Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp. 15
“ʻI he ngaahi taʻu ki mui ní kuo fakatokangaʻi ai ʻe he kakai tokolahi ha hōloa ʻi he ngaahi meʻa mahuʻinga fakalaumālié. Kuó ke fakatokangaʻi ʻa e meʻá ni? [Tuku ke ne tali. Pea lau leva ʻa e Sāme 119:105.] Ko e ngaahi meʻa mahuʻinga fakalaumālié ʻoku lava ke ne tokoniʻi ʻa e kakaí ke nau fakaʻehiʻehi mei he ngaahi tōʻanga lahi ʻi he moʻuí. ʻOku fakahaaʻi ʻe he makasini ko ení ʻa e feituʻu ʻe lava ke maʻu ai ʻa e ngaahi meʻa mahuʻinga fakalaumālié.”
Awake! ʻEp. 22
“ʻI he māmani tuʻunga fakavavevave ʻi he ʻaho ní, ʻoku fifili ai ʻa e tokolahi pe ʻoku fuʻu vave ʻa e tupu ʻa e fānaú. ʻOkú ke hohaʻa ki he meʻá ni? [Tuku ke ne tali. Pea lau leva ʻa e Koheleti 3:1, 4.] Ko e taimi kei siʻí ʻoku ʻikai totonu ke hoko ko ha taimi ia ki hono fua ʻa e ngaahi kavenga ʻa e kakai lalahí. Ko e ʻīsiu ko eni ʻo e Awake! ʻoku lāulea ai ki he founga ʻe lava ke maluʻi ai ʻe he mātuʻá ʻa e tuʻunga kei siʻi ʻo ʻenau fānaú.”
Ko e Taua Leʻo Mē 1
“Ko e ngaahi fehuʻi ʻe niʻihi ʻoku mahulu atu ia ʻi he malava ʻa e tangatá ke talí. Fakatokangaʻi ange ʻa e fakatātā ko ení. [Lau ʻa e Siope 21:7.] Kuó ke maʻu ʻi ha taimi ha fehuʻi naʻá ke loto ke ʻeke ki he ʻOtuá? [Tuku ke ne tali.] ʻOku fakamatalaʻi ʻe he makasini ko ení ʻa e founga kuo maʻu ai ʻe he kakai ʻi he tapa kotoa ʻo e māmaní ʻa e ngaahi tali fakafiemālie ki he ngaahi fehuʻi mahuʻinga taha ʻe tolu ʻi he moʻuí.”
Awake! Mē 8
“Ko e tokolahi taha ʻo kitautolú ʻoku tau ʻiloʻi ha taha ʻoku maʻu ʻe he suká. ʻOkú ke ʻiloʻi ha meʻa lahi fekauʻaki mo e mahaki ko ení? [Fakahaaʻi ʻa e takafi ʻo e makasiní, pea tuku ke ne tali.] ʻOku fakatotoloʻi ʻe he makasini ko ení ʻa e ngaahi tupuʻanga pea mo e faitoʻo ʻo e suká. ʻOku toe lāulea ai ki he talaʻofa ʻa e Tohitapú fekauʻaki mo ha faitoʻo tuʻuloa ki he mahaki kotoa pē.” Fakaʻosiʻaki hono lau ʻa e Aisea 33:24.