Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Mas. 15
“Ko e tokolahi ʻo kitautolu kuo tau hokosia ʻa e meʻa fakamamahi ʻo e mole atu ha taha ʻofeina ʻi he maté. ʻOkú ke maheni mo e talaʻofa fakafiemālie ko ení? [Lau ʻa e Ngāue 24:15. Pea tuku ke ne tali.] Neongo ia, ʻoku fifili ʻa e tokolahi, Ko hai ʻe toetuʻú? ʻE hoko ia ʻafē? ʻE fakahoko iá ʻi fē? ʻOku ʻomai ʻe he makasini ko ení ʻa e ngaahi tali ʻa e Tohi Tapú ki he ngaahi fehuʻi ko iá.”
Awake! Mas.
“ʻOku tui ʻa e kakai tokolahi ko Sīsū ʻa e ʻOtuá. Ko e meʻa mālié, naʻe fakapapauʻi ia ʻe he ākonga ʻa Sīsū ko Pitá, ko e ʻAlo ia ʻo e ʻOtuá. [Lau ʻa e Mātiu 16:16.] ʻOkú ke fakakaukau ʻoku malava ke hoko fakatouʻosi ʻa Sīsū ko e ʻOtua mo e ʻAlo ʻo e ʻOtuá? [Tuku ke ne tali.] Ko e kupu ko eni ʻi he peesi 12-13 ʻoku sivisiviʻi ai ʻa e fehuʻí ni, ʻo ʻomai ai ʻa e vakai ʻa e Tohi Tapú.”
Ko e Taua Leʻo ʻEp. 1
“Ko e lea ʻiloa ko ení ʻoku fakamamafaʻi ai ʻa e mahuʻinga ʻo hono ʻiloʻi ʻa e ʻOtuá. [Lau ʻa e Mātiu 4:4.] Ka ʻoku ʻiloʻi ʻe he kakai tokolahi ʻoku faingataʻa ke mahinoʻi ʻa e Folofola ʻa e ʻOtuá. Kuó ke fakamoʻoniʻi ʻoku moʻoni ia? [Tuku ke ne tali.] ʻOku ʻomai ʻe he makasini ko ení ʻa e ngaahi fokotuʻu ʻaonga ʻe lava ke tokoniʻi ai koe ke ke mahinoʻi ʻa e Tohi Tapú.”
Awake! ʻEp.
“Ko e tokolahi ʻo kitautolu ʻoku ʻi ai hotau ngaahi kāinga mo e ngaahi kaungāmeʻa taʻumotuʻá ʻoku tau fifili pe ʻe lava fēfē ke tau tokoniʻi kinautolu ke nau fekuki mo e ngaahi tuʻunga faingataʻa ʻo e taʻumotuʻá. ʻIkai nai ʻoku moʻoni ia? [Tuku ke ne tali.] ʻOku fokotuʻu mai ʻe he makasini ko ení ʻa e ngaahi meʻa ʻe lava ke tau fai ke ʻai ai ʻa e taʻumotuʻá ke ala makātakiʻi angé. ʻOku toe fakamatalaʻi ai ʻa e founga ʻe fakahoko ai ʻa e kikite ko ení.” Lau ʻa e Siope 33:25.