Fokotuʻu ha Taimi-Tēpile Fakafāmili ʻAonga

¹ ʻI heʻene Malanga he Moʻungá, naʻe ekinaki ai ʻa Sīsū ki heʻene kau fanongó: “Ka mou fuofua kumi ae buleaga oe Otua, mo ene maonioni.” (Fakaʻītali ʻamautolu; Mt. 6:​33, PM) Ko ha founga ʻaonga ke palani ai ʻa e ngaahi ngāue ʻa e fāmilí koeʻuhi ke fakamuʻomuʻa ʻa e ngaahi meʻa fakalaumālié ko hono maʻu ha taimi-tēpile kuo ʻosi hiki. Vaheʻi ha ngaahi miniti siʻi ke fokotuʻu ai haʻo taimi-tēpile fakafāmili fakauike tonu, ʻo ngāueʻaki ʻa e taimi-tēpile ʻatā ʻi he peesi 6 ʻo e fakalahi ko ení. Koeʻuhi ko ha foʻi ngāue fakafāmili, ko e niʻihi te nau saiʻia nai ke kosiʻi ia ʻo fakapipiki ki he taimi-tēpilé. ʻE saiʻia ʻa e niʻihi ia ke hikiʻi ai ʻa e ngaahi ngāue ke faí.

² Ko e sīpinga taimi-tēpile ʻoku fakahaaʻi ʻi laló ʻe tokoni nai ia ʻi hoʻo fokotuʻu hoʻo taimi-tēpilé. Te ke fakatokangaʻi ʻoku kau ai ʻa e ngaahi ngāue tefito pē ʻe fā: (1) maʻu ʻa e ngaahi fakataha ʻa e fakatahaʻangá, (2) ngāue fakamalanga ʻa e fāmilí, (3) ko e ako fakafāmilí, mo e (4) lāulea ki he konga tohi fakaʻahó. Ko hono fakakau ʻa e ngaahi meʻá ni ʻi hoʻo taimi-tēpilé ʻe lava ke ne tokoniʻi koe ke ke “fakapapauʻi ʻa e ngaahi meʻa mahuʻinga lahi angé.” (Fili. 1:​10, NW) Ko e ngaahi fokotuʻu lahi ange ʻi he ngaahi tafaʻaki ʻe fā ko ení ʻoku hā ia ʻi he peesi 4-5.

³ Ko hoʻo taimi-tēpile fakafāmilí ʻoku ʻikai fiemaʻu ke fakangatangata ia ki he ngaahi ngāue pē ʻe fā ko iá. Kapau te mou teuteu ko ha fāmili ki ha ngaahi fakataha pau, fakaʻilongaʻi ia ʻi hoʻo taimi-tēpilé. Kapau te mou lau fakataha ha konga ʻo e Tohi Tapú hili ʻa e lāulea ki he konga tohi fakaʻahó pe fai ia ʻi ha toe taimi kehe, fakaʻilongaʻi ia ʻi he taimi-tēpilé. Kapau ʻoku mou faʻa kau ʻi ha faʻahinga fakafiefia fakafāmili, te ke fiemaʻu nai ke fakakau ia ʻi hoʻo taimi-tēpilé.

⁴ Fengaʻunuʻaki ʻa hoʻo taimi-tēpile fakafāmilí ke feʻunga mo e ngaahi fiemaʻu mo e ngaahi tuʻunga ʻo e tokotaha kotoa ʻi he ʻapí. Fakafuofuaʻi mei he taimi ki he taimi pe ʻoku ola lelei fēfē ia, pea fai ha ngaahi fengaʻunuʻaki ʻo ka fiemaʻu.

[Saati ʻi he peesi 3]

Sīpinga Taimi-Tēpile Fakafāmili

Pongipongi Hoʻatā Efiafi Efiafi

Sāp. Konga Tohi

Malanga Maʻá e Kakaí

mo e Ako Taua Leʻo

Mōn. Konga Tohi Ako Fakafāmili

Tūs. Konga Tohi Ako Tohi ʻa e

Fakatahaʻangá

Pul. Konga Tohi

Tuʻa. Konga Tohi Ako Fakafaifekau

Fakateokalatí

mo e Fakataha

Ngāué

Fal. Konga Tohi

Tok. Konga Tohi

Malaʻe Ngāue

ʻa e Fāmilí

(ʻAho Makasini)

[Saati ʻi he peesi 6]

Taimi-Tēpile Fakafāmilí

Pongipongi Hoʻatā Efiafi Efiafi

Sāp.

Mōn.

Tūs.

Pul.

Tuʻa.

Fal.

Tok.

.................................................................