki he founga ʻe lava ke fakalahi ai ʻa hoʻo malu mo e fiemālie ʻi he taimi ʻokú ke puna aí.”