Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻEp. 15
“ʻOku meimei loto-tatau ʻa e tokotaha kotoa ko e taha ʻo e ngaahi kī ki ha moʻui fakafāmili fiefiá ko e fetuʻutaki leleí, neongo ia ʻoku ʻiloʻi ʻe he kakai tokolahi ʻoku faingataʻa ke fetuʻutaki lelei. ʻOkú ke pehē ko e hā hono ʻuhingá? [Tuku ke ne tali.] ʻOku ʻomai ʻe he makasini ko ení ʻa e ngaahi fokotuʻu ki hono fakaleleiʻi ʻa e ngaahi pōtoʻi ʻi he fetuʻutakí.” Lau ʻa e Semisi 1:19.
Awake! ʻEp.
“ʻOku pehē ʻe he kakai tokolahi ʻoku tokoniʻi kinautolu ʻe he kolosí ke nau ongoʻi ofi ange ai ki he ʻOtuá. Kae kehe, ʻoku fifili ʻa e niʻihi: ʻOku totonu ke fakaʻapaʻapaʻi ʻa e meʻa naʻe ngāueʻaki ki hono fakapoongi ʻo Sīsuú? Naʻe pekia moʻoni ʻa Sīsū ʻi ha kolosi? Ko e kupu ʻoku kamata ʻi he peesi 12 ʻoku sivisiviʻi ai ʻa e ongo fehuʻi ko ení mei he anga ʻo e vakai ʻa e Tohi Tapú.” Lau ʻa e Ngāue 5:30.
Ko e Taua Leʻo Mē 1
“Ko e kakai ʻe laui miliona ʻi māmani lahi ʻoku nau faingataʻaʻia ʻi he ngaahi nunuʻa fakamamahi ʻo e masivá. ʻOkú ke pehē ko e hā ʻe lava ke fai ke tokoniʻiʻaki kinautolú? [Tuku ke ne tali. Lau leva ʻa e 1 Pita 2:21.] ʻOku fakamatala ʻa e makasini ko ení ki he founga ʻe lava ke tau muimui ai ʻi he faʻifaʻitakiʻanga ʻa Sīsū ʻi hono fakahāhā ʻa e tokanga ki he kau masivá.”
Awake! Mē
“Kuó ke fifili nai ʻi ha taimi pe ko e hā ʻoku tau tupu ai ʻo motuʻá? [Tuku ke ne tali.] Ko e fakamatala ʻa e Tohi Tapú ki he ʻuhinga ʻo ʻetau tupu ʻo motuʻá ʻoku fakahaaʻi ai ʻa e founga ʻoku ʻai ʻe he ʻOtuá ke tau malava ai ʻo maʻu ʻa e moʻui taʻengatá. [Lau ʻa e Aisea 25:8.] Ko e ʻīsiu ko eni ʻo e Awake! ʻoku sivisiviʻi ai ʻa e niʻihi ʻo e ngaahi fakakaukau lolotonga ʻo fekauʻaki mo e hoholo ʻo motuʻá.