Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Siu. 15
“Kuo fakatokangaʻi ʻe he tokolahi ha hehema lahi ange ʻa e kakaí ke nau fakamavaheʻi kinautolu. ʻOkú ke fakakaukau ko ha ʻalunga fakapotopoto eni? [Tuku ke ne tali.] Fakatokangaʻi ange ʻa e lea fakapotopoto ko eni ki he mahuʻinga ʻo e feohí. [Lau ʻa e Koheleti 4:9, 10.] ʻOku lāulea ʻa e makasini ko ení ki he ʻuhinga ʻoku tau fiemaʻu kotoa ai ʻa e niʻihi kehé pea mo e founga ʻe lava ke solova ai ʻa e palopalema ʻo e fakamavahé.”
Awake! Siu. 22
“ʻOku hohaʻa ʻa e kakai tokolahi fekauʻaki mo e mafolalahia ʻo e ala maʻu ʻa e fakatātā fakalieliá. ʻOkú ke fakakaukau ko ha meʻa eni ke fakatupunga ai ha hohaʻa? [Tuku ke ne tali.] Ko e akonaki ʻaonga ʻoku maʻu ʻi he Tohitapú ʻe lava ke ne maluʻi kitautolu. [Lau ʻa e Efeso 5:1-3 (5:3, 4, PM).] ʻOku fakahaaʻi ʻi he makasini ko ení ʻa e founga ʻe lava ai ke tau maluʻi kitautolu mei he fakatuʻutāmaki fakatupu maumau ko ení.”
Ko e Taua Leʻo ʻAo. 1
“Naʻá ke ʻiloʻi, fakatatau ki ha līpooti ʻe taha, ko e laka hake he vaeua ʻo e tokolahi ʻo e kakaí ʻoku nau moʻuiʻaki ʻo siʻi hifo he $2 he ʻaho? ʻOkú ke fakakaukau ʻe ʻi ai ha toe meʻa ʻe lava ke fai ke fakaleleiʻi ai eni? [Tuku ke ne tali.] Ko e ʻīsiu ko eni ʻo e Taua Leʻo ʻoku fakahaaʻi ai ʻa e fakaleleiʻanga tuʻuloa ki he masivá ʻo hangē ko ia ʻoku fokotuʻu mai ʻi he Tohitapú.”—Lau ʻa e Sāme 72:12, 13, 16.
Awake! ʻAo. 8
“ʻI he ngaahi taʻu ki mui ní, ko e ngaahi fakatamaki felāveʻi mo e ʻeá kuó ne fakahoko ʻa e maumau lahi ʻi he māmaní kotoa. ʻOkú ke fakakaukau ko e hā nai ʻe lava ke fai ke fakasiʻisiʻi ai ʻa e faingataʻa ʻoku fakatupunga ʻe he meʻá ni? [Tuku ke ne tali.] ʻOku sivisiviʻi ʻe he makasini ko ení ʻa e palopalema ʻo e ngaahi sīpinga feliliuaki ʻa e ʻeá pea pehē ki he fakaleleiʻanga ʻoku ʻomai ʻi he Tohitapú.”—Lau ʻa e Aisea 35:1.