Ko ha Foʻi Vitiō mo ha Pōpoaki ʻOku ʻAonga Tuʻuloa
Ko e hā ʻa e pōpoaki ʻi he foʻi vitiō ko e David—He Trusted in God? Ko kitautolú, kuo pau ke tau falala kia Sihova, ʻo hangē ko Tēvitá. (Sāme 91:2) Ko e mamata ki hono fakahaaʻi ʻa e ngaahi meʻa tefito naʻe hoko ʻi he moʻui ʻa Tēvitá te ne tokoniʻi ʻa e fānaú mo e kakai lalahí ke nau ako mei he faʻifaʻitakiʻanga naʻá ne fokotuʻú. (Sāme 31:14) Ki ha toe ʻaonga lahi ange kia kitautolu, ko e DVD ko ení ʻoku fakakau ai ha “Sivi Faka-Vitiō” mo e “Ngaahi Founga Ako” kehekehe.
Mamata ʻi he foʻi vitioó, peá ke ʻeke hifo kiate koe: (1) Ko e hā naʻe fili ai ʻe Sihova ha tuʻi lelei angé? (1 Sam. 15:10, 11; 16:1) (2) Ko e hā naʻe ʻikai te ne fili ai ha taha ʻo e fanga tokoua ʻo Tēvitá? (1 Sam. 16:6, 7) (3) Ko e hā naʻe saiʻia ai ʻa Saula ke tā ʻe Tēvita ʻa e haʻapé? (1 Sam. 16:14-23) (4) Ko hai ʻa Kolaiate? (1 Sam. 17:4-10) (5) Ko e hā naʻe loto ai ʻa Tēvita ke tau mo Kolaiaté? (1 Sam. 17:23, 24, 36, 37) (6) Ko hai ʻa Sionatane? (1 Sam. 14:1) (7) ʻI he tuʻunga fē naʻe hoko ai ʻa Saula ko e fili kovi taha ia ʻo Tēvitá? (1 Sam. 18:25-29) (8) Ko e hā naʻe ʻikai tāmateʻi ai ʻe Tēvita ʻa Saulá? (1 Sam. 26:7-11) (9) Naʻe anga-fēfē ʻa e mate ʻa Saulá? (1 Sam. 31:1-6) (10) Ko e hā ʻa e anga ʻo e fakafeangai ʻa Tēvita ki he mate ʻa Sionatané? (2 Sam. 1:11, 12) (11) Ko e hā ʻa e talaʻofa naʻe fai ʻe Sihova kia Tēvitá? (2 Sam. 7:12, 13, 16) (12) Ko e hā ʻa e hala mafatukituki naʻe fai ʻe Tēvitá? (2 Sam. 11:1-5, 14-17) (13) Naʻe anga-fēfē ʻa hono fakahaaʻi ʻe Tēvita naʻá ne mātuʻaki fakameʻapangoʻia ʻi he meʻa naʻá ne faí? (Sāme 51) (14) Ko e hā ʻa e ngaahi lēsoni naʻe akoʻi ʻe Tēvita kia kiʻi Solomoné? (1 Tuʻi 2:1-4; 1 Kal. 22:6-13; 28:9, 10) (15) ʻE anga-fēfē ha ʻaonga ʻa e pule ʻa Sīsuú kia Tēvita, Sionatane pea mo koé?—Ai. 11:6-9; Sione 11:25, 26.
ʻI he taimi ní fakalaulauloto: ʻE lava fēfē ke ke faʻifaʻitaki fakafoʻituitui ki he falala ki he ʻOtuá naʻe fakahāhā ʻe Tēvitá?
Ngaahi mātuʻa, fakahūhū ki hoʻomou fānaú ʻa e mahuʻinga tuʻuloa ʻo e falala ki he ʻOtuá, hangē ko ia naʻe fai ʻe Tēvitá.—Sāme 56:11.